Posts in ‘បច្ចុប្បន្នភាពក្នុងលោក’ Category

នយោបាយ - គណៈកម្មការជំនាញ ចម្រុះរបស់គណបក្សទាំងពីរ បាននឹងកំពុងជជែកពិភាក្សាគ្នាលំអិត នូវចំណុច​តូចៗមួយចំនួន ដែលមិនទាន់បានដោះស្រាយបញ្ចប់ នាព្រឹកថ្ងៃទី២៩ ខែកក្កដានេះ។ ទាំងគណបក្សប្រជាជនកម្ពុជា ទាំងគណបក្សសង្គ្រោះជាតិ មានសង្ឃឹមច្រើនក្នុងការឈានទៅរកភាពត្រូវគ្នា។ ជាមួយនឹងលទ្ធផលនេះ​បេក្ខភាព​តំណាងរាស្រ្តជាប់ឆ្នោតទាំង៥៥រូប គណបក្សសង្គ្រោះជាតិនឹងចូល«ស្បថ» នាពេលរសៀលថ្ងៃដដែលនេះ។

ក្រោយកិច្ចចចារកំពូល នៃគណបក្សទាំងពីរ ត្រូវបានបញ្ចប់កាលពីថ្ងៃទី២២ ខែកក្កដា ឆ្នាំ២០១៤នេះ បានសម្រេច​បង្កើតឲ្យមាន នូវគណៈកម្មការចំនួន១០នៃរដ្ឋសភា។ បន្ទាប់ពីការស្បថនិងធ្វើសច្ចាប្រណិធាន ក្រុមអ្នកតំណាងរាស្រ្ត​គណបក្សសង្គ្រោះជាតិទំាង៥៥រូប នឹងចូលប្រជុំសភា ដើម្បីធ្វើវិសោធនកម្មបទបញ្ជាផ្ទៃក្នុងរដ្ឋសភា ទាក់ទងទៅនឹង​ការបង្កើតបន្ថែមគណៈកម្មការជំនាញថ្មីនៃរដ្ឋសភា គណៈកម្មការអង្កេត [...]

អ្នកតវ៉ាជាស្រ្តីពីរនាក់សន្លប់ និងមួយចំនួនត្រូវរងរបួស ក្នុងព្រឹត្តិការណ៍ទង្គិចគ្នារវាងសន្តិសុខ និងអ្នកមានជម្លោះដីធ្លី នៅព្រឹកថ្ងៃទី២៨ ខែកក្កដានេះ។ មតិនានាបានលើកឡើងថា នេះអាចមកពីក្រុមសន្តិសុខនោះ មានបំណងសងសឹក​ទៅលើក្រុមអ្នកតវ៉ាវិញ ដែលបានធ្វើឱ្យពួកខ្លួនរងរបួសជាច្រើននាក់កាលពីថ្ងៃទី១៥ កក្កដាកន្លងទៅ។

សហគមន៍អតីតអ្នកភូមិបឹងកក់ តវ៉ានៅថ្ងៃទី៥ ខែឧសភា ឆ្នាំ២០១៤។ (រូបថត MONOROOM.info/ S. Tith)

ហិង្សា - នៅព្រឹកថ្ងៃទី២៨ ខែកក្កដា ឆ្នាំ២០១៤នេះ អ្នកភូមិមានបញ្ហាជម្លោះដីធ្លី បានប៉ះទង្គិចជាមួយ​ក្រុមសន្តិសុខ​ថែរក្សាសណ្តាប់ធ្នាប់ សាលារាជធានីភ្នំពេញម្តងទៀត ក្រោយពីអ្នកមានជម្លោះដីធ្លីទាំងនោះរួមមាន ប្រជាសហគមន៍​បឹងកក់ [...]

ភ្លើងឆេះរោងចក្រចិនមួយកន្លែងឈ្មោះ ឆឹង ស៊ីង បានបំផ្លាញ អាគាររោងចក្រអស់ពីរខ្នង និងផលិតផលរោងចក្រ​បង្កឲ្យមានការខាតបង់ជាច្រើន។

អគ្គិភ័យឆេះរោងចក្រចិន ស្លាប់ម្នាក់ និងរបួសបីនាក់។ (រូបថត ហ្វេសប៊ុក)

អគ្គិភ័យ - ព្រឹត្តការណ៍នេះបានធ្វើឲ្យមនុស្សម្នាក់ស្លាប់ និងរបួសបីនាក់ ដែលសុទ្ធសឹងជាជនជាតិចិន គេងស្នាក់​នៅ​ក្នុងរោងចក្រនេះ។ ជនជាតិចិនដែលស្លាប់ ឈ្មោះ យ៉ាង ឈីគង់ ភេទស្រី ជាបុគ្គលិក និងគេងស្នាក់នៅ​ក្នុងរោងចក្រ​ផ្ទាល់តែម្តង។ រីឯអ្នករបួសបីនាក់ទៀត ត្រូវបានគេបញ្ជូនទៅសង្រ្គោះមន្ទីពេទ្យជាបន្ទាន់ ដោយរថយន្តសង្គ្រោះរបស់ មន្ទីរសុខាភិបាលរាជធានីភ្នំពេញ។

ព្រឹត្តការណ៍ភ្លើងឆេះរោងចក្រនេះ ស្ថិតនៅភូមិទួលពង្រ សង្កាត់ចោមចៅ ខ័ណ្ឌពោធ៍ [...]