Posts in ‘បច្ចុប្បន្នភាពក្នុងលោក’ Category

ការសម្រេចចិត្ត​ឲ្យយន្ដហោះ ដែលភ្ជាប់ជើងហោះហើរ ពីរាជធានី​ប្រ៊ុយស៊ែល (Bruxelles ប្រទេស​​ប៊ែលហ្សិក) ឆ្ពោះទៅ ក្រុង ហ្សាវេនតឹម (Zaventem ប្រទេសតួនេស៊ី) ដែលមានមនុស្ស១៧០នាក់ ធ្វើដំណើរជាមួយនោះ បានធ្វើឡើង ដោយការិយាល័យគ្រប់គ្រងវិបត្តិ របស់ក្រុមហ៊ុនទេសចរណ៍ ជែតអ៊ែរ នៅក្រោយដំណឹង​ពី​ភេវរកម្ម នៅក្នុងសណ្ឋាគារមាត់សមុទ្រមួយ នៅប្រទេសតួនេស៊ី កាលពីព្រឹកថ្ងៃសុក្រ ទី២៦ ខែមិថុនា។ យន្ដហោះ​បានត្រឡប់មកចុះចត នៅព្រលានយន្តហោះអន្តរជាតិ នៃរាជធានី ប្រ៊ុយស៊ែល វិញ នៅរសៀលថ្ងៃ​ដដែល ដោយមិនមានហេតុភេទអ្វីទេ។

អ្នកនាំពាក្យរបស់ក្រុមហ៊ុនអាកាសចរណ៍ អ្នកស្រី ផ្ល័រ៉ង់ ប្រុយ៉ែរ (Florence Bruyère) បានអះអាងថា វិធានការ​ខាងលើ មិនមែនជាវិធានការទីមួយទេ ព្រោះក្រុមហ៊ុនគ្រោងនឹងផ្ដល់លទ្ធភាព ឲ្យអតិថិជនរបស់ខ្លួន ដែលមាន​ចំនួនជាង ២៣០០នាក់ អាវវិលត្រឡប់ មកមាតុប្រទេសវិញ។ កាលពីថ្ងៃសៅរ៍នេះ ក្រុមហ៊ុនបានបញ្ជូន យន្ដហោះ​គ្មានអ្នកដំណើរ ចំនួន៩គ្រឿង [...]

រូបថតថតដោយខ្លួនឯងនោះ ត្រូវបានផ្ញើរទៅឲ្យជនជាតិអាមេរិកម្នាក់ តាមរយៈកម្មវិធី WhatsApp ក្នុង​ទូរស័ព្ទ​ដៃ។ នេះបើតាមប្រភពមួយ ស្និតនឹងការស៊ើបអង្កេត។ អត្តសញ្ញាណ នៃជនជាតិអាមេរិកនោះ មិនត្រូវ​បាន​ប្រភពនោះ បង្ហើបឲ្យដឹងទេ។ ប៉ុន្តែក្រុមអ្នកស៊ើបអង្កេត នឹងប្រើប្រាស់ នូវគ្រប់មធ្យោបាយរបស់ខ្លួន ដើម្បី​តាម​ស្វែង​រក ពីអ្នកទទួលផ្សេងទៀត ដែលជនសង្ស័យ ជាភេវរជន ឈ្មោះ យ៉ាស៊ីន សាលី នេះ បានផ្ញើរចេញទៅ។

កោសលវិច្ឆ័យទៅលើសាកសព ដែលមានដងខ្លួន ផ្សេងពីក្បាល របស់ជនរងគ្រោះ អតីតថៅកែរបស់ជន​សង្ស័យ ត្រូវបានធ្វើកាលពីថ្ងៃសៅរ៍ មួយថ្ងៃក្រោយពីភេវរកម្ម បានកើតឡើង ប្រឆាំងរោងចក្រផលិតឧស្ម័ន ក្នុង​ក្រុង សាំងកងតាំង ហ្វាឡាវីយ៉េ (Saint-Quentin-Fallavier) ភាគខាងត្បូងនៃប្រទេសបារាំង។ ក្រុមអ្នក​ស៊ើប​អង្កេត ចង់ដឹងថា ជនរងគ្រោះ ដែលមានអាយុ៥៤ឆ្នាំ ត្រូវបានកាត់ក្បាល នៅមុន ឬនៅក្រោយ​មរណៈភាព។

សូមបញ្ជាក់ជូនដែរថា សាកសពជនរងគ្រោះ [...]

បើអ្នកនយាបាយកាន់អំណាច ឬមន្ត្រីអន្ទ្រើសៗ ក្នុងជួររដ្ឋាភិបាល តែងនិយាយមិនដាច់ពីមាត់ ថាប្រទេស​កម្ពុជា​មិនខ្វះការងារ ឲ្យពលកររបស់ខ្លួនធ្វើនោះ ប៉ុន្តែអ្នកដែលនិយាយផ្ទុយពីនេះ សុទ្ធសឹងជាអ្នក ដែល​ទទួល​បទពិសោធន៍ពិតៗ និងមិនមែនជាអ្នកនយោបាយ ឬមន្ត្រីអន្ទ្រើសៗទាំងនោះឡើយ។ ពលករកម្មករនិយោជិក ច្រើននាក់ណាស់ ដែលបានត្អូញត្អែរថា កម្ពុជាមិនត្រឹមតែ មិនមានទីផ្សារការងារច្រើននោះទេ តែបើមាន​ការងារ​​ហើយនោះ កម្ពុជាបែរជាត្រូវញាំញ៉ី ទៅដោយ«ការិយាធិបតេយ្យ» ប្រាក់ខែមិនធុនល្មមនឹងជីវិត និង​«អំពើ​ពុករលួយ»​ទៅវិញ។ ទាំងអស់នេះ បានធ្វើឲ្យពួកគេគ្មានជម្រើស ត្រូវបង្ខំចិត្តចាកចោលភូមិស្រុក ទឹកដី​មាតុភូមិ និងក្រុមគ្រួសារ ដើម្បីចេញទៅធ្វើការ នៅក្រៅប្រទេស។

យុវតី ហ៊ាន យៀង ដែលកំពុងរៀនភាសាកូរ៉េ ដើើម្បីត្រៀមខ្លួន ចេញទៅធ្វើការនៅក្រៅប្រទេសនោះ បាន​ថ្លែងប្រាប់ទស្សនាវដ្ដីមនោរម្យ.អាំងហ្វូថា មិនមានការងារធ្វើនៅក្នុងប្រទេសទេ ហើយបច្ចុប្បន្ន [...]

សមាគមអាដហុក កំពុងពិនិត្យមើលផ្លូវច្បាប់ និងរៀបចំតាមនីតិវិធី ក្នុងការប្តឹងមន្រ្តីពាក់ព័ន្ធ ក្នុងជួររដ្ឋាភិបាល​ណា ដែលបានរំលោភបំពានច្បាប់។ ប្រធានផ្នែកសិទ្ធិមនុស្ស និងជំនួយផ្លូវច្បាប់ របស់សមាគមការពារ​សិទ្ធិ​មនុស្ស អាដហុក លោក នី ចិរិយា បានថ្លែងប្រាប់ទស្សនាវដ្តីមនោរម្យ.អាំងហ្វូថា សមាគមអាដហុក នឹងធ្វើ​សេចក្តីថ្លែងការណ៍មួយ បង្ហាញពីការរំលោភច្បាប់ និងសិទ្ធិមនុស្ស ដោយមន្រ្តីសាធារណៈរបស់រដ្ឋ បន្ទាប់​មក​នីតិវិធីប្តឹងផ្តល់ នឹងស្នើឡើងបន្តបន្ទាប់គ្នានេះ។

ការអះអាងរបស់លោក នីចរិយា នេះត្រូវបានធ្វើឡើង បន្ទាប់ពីបុគ្គលិកសមាគមអាដហុកម្នាក់ ឈ្មោះ ឌិត សុធី ត្រូវបានក្រុមសន្តិសុខ និងអាជ្ញាធរខណ្ឌដូនពេញ និងខណ្ឌចំការមន ធ្វើការចាប់ខ្លួន អំឡុងពេលមន្រ្តី​រូប​នេះ កំពុងចុះអង្កេតការណ៍ ពីសកម្មភាពនៃការដង្ហែរញត្តិ របស់ក្រុមយុវជន ចលនាមាតាធម្មជាតិ ទៅ​ដាក់នៅ​រដ្ឋសភា រឿងបូមខ្សាច់នៅក្នុងខេត្តកោះកុង។

លោក នី [...]

ជនសង្ស័យទាំង០៦រូបនោះ សុទ្ធតែជាមនុស្សប្រុសទាំងអស់ ដែលមានឈ្មោះ (ទី១) យិន ចន្ធី អាយុ១៨ឆ្នាំ (ទី២) អេង ភារុណ អាយុ១៥ឆ្នាំ (ទី៣) ម៊ុយ ឌី អាយុ១៥ឆ្នាំ (ទី៤) ឈ្មោះ អេង មករា (ទី៥) ភីសុខ និត អ្នកទាំង​ពីរអាយុ១៨ឆ្នាំ និង(ទី៦)  ម៉េង សុខហៀង អាយុ២២ឆ្នាំ។ ក្រុមអ្នកទាំងប្រាំមួយរូប ត្រូវបានកងរាជអាវុធហត្ថ ពោធ៌សែនជ័យ ឃាត់ខ្លូន នៅវេលាម៉ោង ០៥ល្ងាចថ្ងៃ ទី២៦ ខែមិថុនា ឆ្នាំ ២០១៥ នៅចំណុចផ្ទះជួលលេខ ៤៥ ភូមិ​តាសេក សង្កាត់កំបូល ខណ្ឌពោធ៍សែនជ័យ រាធានីភ្នំពេញ។

នគរបាលកងរាជអាវុធហត្ថ ពោធ៌សែនជ័យ បានប្រាប់ទស្សនាវដ្តីមនោរម្យ.អាំងហ្វូឲ្យដឹងថា លោកបានដក​ហូត ថ្នាំញៀនចំនួន ១៣ កញ្ចប់ និងម៉ូតូឌ្រីមសេ១២៥ មួយគ្រឿងពណ៍ខ្មៅ មួយគ្រឿង និងសម្ភារៈ​ច្នៃស្លាក​លេខម៉ូតូ មួយចំនួនទៀត។ បច្ចុប្បន្នជនសង្ស័យ ប្រើប្រាស់គ្រឿងញៀនទាំងប្រាំមួយរូប កំពុងឃុំខ្លូន​បណ្តោះ​អាសន្ន នៅ​ក្នុងប៉ុស្តិ៍កំបូល នឹងកំពុងរៀបចំសំនុំរឿង [...]