Posts in ‘បច្ចុប្បន្នភាពក្នុងលោក’ Category

ប្រធានគណបក្សសង្គ្រោះជាតិ លោក សម រង្ស៊ី បានអះអាងជាសាធារណៈ នៅថ្ងៃអាទិត្យទី២២ ខែវិច្ឆិកានេះ នូវមូលហេតុចំនួន៣យ៉ាង របស់លោក ក្នុងការមិនវិលត្រឡប់មកមាតុប្រទេសវិញ កាលពីថ្ងៃទី១៦ ខែវិច្ឆិកា ដើមសប្ដាហ៍កន្លងមកនេះ។ លោកបានសរសេរ មូលហេតុទាំងនោះ នៅលើទំព័រហ្វេសប៊ុកផ្លូវការរបស់លោក ដែលមានអត្ថន័យដូចតទៅ៖

១) សុវត្ថិភាពអ្នកគាំទ្រ៖

លោកបានសរសេរថា គណបក្សសង្គ្រោះជាតិទាំងមូល បានសម្រេចចិត្តជា​ឯកច្ឆន្ទ​ ស្នើ​ឲ្យ​លោក​លើក​ពេល​ វិល​​ត្រឡប់​មក​កម្ពុជា មួយ​រយៈ​សិន ដើម្បីបញ្ជៀស​អំពើ​ហិង្សា ដែល​អាច​កើត​ឡើង ​ពេល​លោក​មក​ដល់​ព្រលាន​យន្តហោះ​អន្តរជាតិ​ភ្នំពេញ នៅ​យប់​ថ្ងៃ​ទី​១៦ ខែវិច្ឆិកា ហើយដែលអាច​ប៉ះពាល់ ដល់​អ្នក​គាំទ្រ​គណបក្ស​សង្គ្រោះ​ជាតិ ជាច្រើន​នាក់ ដែល​ត្រៀម​ទៅ​ទទួល​លោក ដល់​ព្រលាន​យន្តហោះ។ លោក​បញ្ជាក់ថា នៅខណៈពេល ដែលលោកកំពុង​ធ្វើ​ដំណើរ​ ទៅ​កាន់​ព្រលាន​យន្តហោះអន្តរជាតិ អ៊ីនឆុន (Incheon) [...]

ការទម្លាយថ្មីៗ ស្ដីពីទូរសាររវាងពីឆ្នាំ១៩៧៣ មកដល់ឆ្នាំ១៩៧៦ បានបង្ហាញឲ្យដឹង ជាសាធារណៈ នូវអ្វី​ដែល​ជា«អាថ៌កំបាំង និងការឃុបឃិតគ្នា» រវាងសហរដ្ឋអាមេរិក និងបណ្ដាប្រទេសជាសម្ព័ន្ធមិត្ត។ នោះជា​ឯកសារទូរសារ ដែលបានឆ្លើយឆ្លង ជាមួយនឹងរដ្ឋមន្ត្រីការបរទេសអាមេរិក លោក ហេនរី គីស៊ីនជ័រ (Henry Kissinger) កាលពីសម័យកាលនោះ។

ស្ថាបនិករបស់ វីគីលីគ្ស៍ (WikiLeaks) លោក ជូលៀន អាសាញ (Julian Assange) បានថ្លែងឲ្យដឹងថា៖ «នេះ ជាការផ្សព្វផ្សាយ ដ៏អស្ចារ្យ មិនដែលធ្លាប់មានពីមុនមក នូវឯកសារភូមិសាស្ត្រនយោបាយ»។ ការថ្លែង​របស​លោក បានធ្វើឡើង ខណៈគេហទំព័ររបស់ វីគីលីគ្ស៍ បានបញ្ចេញមកជាសាធារណៈ នូវ​ឯកសារ​ឆ្លើយ​ឆ្លង​នៃ​ប្រព័ន្ធ​ការទូតអាមេរិក ប្រមាណជា១,៧លានច្បាប់ នៅក្នុងទសវត្សន៍ឆ្នាំ៧០។

ធ្វើបទអន្តរាគមន៍ផ្សាយផ្ទាល់ តាមវីដេអូ ពីស្ថានទូតនៃប្រទេសអេក្វាទ័រ ប្រចាំអង់គ្លេស លោក អាសាញ បានឲ្យដឹងទៀតថា កំណត់សម្គាល់ របាយការណ៍ [...]

ជនសង្ស័យ រុំ សុងហេង អាយុ២១ឆ្នាំ ដែលត្រូវបានក្រុមសមត្ថកិច្ចចាប់ខ្លួននេះ បានប្រកាសថា ខ្លួនជា​សង្សា​របស់នារីរងគ្រោះ ហើយបានផ្ទុះការក្ដៅក្រហាយឡើង នៅពេលនាងបានរំលឹករឿងចាស់មកវិញ រហូត​ចាក់​នាង ចំនួន២៨កាំបិត ឲ្យស្លាប់នៅក្នុងថ្លុកឈាម យ៉ាងអណោចអាធម នៅតាមផ្លូវដ៏ស្ងាត់មួយ។

ជនសង្ស័យបានបញ្ជាក់ថា ខ្លួននិងនារីរងគ្រោះទាំងពីរនាក់ ពិតជាមានទំនាក់ទនងជាមួយគ្នា ជាយូរមក​ហើយ។ ហើយនៅមុន ថ្ងៃកើតហេតុមួយថ្ងៃ គឺថ្ងៃទី១៩ ខែវិច្ឆិកា ខ្លូននិងមិត្តស្រីនេះ បានធ្វើដំណើរ ទៅ​ស្រុក​កំណើត​ជា​មួយគ្នា ក្នុងគោលបំណង ទៅចុះសំបុត្រអាពាហ៍ពិពាហ៍ (អេតាស៊ីវិល)។ ជនសង្ស័យដដែល បាន​រៀប​រាប់​បន្ត ប្រាប់សមត្ថកិច្ច ទាំងទឹកមុខញញឹមស្រស់ថា នៅពេលធ្វើដំណើរ បានពាក់កណ្តាលផ្លូវ ស្រាប់​តែ​នារី​រង​គ្រោះ ចេះរំលឹករឿងចាស់ របស់គេនិងនាង ហើយព្យាយាមឲ្យខ្លួន ផ្តាច់ទំនាកទំនង ជាមួយនឹងសង្សា​ចាស់។

ពេលនោះ ជនសង្ស័យ បានផ្ទុះកំហឹងយ៉ាងខ្លាំង [...]

ភ្លេចមើលមួយភ្លែត ត្រូវចោរលួចម៉ូតូបាត់! តើចោរមានជំនាញ ខាងលួចរហ័ស ឬនៅប្រទេសកម្ពុជា សម្បូរ​ចោរ​ដល់ថ្នាក់ ទុកអ្វីប្រហែសបន្តិច ក៏ត្រូវចោរលួចបាត់ឬ?

នេះ ជាករណីចោរលួចម៉ូតូមួយគ្រឿង ដែលកើតឡើង នៅវេលាម៉ោង៤ និង៥០នាទី ទៀបភ្លឺ ថ្ងៃទី២០ ខែវិច្ឆិកា ឆ្នាំ២០១៥ នៅក្នុងហាងលក់កាហេ្វបាយ ឈ្មោះ «ម្លប់ស្វាយបាយមាន់ស្រែ» ស្ថិតនៅតាមផ្លូវលេខ៦ ភូមិ​កណ្តាល ឃុំព្រែកអញ្ចាញ ស្រុកមុខកំពូល ខេត្តកណ្តាល។

លោក សេង សុថា ជាម្ចាស់ម៉ូតូហុងដាឌ្រីម សេរី ២០១៣ មានស្លាកលេខ បាត់ដំបង ១០ ៨២៧១ មានវ័យ ៤៦​ឆ្នាំ បានឲ្យដឹងថា ជារៀងរាល់ព្រឹក លោកបានអូសម៉ូតូចេញពីបន្ទប់ មកទុកខាងក្រៅ ហើយគាត់បានរៀប​សាច់​អាំង និងតុការហ្វេដើម្បីលក់។ លោករៀបរាប់ថា លោកបានភ្លេចខ្លួនមួយភ្លែត ស្រាប់តែចោរលួចយកម៉ូតូនោះ ទៅបាត់។

រីឯមន្ត្រីសមត្ថកិច្ចនៅតំបន់នោះ បានទទួលស្គាល់ថា បានឲ្យដឹងថា មានសង្ឃឹមតិចតួចណាស់ ដែលអាចរក​ឃើញមុខសញ្ញាចោរ និងយកម៉ូតូមកវិញ។ លោក [...]