Posts in ‘បទសំភាស’ Category

«ខ្ញុំជាមេធាវី។ ខ្ញុំបំពេញសិទ្ធិ ការពារកូនក្តីរបស់ខ្ញុំ។ នៅពេលដែលយកកូនក្តីខ្ញុំ ទៅដល់ពន្ធនាគារ មិនមានដីកាឃុំខ្លួន ខ្ញុំក៏តវ៉ា។ (...) ខ្ញុំមិនបានគាស់ទ្វារបង គ្មានកាំភ្លើងគម្រាម គ្មានប្រើហិង្សា ក្រៅពីសំដីតវ៉ា។ មន្រ្តីពន្ធនាគារ ក្រឡា​បញ្ជី​បរាជ័យ មិនអាចឃុំខ្លួនកូនក្តីខ្ញុំបាន កូនក្តីខ្ញុំក៏ចេញទៅផ្ទះវិញ។ ក្រោយមកតុលាការ ក៏ចោទប្រកាន់ខ្ញុំ ថាផ្តល់​មធ្យោបាយ​រត់។» នេះជាការថ្លែង របស់លោកមេធាវី ជួង ជូងី ក្នុងកិច្ចសម្ភាស ជាមួយទស្សនាវដ្តីមនោរម្យ.អាំងហ្វូ ក្នុងថ្ងៃទី១៤ ខែមីនានេះ។

ការលើកឡើង របស់លោកមេធាវី បានធ្វើឡើង បន្ទាប់ពីប្រធានចៅក្រមជំនុំជម្រះ នៃតុលាការខេត្តកណ្តាល លោក គឹម ម៉េង បានសម្រេចប្រកាសសាលក្រម កាលពីថ្ងៃទី១៣ ខែមីនា ម្សិលម៉ិញ ទៅលើសាលក្រមកំបាំងមុខ កាលពីខែកក្កដា ឆ្នាំ២០១៤ ដែលបានចោទប្រកាន់លោក មេធាវី ជូង ជូងី និងលោក ចាន់ ចេង អ្នកតំណាងរាស្ត្រខាង​គណបក្សសង្គ្រោះ​ជាតិ [...]

ករណីតវ៉ាជាច្រើន បានផ្ទុះឡើង រាប់តាំងពីករណីពលរដ្ឋ ដែលរងគ្រោះនឹងដីធ្លី ឬក្រុមអ្នកការពារព្រៃ។ល។ ហើយ​ករណី​ខ្លះ ក៏គេនិយាយដល់ ពីការតវ៉ាដែលកើតមាន នៅក្នុងផ្ទៃក្នុងគណបក្សនយោបាយដែរ។ ប៉ុន្តែជានិច្ចជាកាល ដំណោះ​ស្រាយ​វិញ ដូចជាស្ថិតក្នុងសភាពមិនជាក់លាក់ ហើយករណីមួយចំនួន ត្រូវបានតបតរវិញ ដោយការគម្រាមកំហែង ឬ​ចាប់​ដាក់ពន្ធនាគារ និងការបណ្ដេញចេញពីគណបក្សជាដើម។

ខាងលើនេះ ត្រូវបានលោក យ៉ង់ គឹមអេង ប្រធានមជ្ឈមណ្ឌលប្រជាពលរដ្ឋ ដើម្បីអភិវឌ្ឍន៍និងសន្តិភាព អះអាងថា ដោយ​សារតែ ប្រទេស សង្គម ឬគណបក្សនោះ មិនបានគោរពលិទ្ធិប្រជាធិបតេយ្យ ពិតប្រាកដ។

ក្នុងកិច្ចសម្ភាស ជាមួយទស្សនាវដ្តីមនោរម្យ.អាំងហ្វូ ប្រធានមជ្ឈមណ្ឌលប្រជាពលរដ្ឋ ដើម្បីអភិវឌ្ឍន៍ និងសន្តិភាពរូបនេះ បានធ្វើការបកស្រាយ ទៅលើការដឹកនាំរបស់គណបក្សនយោបាយ ក្នុងស្រុកខ្មែរមួយ ដែលកំពុងមានវិបត្តិផ្ទៃក្នុង របស់​ខ្លួន​ជាបន្តបន្ទាប់ និងនៅមិនទាន់មាន [...]

លោក ឈឹម ផលវរុណ អ្នកនាំពាក្យគណបក្សប្រជាជនកម្ពុជា ក្នុងកិច្ចសម្ភាសជាមួយ​ទស្សនាវដ្តី​មនោរម្យ.អាំងហ្វូ​នាព្រឹកថ្ងៃទី២១ ខែកុម្ភៈនេះ បានលើកឡើងថា មិនចំពោះតែលោក អេឡិច ដែលជាជនជាតិអេស្ប៉ាញនោះទេ បណ្តា​ជនបរទេសទាំងអស់ ដែលស្នាក់នៅកម្ពុជា ហើយហួសសុពលភាព នៃការស្នាក់នៅនោះ ចាំបាច់ត្រូវ​ធ្វើការ​ស្នើសុំជាថ្មី។ តែនេះជាការ«ស្នើសុំ» មិនមែនជាការ«ទាមទារ»នោះឡើយ។

ដោយឡែកចំពោះការស្នើសុំនោះ ជាការសម្រេចរបស់រាជរដ្ឋាភិបាល ដែលជា«ម្ចាស់»ប្រទេស ថាតើគួឲ្យបន្ត ឬ​មិន​គួឲ្យបន្ត។ ករណីនេះ ក៏ត្រូវធ្វើការផ្អែកលើគោលការណ៍ជាក់លាក់មួយ នៃជនបរទេសនោះ ដែលត្រូវបនុ្ត​និង​ស្នាក់នៅកម្ពុជា ស្របតាមច្បាប់អន្តោប្រវេសន៍ និងច្បាប់នានារបស់ប្រទេសកម្ពុជានោះដែរ។

អ្នកនាំពាក្យរូបនេះ បានបញ្ជាក់ដូច្នេះថា៖ «អេឡិច ជាជនបរទេសឯកជនធម្មតាម្នាក់ មិនមែនជាជនបរទេស ដែល​តំណាងឲ្យប្រទេសអេស្ប៉ាញ មកធ្វើការនៅកម្ពុជាឡើយ។ (...) [...]