Posts in ‘គ្រប់អត្ថបទជាខេមរភាសា’ Category

ការបង្ហាញម៉ូដជាទូទៅ ត្រូវបានម្ចាស់យីហោ ឬអ្នកឆ្នៃម៉ូដប្រារព្ធធ្វើ ដើម្បីសង្កតធ្ងន់ទៅលើតែសោភ័ណភាព និងគំនិតឆ្នៃប្រឌិត របស់សម្លៀកបំពាក់ ឬបង្ហាញពីអ្វីដែលម្ចាស់យីហោ ឬអ្នកឆ្នៃម៉ូដចង់បានប៉ុណ្ណោះ។ ប៉ុន្តែ​កាលពីយប់ថ្ងៃចន្ទទី៨ ខែកញ្ញានេះ យីហោសម្លៀកបំពាក់ រ៉ាល់ ឡូរ៉ង់ (Ralph Lauren) ដ៏ល្បីឈ្មោះ​របស់​អាមេរិក បានបង្ហាញនូវកម្មវិធីដ៏ប្លែកចម្លែក«អស្ចារ្យ» នូវការបង្ហាញម៉ូដសម្លៀកបំពាក់របស់ខ្លួន នៅកណ្ដាល​ឧទ្យានធំ នៃទីក្រុងញ៉ូយក។ នោះគឺបញ្ចូលបច្ចេកវិទ្យា 4D មកធ្វើជាក្រឡាដើរ និងតុបតែងឆាកឲ្យនារីៗ​បង្ហាញម៉ូដ បង្កើតជាទស្សនីយភាពដ៏គួរឲ្យស្ងប់ស្ងែង។

នារីបង្ហាញម៉ូដដ៏ស្អាតសង្ហា បានស្លៀកសម្លៀកបំពាក់ដែលទើបនឹងត្រូវបានឆ្នៃម៉ូដថ្មី ហើយបានចេញ​មក​ដើរ​ក្នុងឆាក ចេញចូលជាមួយនឹងរូបភាព ដែលត្រូវបានគេបញ្ចាំងឡើងទៅលើផ្ទាំងសំពត់ស។ រូបភាព​ទាំង​នោះ សុទ្ធតែជាទីកន្លែងដ៏សំខាន់ៗ នៅទីក្រុងញ៉ូយក និងតំបន់មួយចំនួនទៀត [...]

អ្នកស្នេហាកីឡាទាំងឡាយ តែងឃើញជាញឹកញយ នូវមនុស្សប្រុសម្នាក់ ពីរនាក់ ឬពេលខ្លះទាំងហ្វូង បាន​រត់កាត់ទីលានប្រកួតបាល់ទាត់ ឬបាល់អោបជាដើម។ អ្នកខ្លះពីក្នុងចំណោមនោះ ថែមទាំងបាន«ស្រាត» រួច​រត់ចូលក្នុងការប្រកួត នៅក្រោមក្រសែរភ្នែកមនុស្សរាប់សិបនោះទៀត។ មនុស្សទាំងនោះ មានភាគច្រើនជា​បុរស។ តែពេលនេះ អ្នករត់កាត់ស្រាតខោអាវនោះ មានមនុស្សស្រីម្ដង ដែលបានធ្វើឲ្យមានការភ្ញាក់ផ្អើល នៅ​ក្នុងការប្រកួតបាល់អោបមួយ រវាងក្រុមជម្រើសជាតិ ញ៉ូហ្សេឡេន និងក្រុមអាហ្សង់ទីន កាលពីចុង​សប្ដាហ៍​មុន។

នាង រូស គូប៉ា (Rose Kupa) អាយុ២៥ឆ្នាំ បានដោះខោអាវចេញពីខ្លួន លោតពីកន្លែងអង្គុយរបស់ខ្លួន ហើយ​បានរត់កាត់ទីលានប្រកួតបាល់អោប ដោយបានឆ្លៀតទះកំប៉េះគូថកីឡាករម្នាក់ បានមួយដៃ មុននឹងនាង​ត្រូវ​បានភ្នាក់ងារសន្តិសុខ លោតសង្គ្រប់ពីលើ ដើម្បីចាប់ឃាត់ខ្លួននាង។

បន្ទាប់ពីហេតុការណ៍នោះហើយ នារីក្លាហានត្រូវបានគេដោះលែងវិញ ដោយមិនមានការផាកពិន័យ [...]

សូមកុំហៅនាឡិកាចេញថ្មីនេះ ថាជាអាយវ័ធ្ច (iWatch) តែត្រូវហៅឈ្មោះផ្លូវការរបស់វា ថា«អ័បផលវ័ធ្ច (Apple Watch)»។ បំពាក់ដោយអេក្រង់នៃបច្ចេកវិទ្យា រ៉ឺទីណា (Retina) និងរុំស្រោបដោយកែវសាហ្វៀ (Sapphire) ដែលធន់នឹងភាពប៉ះទង្គិចនោះ ផលិតផលចេញថ្មី អ័បផលវ័ធ្ច មានពីរប្រភេទ ដែលយើង​មើល​ឃើញ​​ពីខាង​ក្រៅ ថាវាខុសគ្នាត្រឹមតែកម្រាស់ប៉ុណ្ណោះ៖ ប្រភេទទីមួយ ៣៨ មីលីម៉ែត្រ និងប្រភេទទីពីរ ៤២​មីលីម៉ែត្រ។

នាឡិកាទំនើប ដែលទើបនឹងប្រកាសចេញ ដោយក្រុមហ៊ុនបច្ចេកវិទ្យាដ៏ល្បីនេះ មានបំពាក់ដោយ​ឧបករណ៍ និងសម្ភារៈពិសេសថ្មីៗជាច្រើន ក្នុងនោះរួមមាន ប្រព័ន្ធវាស់ចង្វាក់ដើររបស់បេះដូង ប្រព័ន្ធទូទាត់ទំនិញ​ជំនួស​​ឲ្យប័ណ្ណឥណទាន នឹងអាចប្រើទាក់ទងជាមួយទូរស័ព្ទអាយហ្វូន ៦ ដែលទើបនឹងចេញថ្មីដូចគ្នា។ ជា​មួយនឹងខ្សែនាឡិកា ដែលអាចធ្វើការផ្លាស់ប្ដូរបាន ដល់ទៅជាង៥០ប្រភេទនោះ នាឡិកានេះ​មានថ្មបង្កប់​ជាប់នៅក្នុងតួរបស់វា អាចប្រើបានរយៈពេលពេញមួយថ្ងៃ (?) [...]