បទ«ពង្សាតារខ្មែរ» ដាស់ស្មារតី«ជាតិនិយម»
បទ«ពង្សាតាខ្មែរ» ជាចម្រៀងមួយប្រភេទ ដែលច្រៀងជាពួក ។ បទនេះប្រជាពលរដ្ឋទូទៅ អាចស្តាប់ឮ សឹងតែជារៀងរាល់ព្រឹកព្រលឹម នៅតាមបណ្តាការចាក់ផ្សាយ របស់ស្ថានីយ៍ទូរទស្សន៍ និងវិទ្យុមួយចំនួនធំនៅកម្ពុជា នៅមុនពេលផ្តើមបើកកម្មវិធីរបស់ខ្លួនម្តងៗ ហើយក៏ត្រូវបានលោកគ្រូ អ្នកគ្រូ និងនាយកសាលា បានតម្រូវឲ្យសិស្សានុសិស្ស យកមកច្រៀងនៅពេលគោរពទង់ជាតិផងដែរ។
តាមអត្ថន័យនៃ«បទពង្សាវតារខ្មែរ»នេះ មានលក្ខណៈជាតិនិយម។ ដោយបានទូន្មាន ដល់បណ្តាប្រជាពលរដ្ឋខ្មែរគ្រប់រូប ឲ្យយល់ដឹងពីសាវតារជាតិ និងវប្បធម៌ដ៏រុងរឿងរបស់ខ្លួន តាំងពីសម័យមហានគរតរៀងមក។ ក្នុងបទនេះ បានបង្ហាញពីកិត្យានុភាពនៃវប្បធម៌របស់ខ្មែរ ដែលធ្លាប់មានភាពល្បីរន្ទឺ រហូតដល់ចុងបូព៌ា និងជាពិសេស បង្ហាញនូវមោទនភាព ដែលបានកើតមកជាកូនខ្មែរ [...]