សហជីព៦ គ្រោងជួបជុំនៅទីលានប្រជាធិបតេយ្យ ជាមួយកម្មករ ៣០០០នាក់
- ដោយ: ក. វិច្ចនី ដោយ ក.វិច្ចនី (ទាក់ទង៖ [email protected]) - ភ្នំពេញ ថ្ងៃទី ០៩ តុលា ២០១៤
- កែប្រែចុងក្រោយ: October 10, 2014
- ប្រធានបទ: វិបត្តិការងារ
- អត្ថបទ: មានបញ្ហា?
- មតិ-យោបល់
-
នៅព្រឹកថ្ងៃអាទិត្យទី ១២ ខែតុលាខាងមុខនេះ ក្រុមសហព័ន្ធសហជីព នឹងបើកឲ្យមានការបញ្ចេញមតិ ដោយការជួបជុំគ្នាមួយ នៅទីលានប្រជាធិបតេយ្យ ចាប់ពីម៉ោង ៨:៣០ ព្រឹក រហូតដល់ម៉ោង ១២:០០ ថ្ងៃត្រង់ ដើម្បីផ្តល់ឱកាសដល់កម្មករ បានសម្តែងមតិ និងទាមទារឲ្យរដ្ឋាភិបាល នយោជក និងអ្នកបញ្ជាទិញតម្លើងប្រាក់ឈ្នួល សមរម្យជូនកម្មករនយោជិត។
កន្លងមកសហព័ន្ធសហជីព បានធ្វើការតម្លើងប្រាក់ឈ្នួលរហូតដល់ ១៧៧ដុល្លា ប៉ុន្តែដើម្បជៀសវាងការកេងចំណេញខាងនយោបាយពីគណបក្សណាមួយ ទើបសម្រេចកំណត់យកប្រាក់ឈ្នួលសមរម្យវិញ។ នេះបើតាមការលើកឡើងរបស់ លោក សៀង សម្បត្តិ តំណាងសហព័ន្ធសហជីពឯករាជ្យទាំង ០៦។
ស្របនឹងការប្រកាសធ្វើការជួបជុំរបស់កម្មករនិយោជិតនេះ លោក ឃួង ស្រេង អភិបាលរងរាជធានីភ្នំពេញ បានស្នើរឲ្យសហព័ន្ធសហជីពកុំយកអាជ្ញាធរ ក៍ដូចជារដ្ឋាភិបាលជាសត្រូវ ព្រោះកន្លងមករាជរដ្ឋាភិបាល ខំស្វែងរកអ្នកវិនយោទុន មកធ្វើការវិនយោគនៅក្នុងប្រទេស ដើម្បីឲ្យប្រជាពលរដ្ឋមានការងារធ្វើបានសមរម្យ។
លោក ឡុង ឌីម៉ង់ អ្នកនាំពាក្យសាលារាជធានី បានលើកឡើងថា ការដង្ហែរក្បួនទៅរដ្ឋភាជាតិ និងស្ថានទូតនានានោះ សាលារាជធានីភ្នំពេញ នឹងស្នើរសុំគោលការណ៍ ទៅក្រសួងមហាផ្ទៃ។ ប្រសិនបើមានការអនុញ្ញាត សាលារាជធានីនឹងទាក់ទងទៅលេខាធិការដ្ឋានរដ្ឋសភា និងស្ថានទូត ដែលសហព័ន្ធសហជីពខាងលើ មានគោលបំណងយកញត្តិទៅដាក់ ដើម្បីមានអ្នកតំណាងមកទទួលញត្តិ៕