អ្នកតវ៉ាដីធ្លី៣នាក់ទៀត និងព្រះសង្ឃ១អង្គត្រូវបានចាប់ខ្លួន
ខណៈពេលដែលក្រុមអ្នកភូមិបឹងកក់ កំពុងស្រែកទាមទារឲ្យមានការដោះលែងក្រុមអ្នកតំណាងរបស់ពួកគេ ដែលត្រូវបានចាប់ខ្លួនមួយថ្ងៃមុននោះ ពួកគាត់ដែលមានស្ត្រីបីនាក់ និងព្រះសង្ឃមួយអង្គ ត្រូវបានក្រុមអាជ្ញាធរ និងកម្លាំងសន្តិសុខចាប់ខ្លួនយកទៅ ដោយមិនមានដីការចាប់ខ្លួន របស់ពួកគាត់នោះទេ។
ស្ត្រីដែលត្រូវបានចាប់ខ្លួន កាលពីព្រឹកម៉ិញនេះ មានឈ្មោះ៖ អ្នកស្រី វង្ស សុភាព រស់នៅសហគមន៍ថ្មគោល កញ្ញា អឹម ស្រីទូច អតីតអ្នកសហគមន៍បឹងកក់ អ្នកស្រី ហេង ពេជ្រ ដែលជាអ្នកភូមិបឹងកក់ដូចគ្នា និងព្រះសង្ឃព្រះនាម សីន ហាយ គង់នៅវត្តស្ទឹងមានជ័យ។
យោងតាមការបញ្ជាក់របស់លោក ចាន់ ពុទ្ធិស័ក អ្នកដែលបានចូលរួមការតវ៉ាកាលពីព្រឹកម៉ិញ បាននិយាយថា កងកម្លាំងសន្តិសុខបានចោទប្រកាន់ពួកគាត់ថា ទៅរំខានដល់ការងាររបស់តុលាការ។ ដូច្នេះក្រុមកម្លាំងសន្តិសុខ បានបណ្តេញពួកគាត់ចេញពីទីនោះ [...]