Posts in ‘គ្រប់អត្ថបទជាខេមរភាសា’ Category

ទស្សនាវដ្តីមនោរម្យ.អាំងហ្វូ បានទទួលការការស្នើសុំ ពីប្រិយមិត្តអ្នកអាន ឲ្យជួយបកស្រាយពីការផ្តាច់ (រំលាយ) ចំណងអាពាហ៍ពិពាហ៍មួយ (ចាស់) ដោយតុលាការ ហើយចង់ផ្សារភ្ជាប់ អាពាហ៍ពិពាហ៍ចាស់នេះឡើងវិញ ឲ្យស្របតាមផ្លូវច្បាប់ តើត្រូវធ្វើយ៉ាងណា?

ដើម្បីដោះស្រាយនូវចម្ងល់របស់ប្រិយមិត្ត ទស្សនាវដ្តីមនោរម្យ.អាំងហ្វូ បានទទួលការបកស្រាយ និងពន្យល់លើបញ្ហានេះ ពីសំណាក់លោកមេធាវី សុខ សំអឿន និងជានាយកប្រតិបត្តិ នៃអង្គការមិនមែនរដ្ឋាភិបាលមួយ ហៅថា ក្រុមអ្នកច្បាប់ការពាសិទ្ធិកម្ពុជា។ លោកជាអ្នកឯកទេសច្បាប់ ដ៏ល្បីឈ្មោះម្នាក់ នៅកម្ពុជា។ លោកក៏ជាអ្នកតាក់តែងសៀវភៅច្បាប់ជាច្រើន ហើយក៏ជាអ្នកបានបើកវគ្គបណ្ដុះបណ្ដាលច្បាប់ ដល់មន្រ្តីសិទ្ធិមនុស្ស មន្រ្តីអនុវត្តច្បាប់ និងមន្រ្តីតុលាការមួយចំនួនដែរ។

លោកមេធាវីបានធ្វើការពន្យល់ថា ចំណងអាពាហ៍ពិពាហ៍មួយត្រូវបានកាត់ផ្តាច់ ដោយសាលក្រម ឬសាលដីកាតុលាការ មានន័យថា [...]

ប្រទេសកម្ពុជាក្នុងពេលនេះ សំបូរទៅដោយរោងចក្រកាត់ដេរ ដែលអាចបង្ហាញថា កម្ពុជាមានធនធានមិនអន់ទេ ទាក់ទងនឹងវិស័យសម្លៀកបំពាក់។ តែផ្ទុយទៅវិញ គេតែងសង្កេតឃើញ ស្ត្រីៗខ្មែរជាច្រើន ទាំងក្មេងទាំងចាស់ បានដាក់ចំណាប់អារម្មណ៍ ឬជំនោររបស់ខ្លួនយ៉ាងខ្លាំងក្លា ទៅរកវប្បធម៌នៃការស្លៀក«ខ្លី» ដូចជាមិនសូវមានកំណាត់។ ការស្លៀកខ្លីនេះទៀតសោត ត្រូវបានស្ត្រីមួយចំនួន យកមកឆ្នៃពន្លេច ឲ្យឃើញជាសាច់ដុំសំខាន់ៗ នៅលើរាងកាយរបស់ខ្លួន។ ឬបើមិនដូច្នេះទេ ស្ត្រីមួយចំនួនថែមទាំងថតរូប បង្ហោះចែកគេឯងមើលពាសពេញ ទាំងបណ្ដាញសង្គមនោះផងទៀត។

តើសកម្មភាពនេះ ធ្វើដើម្បីអ្វី? ឬគ្រាន់តែចង់បានភាពទាក់ទាញ ពីភ្នែកអ្នកដទៃ? តើការស្លៀកខ្លីចេញគល់ភ្លៅ គល់សុដន់ ឬរន្ធផ្ចិតជាដើម និងការស្លៀករឹប បង្ហាញរាង អ្វីៗទាំងអស់នោះ ពិតជាភាពលេចធ្លោ និងភាពស៊ីវិល័យ សម្រាប់យុវវ័យនាសម័យកាលនេះ ឬយ៉ាងណា?

ជាមួយគ្នានេះដែរ ក៏មានក្រុមហ៊ុនមួយចំនួន បានបង្កើតជាកម្មវិធីតន្រ្តី [...]

លោក ប្រ៊ែដ អាដាម (Brad Adams) នាយកប្រតិបត្តិទទួលបន្ទុកកិច្ចការតំបន់អាស៊ី នៃអង្គការឃ្លាំមើល​សិទ្ធិ​មនុស្ស ហៅថា Human Rights Watch បានថ្លែងថា លោកស្នើសុំឲ្យប្រទេសកម្ពុជា បញ្ចប់នូវការទាញយក កងកម្លាំងប្រដាប់អាវុធឯករាជ្យរបស់ជាតិ ដាក់បញ្ចូលទៅក្នុងគណបក្សកាន់អំណាច ដើម្បីការពារនូវ​អំណាច​របស់​គណបក្សផ្ទាល់ខ្លួននោះ។ លោកបន្តថា កងកម្លាំងប្រដាប់អាវុធទាំងនោះ គួឈរនៅជាអព្យាក្រិត្យ និង​គោរពសិទ្ធិមនុស្ស ពិសេសមិនត្រូវនៅជាកម្មសិទ្ធិផ្តាច់មុខ របស់គណបក្សកាន់អំណាចនោះឡើយ។

ការថ្លែងរបស់លោក លោក ប្រ៊ែដ អាដាម (Brad Adams) បានធ្វើឡើង បន្ទាប់ពីគណបក្សប្រជាជនកម្ពុជា បានដាក់បញ្ចូលថ្នាក់ដឹកនាំយោធា កងរាជអាវុធហត្ថ និងប៉ូលិសប្រមាណ៨០នាក់ និងមន្ត្រីសន្តិសុខ​ផ្សេង​ទៀត ទៅក្នុងគណៈកម្មាធិការកណ្ដាល នៃគណបក្សកាន់អំណាចមួយនេះ ក្នុងសមាជវិសាមញ្ញនៃគណបក្ស កាលពីថ្ងៃទី១ ខែកុម្ភៈឆ្នាំ២០១៥។

នៅថ្ងៃទី៤ ខែកុម្ភៈនេះ [...]

លោក យ៉ែម បុញ្ញឫទ្ធិ ប្រធានគណៈកម្មការទី៧ នៃរដ្ឋសភា បានដឹកនាំក្រុមការងាររបស់លោក បានចុះធ្វើទស្សនៈកិច្ចផ្ទាល់ នៅព្រឹកថ្ងៃទី ០៥ ខែកុម្ភៈនេះ នៅតាមសាកលវិទ្យាល័យនានា ក្នុងរាជធានីភ្នំពេញ ដើម្បីស្វែងយល់ពីប្រព័ន្ធអប់រំ របស់សាលានីមួយៗ ដើម្បីឈានទៅធ្វើកំណែទម្រង់បន្ថែម នៅក្នុងប្រព័ន្ធអប់រំ។

ការចុះធ្វើទស្សនៈកិច្ច របស់គណៈកម្មការទី ៧នៃរដ្ឋសភានេះ បានចាប់ផ្តើមធ្វើឡើងនៅ សាកលវិទ្យាល័យភូមិន្ទភ្នំពេញ មុនដំបូងគេបង្អស់។ លោកបានថ្លែងប្រាប់អ្នកសារព័ត៌មានថា ក្រុមការងាររបស់លោក ចង់ប្រមូលព័ត៌មានមួយចំនួន សំរាប់រៀបចំសិក្ខាសាលាមួយ នៅថ្ងៃទី ៣១ ខែ មីនាខាងមុខនេះ ដែលមានលោក ហង់ ជួនណារ៉ុន ជារដ្ឋមន្ត្រីក្រសួងអប់រំ យុវជន និងកីឡា ចូលរួមជាវាគ្មិនផង។ សិក្ខាសាលានោះ នឹងរៀបចំធ្វើនៅក្នុងវិមានរដ្ឋសភា ក្រោមប្រធានបទ «វិធានការកំណែទម្រង់ វិស័យអប់រំនៅកម្ពុជា»។

លោកថា ព័ត៌មានដែលលោកចង់បាននោះ មានដូចជាចំនួនសិស្ស ចំនួនគ្រូ [...]

ក្នុងថាស ដែលពេញប្រៀបដោយផ្លែឈើ ច្រកផ្លាស្ទិចជិត រៀបជាគំនរបួនទៅប្រាំជាន់ ក្មេងប្រុសម្នាក់នេះ ដើរ​រកអតិថិជនរបស់ខ្លួន ដែលកំពុងទទួលទានអាហារ នៅក្នុងហាងចំណីជាច្រើន ស្ថិតនៅខណ្ឌទួលគោក រាជធានី​ភ្នំពេញ។ ភាពឆ្លាតវៃរបស់កុមារតូចម្នាក់នេះ បានធ្វើភ្ញៀវនៅក្នុងហាងគ្រប់តុ ចាប់ភ្លឹកមើលក្មេង​ប្រុស​ម្នាក់នោះ ទាំងសម្តីកោតសរសើរនៅក្នុងចិត្ត លាយឡំជាមួយនឹងភាពអាណិតអាសូរ។ មានអ្នកខ្លះ បាន​ហៅ​កុមារយើងមកជិត ដើម្បីទិញផ្លែឈើដែលកុមារលក់។ ឯអ្នកខ្លះទៀតបានហុចលុយឲ្យ ប៉ុន្តែកុមារបែរជាមិន​ទទួលប្រាក់«ដាក់ទាន»នោះទៅវិញ។

ការចាប់អារម្មណ៍ដ៏ច្រើនទាំងនេះ បានបណ្តាលឲ្យអ្នកសាព័ត៍មាន របស់ទស្សនាវដ្តី​មនោរម្យ.អាំងហ្វូជួប​សាក​សួរផ្ទាល់ ជាមួយក្មេងដ៏តូចមួយនេះ នៅលា្ងចថ្ងៃទី៤កុម្ភៈឆ្នាំ២០១៥។ មានឈ្មោះ ហុង កុមារយើងទើបនឹង​មានអាយុ៤ឆ្នាំប៉ុណ្ណោះ ហើយកំពុងរស់នៅ ក្នុងខណ្ឌច្បារអំពៅ រាជធានីភ្នំពេញ។ និយាយទាំងសម្លេង​ដ៏តូច​ឆ្មារ កុមារ [...]