Posts in ‘គ្រប់អត្ថបទជាខេមរភាសា’ Category

ការទម្លាយថ្មីៗ ស្ដីពីទូរសាររវាងពីឆ្នាំ១៩៧៣ មកដល់ឆ្នាំ១៩៧៦ បានបង្ហាញឲ្យដឹង ជាសាធារណៈ នូវអ្វី​ដែល​ជា«អាថ៌កំបាំង និងការឃុបឃិតគ្នា» រវាងសហរដ្ឋអាមេរិក និងបណ្ដាប្រទេសជាសម្ព័ន្ធមិត្ត។ នោះជា​ឯកសារទូរសារ ដែលបានឆ្លើយឆ្លង ជាមួយនឹងរដ្ឋមន្ត្រីការបរទេសអាមេរិក លោក ហេនរី គីស៊ីនជ័រ (Henry Kissinger) កាលពីសម័យកាលនោះ។

ស្ថាបនិករបស់ វីគីលីគ្ស៍ (WikiLeaks) លោក ជូលៀន អាសាញ (Julian Assange) បានថ្លែងឲ្យដឹងថា៖ «នេះ ជាការផ្សព្វផ្សាយ ដ៏អស្ចារ្យ មិនដែលធ្លាប់មានពីមុនមក នូវឯកសារភូមិសាស្ត្រនយោបាយ»។ ការថ្លែង​របស​លោក បានធ្វើឡើង ខណៈគេហទំព័ររបស់ វីគីលីគ្ស៍ បានបញ្ចេញមកជាសាធារណៈ នូវ​ឯកសារ​ឆ្លើយ​ឆ្លង​នៃ​ប្រព័ន្ធ​ការទូតអាមេរិក ប្រមាណជា១,៧លានច្បាប់ នៅក្នុងទសវត្សន៍ឆ្នាំ៧០។

ធ្វើបទអន្តរាគមន៍ផ្សាយផ្ទាល់ តាមវីដេអូ ពីស្ថានទូតនៃប្រទេសអេក្វាទ័រ ប្រចាំអង់គ្លេស លោក អាសាញ បានឲ្យដឹងទៀតថា កំណត់សម្គាល់ របាយការណ៍ [...]

តាមពិតទៅ ករណីលោក ហោ ណាំហុង មានជាប់ទាក់ទង នឹងគុកបឹងត្របែក ក្នុងរបបខ្មែរក្រហម បាន​កប់​ទៅ​វិញ​បាត់ តាំងពីប៉ុន្មានឆ្នាំមុននេះ ទៅវិញហើយ។ ប៉ុន្តែលោក ហោ ណាំហុង ខ្លួនលោក តាមរយៈលោក​មេធាវី ការ សាវុត្ថ របស់លោកទេ ដែលបានគាស់រឿងនេះមកវិញ ដោយស្នើរទៅតុលាការសាលាដំបូង ឲ្យ​អនុវត្ត​សាលក្រម​ចូលជាស្ថាពរ របស់សាលាឧទ្ទរណ៍ កាលពីឆ្នាំ២០១៣ នោះគឺសុំឲ្យចេញ ដីកា​ឲ្យ​ចាប់​ខ្លួន​លោក សម រង្ស៊ី ដែល​ជា​មេបក្ស​ប្រឆាំង​ធំជាងគេនៅកម្ពុជា។ ការចេញដីកាឲ្យចាប់ខ្លួន លោក សម រង្ស៊ី នេះ មិន​​បាន​ធ្វើ​ឲ្យ​លោក ហោ ណាំហុង ឬគណបក្សប្រជាជនកម្ពុជា ចំណេញប៉ុន្មានឡើយ បើទោះជាក្រុមប្រឆាំង និង​អ្នក​ឃ្លាំ​មើល​ឯករាជ្យ មើលឃើញបែបផ្សេងថា មានរូបភាពបែបនយោបាយ ជាជាងការអនុវត្តច្បាប់​ក៏​ដោយ។

ហេតុអ្វី? ព្រោះលោក សម រង្ស៊ី ដែលបានឈ្នះក្ដី នៅតុលាការកំពូល របស់ប្រទេសបារាំង ទល់នឹងការប្ដឹង​ពី​បទ​បរិហាកេរ្តិ៍ ​របស់លោក ហោ ណាំហុង ករណី«មេគុកបឹងត្របែក» [...]

ជនសង្ស័យ រុំ សុងហេង អាយុ២១ឆ្នាំ ដែលត្រូវបានក្រុមសមត្ថកិច្ចចាប់ខ្លួននេះ បានប្រកាសថា ខ្លួនជា​សង្សា​របស់នារីរងគ្រោះ ហើយបានផ្ទុះការក្ដៅក្រហាយឡើង នៅពេលនាងបានរំលឹករឿងចាស់មកវិញ រហូត​ចាក់​នាង ចំនួន២៨កាំបិត ឲ្យស្លាប់នៅក្នុងថ្លុកឈាម យ៉ាងអណោចអាធម នៅតាមផ្លូវដ៏ស្ងាត់មួយ។

ជនសង្ស័យបានបញ្ជាក់ថា ខ្លួននិងនារីរងគ្រោះទាំងពីរនាក់ ពិតជាមានទំនាក់ទនងជាមួយគ្នា ជាយូរមក​ហើយ។ ហើយនៅមុន ថ្ងៃកើតហេតុមួយថ្ងៃ គឺថ្ងៃទី១៩ ខែវិច្ឆិកា ខ្លូននិងមិត្តស្រីនេះ បានធ្វើដំណើរ ទៅ​ស្រុក​កំណើត​ជា​មួយគ្នា ក្នុងគោលបំណង ទៅចុះសំបុត្រអាពាហ៍ពិពាហ៍ (អេតាស៊ីវិល)។ ជនសង្ស័យដដែល បាន​រៀប​រាប់​បន្ត ប្រាប់សមត្ថកិច្ច ទាំងទឹកមុខញញឹមស្រស់ថា នៅពេលធ្វើដំណើរ បានពាក់កណ្តាលផ្លូវ ស្រាប់​តែ​នារី​រង​គ្រោះ ចេះរំលឹករឿងចាស់ របស់គេនិងនាង ហើយព្យាយាមឲ្យខ្លួន ផ្តាច់ទំនាកទំនង ជាមួយនឹងសង្សា​ចាស់។

ពេលនោះ ជនសង្ស័យ បានផ្ទុះកំហឹងយ៉ាងខ្លាំង [...]

ភ្លេចមើលមួយភ្លែត ត្រូវចោរលួចម៉ូតូបាត់! តើចោរមានជំនាញ ខាងលួចរហ័ស ឬនៅប្រទេសកម្ពុជា សម្បូរ​ចោរ​ដល់ថ្នាក់ ទុកអ្វីប្រហែសបន្តិច ក៏ត្រូវចោរលួចបាត់ឬ?

នេះ ជាករណីចោរលួចម៉ូតូមួយគ្រឿង ដែលកើតឡើង នៅវេលាម៉ោង៤ និង៥០នាទី ទៀបភ្លឺ ថ្ងៃទី២០ ខែវិច្ឆិកា ឆ្នាំ២០១៥ នៅក្នុងហាងលក់កាហេ្វបាយ ឈ្មោះ «ម្លប់ស្វាយបាយមាន់ស្រែ» ស្ថិតនៅតាមផ្លូវលេខ៦ ភូមិ​កណ្តាល ឃុំព្រែកអញ្ចាញ ស្រុកមុខកំពូល ខេត្តកណ្តាល។

លោក សេង សុថា ជាម្ចាស់ម៉ូតូហុងដាឌ្រីម សេរី ២០១៣ មានស្លាកលេខ បាត់ដំបង ១០ ៨២៧១ មានវ័យ ៤៦​ឆ្នាំ បានឲ្យដឹងថា ជារៀងរាល់ព្រឹក លោកបានអូសម៉ូតូចេញពីបន្ទប់ មកទុកខាងក្រៅ ហើយគាត់បានរៀប​សាច់​អាំង និងតុការហ្វេដើម្បីលក់។ លោករៀបរាប់ថា លោកបានភ្លេចខ្លួនមួយភ្លែត ស្រាប់តែចោរលួចយកម៉ូតូនោះ ទៅបាត់។

រីឯមន្ត្រីសមត្ថកិច្ចនៅតំបន់នោះ បានទទួលស្គាល់ថា បានឲ្យដឹងថា មានសង្ឃឹមតិចតួចណាស់ ដែលអាចរក​ឃើញមុខសញ្ញាចោរ និងយកម៉ូតូមកវិញ។ លោក [...]

យុវតីម្នាក់ ត្រូវបានរកឃើញដេកស្លាប់ យ៉ាងអាណោចអាធម នៅនឹងដងផ្លូវដ៏ស្ងាត់មួយ ដោយការចាក់​ជា​ច្រើន​កាំបិត។ ជនរងគ្រោះ ដែលគេស្គាល់ថាឈ្មោះ ផែន សុផានី អាយុ២៣ ឆ្នាំ ជាគ្រូបង្រៀនភាសាអង់គ្លេសម្នាក់ នៅ​សាលាប៊ែលធីអន្តរជាតិ សាខាក្រុងតាខ្មៅ។ ករណីនេះ ត្រូវបានគេប្រទះឃើញសាកសព ឈានដល់​បង្ក​ការ​ភ្ញាក់​ផ្អើល ដល់ក្រុមសមត្ថកិច្ច នាវេលាម៉ោង៦ព្រឹក ថ្ងៃទី២០ វិច្ឆិកា ឆ្នាំ២០១៥ ក្នុងចំណុច ភូមិស្វាយតានី ឃុំ​ព្រែកគយ ស្រុកស្អាង ខេត្តកណ្តាល។

ក្រោយពីធ្វើកោសល្យវិច័យ មន្រ្តីសមត្ថកិច្ចបានឲ្យដឹងថា របួសដោយកាំបិត នៅលើខ្លូនស្រ្តីរងគ្រោះ មាន​ចំនួន​២៨កន្លែង។ ភ្លាមៗសមត្ថកិច្ចបានសន្និដ្ឋានថា ស្រ្តីរងគ្រោះស្លាប់ ដោយសារឃាតកម្មគុំនុំ (សងសឹក) ត្រូវជន​មិន​ស្គាល់មុខធ្វើឃាត នៅពេលនាងធ្វើដំណើម្នាក់ឯង នៅតាមដងផ្លូវដ៏ស្ងាត់នេះ។ ស្រ្តីម្ចាស់បន្ទប់ជួល របស់​យុវតី​រងគ្រោះ បានបញ្ជាក់ថា នាងមិនបានមកសម្រាក នៅក្នុងបន្ទប់ តាំងពីល្ងាចថ្ងៃទី១៩ [...]