Posts in ‘គ្រប់អត្ថបទជាខេមរភាសា’ Category

និយាយឲ្យខ្លី ស្ត្រីម្នាក់នេះ ជាកំពូល«សមមិត្តនារី» ដ៏យូរលង់មួយរូប ដែលមានតួនាទីជាអ្នក​ផ្ដល់​ព័ត៌មាន តាមកញ្ចក់ទូរទស្សន៍ជាតិ ដែលមានតែមួយគត់ របស់ប្រទេសកូរ៉េខាងជើង។ អ្នកស្រីឈ្មោះ រី ឈុនហេ (Ri Chun-hee) ហើយអ្នកស្រីគឺជា ធាតុមួយដែលមិនអាចអត់បាន ដើម្បីបម្រើឲ្យការ«ឃោសនា» របស់​របប​កុម្មុយនីស។

តាមពិតទៅអ្នកស្រី ដែលកើតនៅឆ្នាំ១៩៤៣​ និងជាអតីតតារាភាពយន្ដរូបនេះ បានចូលនិវត្តន៍តាំង​ពីដើម​សតវត្សន៍ ទី២១ មកម្លេះ តែអ្នកស្រីបានចេញមុខមកវិញ ជាមួយនឹងសម្លៀកបំពាក់​ប្រពៃណី ពណ៌ផ្កាឈូក ដើម្បី​ធ្វើការ​ប្រកាស នូវលទ្ធផលនៃការសាកល្បង គ្រាប់បែកនុយក្លេអ៊ែរ ប្រភេទ«H (ជាអក្សរកាត់ ពីពាក្យ Hydrogène)» ដែលរបបក្រុងព្យុងយ៉ាង អះអាងថា ទទួលបានផ្លែផ្កាយ៉ាង«ត្រចះត្រចង់» កាល​ពីដើមខែ​មករា​កន្លង​មក។

វីដេអូខាងក្រោមនេះ ជាដំណឹងបង្អើលពិភពលោក ដែលរូបអ្នកស្រីផ្ទាល់ បានចេញមកធ្វើការប្រកាស ជាមួយ​ទឹកមុខប្រិមប្រិយ តែពោរពេញដោយមោទនភាព [...]

ការជួបប្រកួតគ្នា នៃកីឡាតឺនីស នៅក្នុងក្រុងមែនប៊ន ប្រទេសអូស្ត្រាលី មានរយៈពេលមួយខែត្រឹម។ ប៉ុន្តែ​បើ​និយាយ ពី​ការ​ចាប់​ផ្ដើមឆ្នាំ២០១៦ដំបូងនេះ វាហាក់ដូចជាលឿនពេកហើយ ដោយសារតែគេមិនដឹងថា ថា​តើ​នរណាមួយ ដែលអាចយកឈ្នះ លើកំពូលជើងឯកច្រើនជំនាន់ ជាតិសែប៊ី កីឡាករ ណូវ៉ាស ដ្យូកូវិក (Novak Djokovic) បាននោះ។

យើងសាកល្បងងាកមកមើល ការប្រកួតធំៗទាំងឡាយ នាពេលកន្លងមក​ ដែលបានបង្ហាញថា កីឡាករ ដ្យូកូវិក បានឈ្នះ១១ដង ចាញ់ម្ដង។ ជ័យជំនះចុងក្រោយ នៅក្នុងការប្រកួត នាប្រទេសអូស្ត្រាលីលើកនេះ កីឡាករជាតិសែប៊ី បានបំបាក់កីឡាករតឺនីស អែនឌី មៀរ៉េ (Andy Murray) ជាតិអង់គ្លេស នៅក្នុងវគ្គ​ផ្ដាច់​ព្រ័ត្រ ដើម្បីយកពានរង្វាន់ «អូស្ត្រាលៀន អូភេន​ (Australian Open)»។

រីឯកំពូលជើងឯកជាតិអេស្ប៉ាញ កីឡាករ រ៉ាហ្វាអែល ណាដាល់ (Rafael Nadal) វិញ បានឈ្នះយក​ពាន​រង្វាន់ធំៗ (ដែលរៀបចំឡើង ដោយសហព័ន្ធកីឡាតឺនីសអន្តរជាតិ នៅ៤ប្រទេស ក្នុងពិភពលោក) [...]

ការប្រយុទ្ធប្ដូរផ្ដាច់ យកសាច់គ្នាស៊ីនេះ ជារឿងមួយ តែរឿងមួយទៀត គឺជាបញ្ហាទឹកដី ដែលត្រីឆ្លាមនីមួយ ទាមទារ​ថា «ទីនេះមានតែអញ»។ អ្នកដែលចាញ់សង្គ្រាម គឺច្បាស់ហើយ គឺសត្វត្រីឆ្លាម ដែលមាន​មាឌ​តូច​ជាង។ ហេតុការណ៍ នៃការចាប់គ្នាស៊ីជាអាហារ​ រវាងត្រីឆ្លាមដ៏សាហាវទាំងពីរ បានធ្វើឡើង​នៅក្រោម​ក្រសែរ​ភ្នែក នៃ​ក្រុម​អ្នក​ទេសចរណ៍​ជាច្រើននាក់ នៅក្នុងមជ្ឈមណ្ឌលចិញ្ចឹមត្រី ដ៏ធំមួយ ឈ្មោះ «Coex» នៃរដ្ឋធានី សេអ៊ូល ប្រទេស​កូរ៉េ​ខាង​ត្បូង។

បុគ្គលិករបស់មជ្ឈមណ្ឌល បានពន្យល់ថា ជម្លោះដណ្ដើមទឹកដី រវាងត្រីឆ្លាមញ៉ី ប្រភេទ«គោឡើងក (Requin-taureau/Sand tiger shark)» ដែលមានបណ្ដោយ​ប្រវែង២,២ម៉ែត្រ ជាមួយនឹងត្រីឆ្លាម មួយ​ប្រភេទ​ទៀត ដែល​មាន​ទំហំ​តូច​ជាង​ពីរ​ដង បានកើតឡើង នៅថ្ងៃយប់ព្រហស្បត្តិ៍ ចូលមកថ្ងៃសុក្រ សប្ដាហ៍នេះ។

នៅពេលដែលមជ្ឈមណ្ឌល [...]

ស្ត្រីនគរបាលជាតិកូឡំប៊ី អ្នកស្រី ល្វីសា ហ្វែណង់ដា អៀរ៉េអា (Luisa Fernanda Urrea) ទើបនឹង​ទទួល​បានការ​កោត​សរសើរ ពីសំណាក់ថ្នាក់លើ់របស់អ្នកស្រី និងពីសំណាក់​ប្រព័ន្ធផ្សព្វផ្សាយក្នុងស្រុក ទាក់ទងនឹង​​កាយវិការ​មួយ​របស់​អ្នកស្រី ដើម្បីធ្វើការសង្គ្រោះ ជនរងគ្រោះម្នាក់ ដែលទើបនឹងមានអាយុ ប៉ុន្មានម៉ោង​ប៉ុណ្ណោះ។ អ្នកស្រី ល្វីសា ដែលទើបនឹងក្លាយ ជាអ្នកម្ដាយវ័យក្មេងដែរនោះ ត្រូវបានបញ្ជូន ឲ្យទៅធ្វើ​អន្តរាគមន៍ នៅ​​ក្នុង​​ភូមិ «Tuluà» ដែលជាតំបន់ព្រៃភ្នំ​ដាច់ស្រយ៉ាលមួយ នៅភាគខាងលិច នៃប្រទេសកូឡំប៊ី។ នៅ​ទី​នោះ អ្នកស្រុក​ទើប​នឹងរកឃើញ ទារិការដ៏តូចមួយរូប ដែលត្រូវបានយកមក«ផ្លុងចោល» យ៉ាង​អាណោច​អធម ក្នុង​គុម្ពោត​ព្រៃ។

អ្នកដែលឃើញទារិកានេះមុនគេ គឺអ្នកស្រី អេឌីណូរ៉ា ជីមើណេស (Edinora Jimenez) អាយុ៥៩ឆ្នាំ ខណៈ​ពេល​អ្នកស្រី កំពុងបេះផ្លែក្រូច នៅក្នុងចំការមួយ។ អ្នកស្រី បានរៀបរាប់ប្រាប់សារព័ត៌មានក្នុងស្រុកថា៖ [...]

ដំណឹងចេញពីប្រទេសកូរ៉េខាងជើង កាន់តែធ្វើឲ្យ​ពិភពលោក «ញ៉ាក់សាច់» ខ្លាំងឡើង។ ទីក្រុងព្យុងយ៉ាង ទំនង​ជាកំពុងរៀបចំការបាញ់សាកល្បង នូវកាំជ្រួចរយៈឆ្ងាយមួយទៀត។ នេះបើតាមសេចក្ដី​រាយការណ៍​នានា របស់​សារព័ត៌មានជប៉ុន ចេញផ្សាយក្នុងចុងសប្ដាហ៍នេះ។ ប្រសិនជាគម្រោងសាកល្បង ពិតជា​មាន​មែន​នោះ បាន​ន័យ​ថា នេះសកម្មភាពថ្មីមួយទៀត នៅក្នុងរយៈពេល តែ៣សប្ដាហ៍ក្រោយ ការ​សាក​ល្បង​គ្រាប់​បែក​នុយក្លេអ៊ែរ ជាលើកទី៤ កាលពីដើមខែមករាកន្លងមក របស់ប្រទេសកុម្មុយនីស។

ប្រព័ន្ធផ្សព្វផ្សាយជប៉ុន ដូចយ៉ាងទីភ្នាក់ងារព័ត៌មាន «Kyodo» ជាដើម បានយោងប្រភពពីរដ្ឋាភិបាល​ជប៉ុន ទាក់ទងនឹងការវិភាគ ទៅលើរូបភាព ដែលចាប់បានដោយប្រព័ន្ធផ្កាយរណប បង្ហាញពីការរៀបចំ នូវ​ការ​បាញ់​កាំជ្រួចមួយ ពីមជ្ឈមណ្ឌល «Dongchang-ri» ភាគខាងលិច​នៃប្រទេសកូរ៉េខាងជើង។ ការរៀបចំ​ការ​បាញ់​នេះ អាចនឹងរួចរាល់ នៅក្នុងអំឡុងមួយសប្ដាហ៍ខាងមុខ។ ទូរទស្សន៍ «NHK» របស់ជប៉ុន [...]