បារាំង៖ អ្នកប្រឆាំងនឹង«អាពាហ៍ពិពាហ៍»នៃអ្នកមានភេទដូចគ្នា ប្ដេជ្ញាមិនរាថយ
«ជួបគ្នានៅថ្ងៃអង្គារ» នេះជាពាក្យលាគ្នា មានន័យស្មើរនឹងការត្រៀម ត្រឡប់មកជួបជុំគ្នាធ្វើបាតុកម្មបន្តទៀត នៅថ្ងៃអង្គារក្រោយ របស់ក្រុមអ្នកប្រឆាំងអត្ថបទច្បាប់អាពាហ៍ពិពាហ៍មួយ សម្រាប់ពួកអ្នកស្រឡាញ់ភេទដូចគ្នា។
ក្រុមបាតុករប្រឆាំងនឹងអត្ថបទច្បាប់ នៅទីលានអាំងវ៉ាលីដ ថ្ងៃទី២១ខែមេសានេះ។
មនុស្សជាច្រើនពាន់នាក់បានមកជួបជុំគ្នានៅថ្ងៃអាទិត្យនេះ នៅលើទីលានដង់ហ្វែរ រូឆេរ៉ូ (Denfert-Rochereau) កណ្ដាលទីក្រុងប៉ារីស ដើម្បីសម្ដែងការប្រឆាំង ជាបន្តបន្ទាប់របស់ពួកគេ ទល់នឹងអត្ថបទច្បាប់ ដែលនឹងអនុញ្ញាតអោយ បណ្ដាអ្នកស្រឡាញ់ភេទដូចគ្នា អាចរៀបការនឹងគ្នាបាន នៅចំពោះមុខច្បាប់។ ក្រុមបាតុករ ដែលបានធ្វើបាតុកម្ម
