Posts in ‘សម្រាំងជាខេមរភាសា’ Category

ថ្ងៃផុតកំណត់ ក្នុងការចុះឈ្មោះគណបក្សនយោបាយ និងចុះបញ្ជីបេក្ខជនឈរឈ្មោះបោះឆ្នោត ជ្រើសតាំង​តំណាងរាស្ត្រ​នីតិកាលទីប្រាំ នាល្ងាចថ្ងៃច័ន្ទទី១៣ខែឧសភា។ ក្នុងរយៈពេល១៥ថ្ងៃនេះ មានតែគណបក្សនយោបាយ​ប្រាំបី​ប៉ុណ្ណោះ ក្នុង​ចំណោមគណបក្សជាង៤០ ដែលបានចុះឈ្មោះ ចូលរួមការបោះឆ្នោត នាថ្ងៃទី២៨ ខែកក្កដាខាងមុខ ។

សន្និសីទកាសែតនាទីស្តីការ គ.ជ.ប ក្នុងថ្ងៃទី១៣ ខែឧសភា។ (រូបថត O. Vary/ MONOROOM.info)

ការចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះ ត្រូវបានប្រកាសបិទជាផ្លួវការត្រឹម​ម៉ោង១៧.៣០នាទី ក្នុងថ្ងៃទី១៣ ខែឧសភា ល្ងាចនេះ ក្នុងសន្និសីទកាសែតនាទីស្តីការ គ.ជ.ប។

ក្នុងអង្គសន្និសិទការសែត លោក សោ សុភរី សមាជិក គ.ជ.ប បានប្រកាសថាមានគណបក្សចំនួនប្រាំបី​ ដែលបានចុះ​ឈ្មោះ។ [...]

បទល្មើសជាច្រើន ដូចជាឃាតកម្មលើអ្នកនយោបាយ លើអ្នកសារព័ត៌មាន លើប្រធានសហជីព លើចៅក្រម លើតារា​ចម្រៀង ឬបទ រំលោភសេពសន្ធវះ ...  ដែលមកទល់នឹងពេលនេះ មានជនប្រព្រឹត្តិបទល្មើសពិតប្រាកដតិចតួចបំផុត ដែល​ត្រូវបាន តុលាការ យកមកកាត់ទោស។ មានករណីខ្លះ រហូតមកទល់នឹងថ្ងៃនេះ អាជ្ញាធរនៅមិនទាន់រក​ជនល្មើស​ឃើញ​នៅឡើយ។  ហើយមានករណីខ្លះទៀត គេបែរជាយកជនល្មើសក្លែងក្លាយ យកមកលាបពណ៌អោយគ្នា ក៍មានដែរ។ ទាំង​នេះហើយដែលយើងហៅថា «និទណ្ឌភាព»។

«និទណ្ឌភាព» គឺជាភាពដែលអាច ឬងាយគេចពីការទទួលខុសត្រូវ ខាងផ្លូវច្បាប់ នូវរាល់ទង្វើខុសច្បាប់ទាំងឡាយ។ និយាយអោយខ្លី «និទណ្ឌភាព» គឺសំដៅលើ «ភាព»ដែលអ្នកទទួលខុសត្រូវ ជាជនប្រព្រឹត្តិ ទោះបីផ្ទាល់ ឬដោយ ប្រយោល​ក៍ដោយ រស់នៅក្រៅប្រព័ន្ធច្បាប់ និងមិនទាន់ទទួលការផ្ដន្ទាទោស [...]

ប្រធានាធិបតីនៃប្រទេសភូមា លោកថេន សេន នឹងធ្វើទស្សនកិច្ចជាផ្លូវការនៅសហរដ្ឋអាមេរិក ហើយនឹងក្លាយជាមេដឹកនាំ​លើកដំបូងគេ នៃប្រទេសនេះ ដែលបានទៅជាន់ដីអាមេរិក គិតចាប់តាំងពី៤៧ឆ្នាំមកហើយ។

ជំនួបរវាងលោកបារ៉ាក់ អូបាម៉ា និងលោកថេន សេន កាលពីថ្ងៃ១៩ខែវិច្ឆិកាឆ្នាំ២០១២ កន្លងទៅ។

ទូរទស្សន៍ជាតិរបស់ភូមា បាននិយាយនៅថ្ងៃច័ន្ទនេះថា លោកថេន បានសម្រេចចិត្តថា នឹងធ្វើដំណើរទស្សនកិច្ចនេះ បន្ទាប់ពីលោកត្រូវបានអញ្ជើញដោយប្រធានាធិបតីអាមេរិក លោកបារ៉ាក់ អូបាម៉ា (Barack Obama)។ ប៉ុន្តែដំណើរ​ទស្សនកិច្ចនេះ ថានឹងធ្វើនៅពេលណានោះ គេនៅមិនទាន់ដឹងនៅឡើយ។

សូមរំលឹកថា អតីតបុរសខ្លាំង និងជាជនផ្ដាច់ការភូមា លោក ណេ វីន (Ne Win) ធ្លាប់ត្រូវបានទទួលនៅសេតវិមាន ក្នុង​ឆ្នាំ១៩៦៦។

សហរដ្ឋអាមេរិក [...]

ស្ត្រីជនជាតិប្រេស៊ីលម្នាក់អាយុ២៨ឆ្នាំ បានរងគ្រោះដោយចៃដន្យ នូវស្នចាក់ត្រីក្នុងទឹក ដែលបាញ់ចូលតាមមាត់ ហើយ​ធ្លាយទៅកញ្ចឹងក។ ស្នបាននៅបៀមជាប់ រហូតដល់ក្រុមគ្រូពេទ្យដកចេញ តែអ្វីដែលចម្លែក ស្ត្រីរងគ្រោះបានចាប់ផ្ដើម​ជា​សះធម្មតា​ឡើងវិញ ហាក់ដូចជាគ្មានរឿងអ្វីកើតឡើងចំពោះរូបនាងសោះ។

រូបថតឆ្លុះកាំរស្មី នៅមុនការវះកាត់ទាញស្នចេញ។

នាង អេលីហ្សានជឺឡា ប៊ប៉ូរ៉េមា រ៉ូហ្សា (Elisangela Borborema Rosa) បានទទួលរងគ្រោះនឹងស្ននេះ កាលពីថ្ងៃអង្គារ នៅ​ផ្ទះរបស់នាងក្នុងទីក្រុងទេសចរណ៍នៅតាមមាត់សមុទ្រ អារ៉ាអ៊ីអាល ដូ កាបូ (Arraial do Cabo)។ ស្ននេះត្រូវបាន​បាញ់​ចេញទៅដោយចៃដន្យ នៅពេលដែលស្វាមីរបស់នាងកំពុងលាងសម្អាតសម្ភារះរបស់គាត់ សម្រាប់ចាប់ត្រីនៅក្នុងទឹក។

គ្រូពេទ្រទទួលបន្ទុកវះកាត់ [...]

នាវាផ្ទុកយន្ដហោះចម្បាំងរបស់សហរដ្ឋអាមេរិក នឹងចូលរួមក្នុងថ្ងៃខាងមុខ នៅក្នុងសមយុទ្ធរួមគ្នារវាងសហរដ្ឋអាមេរិក និង​កូរ៉េខាងត្បូង។ ប៉ុន្តែសកម្មភាពនេះ ត្រូវបានថ្កោលទោសដោយទីក្រុងព្យុងយ៉ាង។

ក្រុមនាវា និងនាវាផ្ទុកយន្ដហោះចម្បាំងអាមេរិក នីមីត។

កូរ៉េខាងជើងបានបរិហារនៅថ្ងៃអាទិត្យនេះ ថាជាការបង្កហេតុដ៏ធ្ងន់ធ្ងរមួយ នៅបន្ទាប់ពីការមកដល់ឈូងសមុទ្រ​នៃប្រទេស​កូរ៉េខាងត្បូង នូវក្រុមនាវារបស់អាមេរិក ដែលនាំមុខដោយនាវាផ្ទុកយន្ដហោះចម្បាំង នីមីត (Nimitz) ក្នុងបំណងមកធ្វើ​សមយុទ្ធរួមគ្នា។ ក្រុមនាវាទាំងនោះ រួមមាននាវាចាប់កាំជ្រួច និងនាវាល្បាត ដែលមានផ្ទុកយន្ដហោះចម្បាំង ចំនួន៦៤​គ្រឿង។

សមយុទ្ធយោធានេះ បានធ្វើតាមការគ្រោងទុក តែចំពេលដែលស្ថានភាពនៅលើឧបទ្វីបកូរ៉េ នៅកំពុងតឹងតែងនៅឡើយ [...]