Posts in ‘សម្រាំងជាខេមរភាសា’ Category

ក្នុងលោកយើងនេះ អ្វីដែលអាចទៅរួច គឺមានទាំងអស់។ ខ្លួនស្រាតឲ្យននលគោក តាំងដើរស្រែកដាក់គេឯង ថាខ្លួន​ជា​អាទិទេព។ មិនត្រឹមតែប៉ុណ្ណឹង ដើរបង្កើតរឿងផ្ដេសផ្ដាស ដ៏គួរឲ្យហួសចិត្តនោះទៀត។

ហេតុការណ៍នេះ បានកើតឡើង គាលពីថ្ងៃសុក្រ ទី១៧ ខែមេសានេះ នៅក្នុងសង្កាត់ ដ៏ស្ងប់ស្ងាត់មួយ នៃក្រុង មែលប៊ន (Melbourne ភាគខាងកើត នៃរដ្ឋផ្លរីដា សហរដ្ឋអាមេរិក) និងបានបង្កឲ្យបណ្ដាជន នៅក្នុងសង្កាត់នោះ សឹងតែទាំង​អស់​គ្នា ភ្ញាក់ផ្អើលមិនតិចឡើយ។ បុរសម្នាក់ អាយុ៤១ឆ្នាំ គ្មានសម្លៀកបំពាក់នឹងខ្លួន បានរត់ពាសពេញទាំងសង្កាត់ ដោយ​ស្រែក​ឡើងថា ខ្លួនជា«អាទិទេព»។ ទំនងជាស្ថិតក្នុងឥទ្ធិពលនៃគ្រឿងស្រវឹង ជនដែលក្រោយមក ត្រូវបានស្គាល់ឈ្មោះ​ថា កេណេត ក្រវដ័រ (Kenneth Crowder) នេះ ថែមទាំងបាន ទៅចាប់ដើមឈើ មកត្រដុសអង្អែល ហើយធ្វើកាយវិការ ដូច​ជា​កំពុង​សេព​សន្ធវៈ នោះផងទៀត។

សារព័ត៌មានក្នុងតំបន់ «Florida Today» បានរាយការណ៍ ពីហេតុការណ៍នេះទៀតថា [...]

កាលពីពេល ដែល រ៉ាដេមើណេស កើតឡើងមកភ្លាម ម្ចាស់របស់វាបានគិតថា វាជាសត្វឆ្មារ ដែលមានរោគប្រចាំកាយ។ មិនខុសទេ វាមានបញ្ហា រលាកផ្លូវដកដង្ហើម ដែលធ្វើឲ្យក្ដីសង្ឃឹម ក្នុងការរស់រានមានជីវិត មានតិចបំផុត។ ដូច្នេះហើយ ទើបម្ចាស់វាបានប្រគល់វា មកឲ្យជំរកទទួលសត្វមួយកន្លែង នៃទីក្រុង Bydgoszcz ស្ថិតនៅភាគកណ្ដាល នៃ​ប្រទេស​ប៉ូឡូញ។

ពេទ្យសត្វ ទទួលបន្ទុកសត្វឆ្មារ នៅទីនោះ លោក Lucy Kuziel-Zawalich បានថ្លែងថា៖ «ស្ថានភាពសុខភាពរបស់វា មាន​សភាពដុនដាបណាស់ រហូតដល់យើងមិនអាចទុកឲ្យវា ទៅនៅជិតសត្វដទៃទៀតបាន។ វារស់នៅ ក្នុងប្រអប់មួយ​ដោយ​ឡែក។»

នៅថ្ងៃនេះ រ៉ាដេមើណេស បានស្រាកស្រាន្ដ ប្រសើរជាងមុនច្រើន។ តែរឿងដែលអស្ចារ្យនោះ គឺវាបានដើរធ្វើ​ជាអ្នក​ថ្នាក់ថ្នម បបោសអង្អែល សត្វដែលឈឺផ្សេងទៀត នៅទីនោះ។ រ៉ាដេមើណេស បាននៅក្បែរជាមួយសត្វទាំងឡាយណា ដែលកំពុងប្រឈមនឹងការវះកាត់ ដោយពេលខ្លះ វាបានយកជើងមកឆ្កឹះ យកច្រមុះមកហិត [...]

កញ្ញា អេមីលី រ៉ៃយ៍ (Emily Reay) ជាតិអង់គ្លេស អាយុ ១៧ឆ្នាំ ទើបនឹងត្រូវបាន សាលារបស់នាងបង្ក្រាប យ៉ាងចាស់ដៃ ពីករណី«ពណ៌សក់»របស់នាង។ មូលហេតុសំខាន់ បណ្ដាលមកពីសក់ក្បាល ដែលមានពណ៌ក្រហមឆេះ របស់នាង ត្រូវ​បានគណៈគ្រប់គ្រងសាលា Trinity School  នៃក្រុង Carlisle (ភាគកណ្ដាល នៃចក្រភពអង់គ្លេស) វិន្និច្ឆ័យថា មាន​សភាព ដូចសក់ក្បាលជនជាតិរ៉ូស្សី ជ្រុលពេក។ ប្រសិនជា អេមីលី ចង់បន្ដការសិក្សាទៅទៀត នាងចាំបាច់ត្រូវធ្វើតាម ការ​បង្គាប់​របស់​សាលា ហើយនាងគ្មានជម្រើសអ្វីឡើយ។

នាងបានរអ៊ូរទាំ ដាក់សារព័ត៌មាន «Metro» របស់អង់គ្លេសថា៖ «ខ្ញុំធ្វើពណ៌សក់បែបនេះ តាំងពី៣ឆ្នាំមកហើយ (...) តែ​គ្មាននរណានិយាយអ្វីសោះ។ សម្រាប់ខ្ញុំ ពណ៌សក់ដូច្នេះ ជាការបង្ហាញ នូវភាពទុកចិត្តដល់ខ្លួនឯង។» ប៉ុន្តែនៅពេល​ដែល​នាងបានត្រឡប់ ពីវិស្សមកាលនៃបុណ្យប៉ាក (បុណ្យរបស់សាសនាគ្រឹស្ទ៍) វិញ ស្រាប់តែលោកគ្រូអ្នកគ្រូ ក្នុង​សាលា​បានប្រាប់ [...]

ការបំផ្ទុះគ្រាប់បែក នុយក្លេអ៊ែរ? ការរលាយ នៃផ្ទាំងទឹកកក? បើទោះជាមនុស្សជាតិ ត្រូវប្រឈមនឹង បញ្ហាទាំងពីរនេះ កាន់​តែច្រើនឡើងៗក៏ដោយ តែវា (បញ្ហាទាំងពីរ) លែងជាជាការគម្រាម ដ៏ធំនិងចំពោះមុខ សម្រាប់​មនុស្សជាតិនោះ​ទៀត​ហើយ។ នេះបើតាម ការសិក្សាស្រាវជ្រាវមួយ របស់សកលវិទ្យាល័យ Edimbourg របស់ចក្រភពអង់គ្លេស ចេញ​ផ្សាយ​ដោយ​ទស្សនាវដ្ដី បារាំង «l'Express»។

ផ្ទុយទៅវិញ អ្នកស្រាវជ្រាវនៃសកលវិទ្យាល័យនោះ បានបង្ហាញថា គឺដំណើរការទៅមុខ នៃ«ភាពជូរ»របស់មហាសាគរ ទៅវិញទេ ដែលអាចបិទបញ្ចប់ យុគសម័យនៃមនុស្សជាតិ នៅលើផែនដីយើងនេះ។ ជាភស្ដុតាង កាលពី២៥២លាន​ឆ្នាំ​មុន អភូតហេតុធម្មជាតិ ប្រហាក់ប្រហែលគ្នា បានកើតឡើងរួចមកហើយ ដែលបណ្ដាលមកពីការផ្ទុះភ្នំភ្លើង បន្តបន្ទាប់គ្នា ហើយសឹងតែ១០០% នៃជីវិតសត្វលើគោក និង៩០% នៃជីវិតសត្វក្នុងទឹក ត្រូវបានស្លាប់បាត់ផុតពូជ។

ជាតិជូរ នៃទឹកសមុទ្រ នឹងកើនឡើង ៣០% [...]