Posts in ‘សម្រាំងជាខេមរភាសា’ Category

ស្នងការរងខេត្តបន្ទាយមានជ័យ លោក ឆេង ឈួត បានទទួលមរណៈភាព ក្នុងអាយុ៥០ឆ្នាំ កាលពីថ្ងៃទី១៩ ខែមេសា ឆ្នាំ​២០១៥ នៅវេលាម៉ោង៣រសៀល នៅក្នុងខេត្តបន្ទាយមានជ័យ។ មូលហេតុនៃមរណភាព ត្រូវបានឲ្យដឹងថា ដោយ​សារ​ខ្សែរភ្លើងឆក់ ព្រោះនៅមុនពេលកើតហេតុ លោកបានឡើង ត ខ្សែរភ្លើង ម៉ាស៊ីនត្រជាក់ នៅលើដំបូលផ្ទះ។ នេះបើ​តាម​ការ​ថ្លែង​ឲ្យដឹង ពីលោក អាត់ ខែម ស្នងការនគរបាល ខេត្តបន្ទាយមានជ័យ។

តាមប្រសាសន៍របស់លោក  អាត់ ខែម បានឲ្យដឹងទៀតថា នៅពេលភ្លាមៗ កាលពីម៉ោង៣រសៀលថ្ងៃទី១៩ គ្មានអ្នកណា​ម្នាក់ បានដឹងនោះទេ រហូតដល់ម៉ោង ៨យប់ ទើបក្រុមគ្រួសារ សង្ស័យ ព្រោះបាត់សមាជិកយូរពេក។ តែនៅពេល​រក​ឃើញ​លោក ពេលនោះ បានហួសពេលទៅហើយ ព្រោះលោកស្នងការង បានទទួលមរណៈភាពបាត់ មិនដឹងពី​ពេល​ណា​ផង។

តាមការឲ្យដឹងរបស់លោក ហាំ វណ្ណៈ ដែលជាមន្ត្រីក្រោមបង្គាប់ របស់ស្នងការរងខេត្ត នៅថ្ងៃទី២០ ខែមេសានេះ បាន​បញ្ជាក់ដែរថា លោក ឆេង ឈួត ជាមន្ត្រីទទួលបន្ទុកផ្នែក [...]

ភ្លុកដំរីដែលមានចំនួន ៧៣៩ ត្រូវបានរឹបអូស ដោយអាជ្ញាធរថៃ កាលពីថ្ងៃសៅរ៍ ខណៈពេលដែលភ្លុកដំរីទាំងនេះ មក​ដល់កំពង់ផែ នៃរាជធានីបាងកក ហើយត្រៀមបំរុង ឆ្លងកាត់ទៅប្រទេសឡាវ។ អាជ្ញាធរគយរបស់ប្រទេសថៃ បាន​បញ្ជាក់​ថា នេះជាការរឹបអូស ភ្លុកដំរី ដែលមានចំនួនច្រើន ជាងពេលណាទាំងអស់ នៅក្នុងប្រវត្តិសាស្ត្រ។

នាវាដែលដឹកភ្លុកដំរីទាំងនោះ បានចេញពីប្រទេសកុងហ្គោ កាលពីខែកុម្ភះ ហើយបានឆ្លងកាត់ប្រទេសម៉ាឡេស៊ី មុននឹង​មកដល់ប្រទេសថៃ។

ថៃជាទិសដៅមួយ ក្នុងចំណោមទិសដៅ ដ៏សំខាន់ផ្សេងទៀត នៃការរត់ពន្ធភ្លុកដំវី ឬផលិតផលស្នែងមានតម្លៃ ពីទ្វីប​អាហ្វ្រិក ទៅកាន់ទ្វីបអាស៊ី។ ប្រទេសនេះ អាចនឹងរងការដាក់ទណ្ឌកម្ម ប្រសិនបើមិនបាន បង្ហាញឲ្យឃើញ ពីការខិតខំ​ប្រឹងប្រែង ឬការរីចម្រើនទៅមុខ ក្នុងការប្រឆាំងការជួញដូរ ផលិតផលស្នែង ឬភ្លុកដូច្នេះទេ។

ភ្លុកដំវី ដ៏សន្ធឹកសន្ទាប់ ទាំងជាង៤តោន ដែលមានតម្លៃស្មើនឹង ៦លានដុល្លា ទំនងជានឹងត្រូវបែងចែក [...]

កាលពីខែកញ្ញា ឆ្នាំមុន កុមារ វីល្លី ប្រាយ្ស៍ (Wylie Brys) អាយុ៤ឆ្នាំ និងឪពុក បានរកឃើញដោយចៃដន្យ នៅក្នុង​រដ្ឋ​តិចសាស សហរដ្ឋអាមេរិក នូវឆ្អឹងរបស់សត្វ ដាយណូស៊័រ មួយ ដែលមានចំណាស់តាំងពី ១០០លានឆ្នាំមុន។ បន្ទាប់​ពី​ការរកឃើញនេះ ក្រុមអ្នកវិទ្យាសាស្ត្រ នៃសកលវិទ្យាល័យ SMU ប្រចាំក្រុង ដាឡាស (Dallas) ទើបនឹងកាយចេញ យក​បានហ្វូស៊ីលទាំងនេះ កាលពីសប្ដាហ៍មុន ដោយហេតុ មកពីត្រូវការពេលវេលាច្រើន ក្នុងការស្នើសុំ«ការអនុញ្ញាត»។

រឿងហេតុដំបូងឡើង គឺឪពុកកូនទាំងពីរនាក់ គ្រាន់តែបានទៅលេង នៅក្នុងភូមិ មេនហ្វៀល (Mansfield) តំបន់ ដែល​ត្រូវបានអាជ្ញាធរគ្រោង ឲ្យក្លាយទៅជាមជ្ឈមណ្ឌលពាណិជ្ជកម្មមួយ ក្នុងពេលអនាគត។ តំបន់នោះ ត្រូវបានគេស្គាល់ ថាមានប្រវត្តិដ៏យូរលង់ គួរឲ្យចាប់អារម្មណ៍ ហើយស្ថិតនៅក្រោមទឹក ក្នុងយុគសម័យ ជួរ៉ាសិក (Jurassique) កាលពីរាប់​សិប​លានឆ្នាំមុន។ ឪពុកនិងកូន គិតថាអាចនឹងរកបាន នូវ ហ្វូស៊ីល នៃត្រីបូរាណណាមួយ [...]

ក្មេងប្រុសជំទង់២នាក់ ដែលបានលង់ទឹកស្លាប់ កាលពីម្សិលម៉ិញនេះ ត្រូវបានគេរកសពឃើញហើយ នាវេលាម៉ោង​ជាង​៨ព្រឹក ថ្ងៃទី២០ ខែមេសានេះ នៅក្នុងទន្លេស្រែពក ដែលជាតំបន់រមណីយដ្ឋាន ទឹកជ្រោះ។ នេះបើតាមការថ្លែងឲ្យដឹង ពី​សកម្មជន របស់សមាគមការពារសិទ្ធិមនុស្ស អាដហុក ប្រចាំខេត្តរតនគីរី លោក ឆាយ ធី។

តាមការស្រង់សម្តី របស់ប្រជាពលរដ្ឋ ដោយមន្ត្រីសិទ្ធិមនុស្សរូបនេះ បានដាក់ការសន្និដ្ឋានថា ការស្លាប់របស់ក្មេង​ប្រុស​ជំទង់ទាំងពីរ អាចបណ្តាលមក ពីពួកគេព្យាយាម ហែលឆ្លងកាត់ទន្លេ ទើបលង់ទឹកបែបនេះ។ ពួកគាត់បានបញ្ជាក់ដែរថា ទឹកជ្រោះនៅក្នុងទន្លេខែនេះ មិនសូវហូរខ្លាំងនោះឡើយ។

លោក ឆាយ ធី បានបញ្ជាក់ទៀតថា មកដល់ពេលនេះ គេទើបតែស្គាល់ឈ្មោះ ក្មេងប្រុសជំទង់តែម្នាក់ប៉ុណ្ណោះ ឈ្មោះ ណាក់ ដែលមានទីលំនៅ នៅក្រុងបានលុង ទីរួមខេត្តរតនគិរី។

ទស្សនាវដ្តីមនោរម្យ.អាំងហ្វូ និនអាចទំនាក់ទំនង មន្រ្តីអាជ្ញាធរតំបន់ នៃខេត្តរតនគីរី [...]

មន្ត្រីអ្នកនាំពាក្យគណបក្សសង្គ្រោះជាតិ  បានក្រើនរំលឹក ដល់ប្រជាពលរដ្ឋខ្មែរទូទៅ ឲ្យមានការស្វែងយល់ នឹងត្រូវដឹង ពីប្រព័ន្ធគ្រប់គ្រង ប្រព័ន្ធដឹកនាំ រួមជាមួយ នឹងប្រសិទ្ធិភាពការងារ នៃប្រព័ន្ធទាំងនោះ។ សម្រាប់មន្ត្រី​គណបក្ស​ប្រឆាំង​រូប​នេះ ការចូលរួមយល់ដឹង របស់ប្រជាពលរដ្ឋទូទៅ លើប្រព័ន្ធគ្រប់គ្រងនេះ គឺដើម្បីកែលម្អ សម្រាប់ជាផលប្រយោជន៍ ដល់​ប្រជាជាតិ និងសម្រាប់កូនខ្មែរអង្គរ ទាំងមូល និងជាពិសេស ទៅលើប្រព័ន្ធដឹកនាំ ដែលមានក្បាល«ធំ»ដូចសព្វថ្ងៃ។

លោក ញ៉ែម ប៉ុញ្ញារិទ្ធ បានសរសេរបែបនេះ កាលពីថ្ងៃទី១៩ ខែមេសា ឆ្នាំ២០១៥ ម្សិលម៉ិញ នៅក្នុងទំព័រហ្វេសប៊ុក របស់​លោក។ លោក បានសរសេរថា៖ «ហេតុអ្វីបានជាគេថា រដ្ឋាភិបាលក្បាលធំ ? (…) មិនទាន់គិតទីប្រឹក្សា ហើយមាន​សមាជិក​រដ្ឋាភិបាល ច្រើន​លើស​លប់ អាចបំបែកឯតទគ្គកម្ម ពិភពលោកបាន ទើបគេឲ្យឈ្មោះថា “រដ្ឋាភិបាល​ក្បាល​ធំ”។ (១) គណៈ​រដ្ឋមន្ត្រី​រួម​មាន៖ នាយករដ្ឋមន្ត្រី [...]