ជំនួយការតំណាងរាស្ត្រមួយរូប បរិហាពីចំណាត់ការរបស់តុលាការ
ភាពរកាំរកូស នៅក្នុងវប្បម៌សន្ទនា នៃមេដឹកនាំ គណបក្សធំៗទាំងពីរ នៅតែមានសភាពស្រួចស្រាវ។ រីឯឲ្យសកម្មជនមួយចំនួន រួមទាំងតំណាងរាស្រ្តផង របស់គណបក្សសង្គ្រោះជាតិនោះ ក៏កំពុងស្ថិតនៅក្នុង ភាព«គ្មានលំនឹង» ដោយសារនិតិវិធី របស់ប្រព័ន្ធតុលាការកម្ពុជា កំពុងដំណើរការទៅមុខ។
លោក អឿ ណារិទ្ធិ ជាជំនួយការផ្ទាល់របស់អ្នកស្រី មួរ សុខហួរ បានថ្លែងប្រាប់អ្នកសារព័ត៌មាន នៅមុខសាលាដំបូងរាជធានីភ្នំពេញ ក្រោយពីការសាកសួរ ដោយចៅក្រម និងព្រះរាជអាជ្ញា ស្ទើរពេញមួយថ្ងៃ នារសៀលថ្ងៃទី១៩ ខែឧសភាថា ក្នុងការសាកសួរនាពេលនេះ ទាំងចៅក្រម និងព្រះរាជអាជ្ញា បានធ្វើការចោទសួរជាច្រើន។ លោកថា រាល់សំនួនទាំងនោះ ភាគច្រើនជាសំនួរដាក់បន្ទុក ហើយការចោទសួរម្តងៗ មានសំលេងកំហែងធ្ងន់ៗ (ខ្លាំងៗ) មួយចំនួន។ លោកបង្ហាញ ការសោកស្តាយថា ព្រះរាជអាជ្ញា មិនគួរប្រើប្រាស់ នូវសំលេងបែបនេះឡើយ។
យ៉ាងណា សមាជិកនៃអគ្គនាយកដ្ឋាន កិច្ចការសាធារណៈ [...]