ឈាង វុន ធ្វើសន្និសីទសារព័ត៌មាន ខុសប្រធានបទ (vdo)
ក្នុងសន្និសីទសារព័ត៌មាន រសៀលថ្ងៃទី១៣ ខែសីហា ឆ្នាំ២០១៥ នាវិមានរដ្ឋសភាជាតិ លោក ឈាង វុន អ្នកនាំពាក្យ និងជាប្រធានគណៈកម្មការទី៥ នៃរដ្ឋសភា មិនបានឆ្លើយតប ទាក់ទងនឹងសំនួរអ្នកសារព័ត៌មាន ទាក់ទងនឹងប្រធានបទ នៃសន្និសីទរបស់លោក ពិសេសទាក់ទង នឹងសមាជិកព្រឹទ្ធសភា មកពិគណបក្សសម រង្ស៊ី ដែលលោក ឈាង វុន បានគ្រោងនិយាយនោះឡើយ។
នៅមុនសន្និសីទសារព័ត៌មានចាប់ផ្តើម ភ្នាក់ងារអ្នកយកព័ត៌មាន របស់ទស្សនាវដ្តីមនោរម្យ.អាំងហ្វូ បានឃើញលោក ឈាង វុន កំពុងនិយាយទូរស័ព្ទ តែមិនដឹងពិភាក្សា ពីរឿងអ្វី និងជាមួយនរណាឡើយ ដោយគ្រាន់តែបានលឺលោក ឈាង វុន និយាយត្រឹមពាក្យថា៖ «បាទសម្តេចៗ»។
បន្ទាប់មក អ្នកសារព័ត៌មាន បានឮសូរប្រសាសន៍លោក ឈាង វុន ដែលជាតំណាងរាស្រ្តមួយរូប (មណ្ឌលបាត់ដំបង មកពីគណបក្សប្រជាជនកម្ពុជា) ផងនេះ បានថ្លែងបដិសេធថា លោកមិនមានសមត្ថកិច្ច ធ្វើការបកស្រាយ ក្នុងរឿងពាក់ព័ន្ធ នឹងសមាជិកព្រឹទ្ធិសភានោះឡើយ [...]