Posts by "ឈូករ័ត្ន"

នៅក្នុងឈុតឆាកនេះ ដ្យូកូវិច បានដើរតួជាអ្នកប្រយុទ្ធ ពាក់កណ្ដាលអ្នកវាយតឺនីស និងពាក់កណ្ដាល ជាអ្នក​វាយ​បាល់បូរាណ មួយប្រភេទ។ ហើយដើម្បីធ្វើឈុតឆាកនេះ អ្នកដឹកនាំការថតផ្សាយពាណិជ្ជកម្ម បានតម្រូវឲ្យ​កីឡាករ​យើង ពាក់សម្លៀកបំពាក់តាំងពីសម័យកាល នៃរាជានិយមរបស់បារាំង។ ប៉ុន្តែសម្លៀកបំពាក់នេះ មិនបាន​ធ្វើ​ឲ្យ​កីឡាករសប្បាយចិត្ត ក្នុងការប្រើប្រាស់ក្ដាវាយរបស់ខ្លួន បានដោយស្រួលទេ។

» សូមទស្សនវីដេអូខាងលើនេះ ដើម្បីដឹងឲ្យកាន់តែច្បាស់។

បើសិនជានៅឆ្នាំក្រោយ អ្នកឧបត្ថម្ភកីឡាករ បានជ្រើសរើសឆ្នៃម៉ូត ដោយដកស្រង់ តាមសម្លៀកបំពាក់​បូរាណ​ខាង​លើ ដើម្បីឲ្យកីឡាករ ចេញមកប្រកួតនោះ មិនដឹងជាអស្ចារ្យប៉ុណ្ណាទេ។ តែគួរឲ្យស្ដាយ ដែលនៅក្នុងឆ្នាំនេះ បុរស​កំពូលថ្វីដៃ ជាប់ចំណាត់ថ្នាក់ទី១ ពិភពលោករូបនេះ បានប្រកួតចាញ់កីឡាករមកពីប្រទេសស្វីស ក្នុងវគ្គ​ផ្ដាច់​ព្រ័ត្រ នៃការប្រកួត «France Open» ក្នុងរដ្ឋធានីប៉ារីស កាលពីពេលថ្មីៗនេះ៕

នៅពេលដែលបុរសចំណាស់ ដែលមានវ័យមិនតិចជាង៤០ឆ្នាំ (ចាស់ជាងគេ មានអាយុ៦០ឆ្នាំ) ទាំងប្រាំរូប បាន​ចូលមកដល់ក្នុងឆាក នៃកម្មវិធី Britain's Got Talent ដំបូង ពួកគេមិនបានធ្វើឲ្យមេប្រយោគ ទាំងបួននាក់ ចាប់​អារម្មណ៍ប៉ុន្មាននោះទេ ជាពិសេសលោក ស៊ីមុន ខូវែល (Simon Cowell) តែម្ដង។ ក្រសែរភ្នែក របស់លោក ក៏​ដូច​ជារបស់ទស្សនិកជនភាគច្រើន​ បានសម្ដែងចេញមក ដោយមិនបានគិតថា បុរសទាំងប្រាំ អាចមាន​ទេព​កោសល្យ​អ្វី មកពញ៉ាក់អារម្មណ៍ខ្លួនឡើយ។

ប៉ុន្តែ បរិយាកាសនៅក្នុងសាលទាំងមូល បានផ្លាស់ប្ដូរភ្លាមៗ បន្ទាប់ពីបុរសម្នាក់ បាននិយាយបង្ហាញខ្លួនថា ពួក​គេទាំងប្រាំនាក់ មានឈ្មោះ «Groovin' Old Men» និងថ្លែងម្នាក់ម្ដងថា ពួកគេមានជំនាញ ជាអាជីព​ខុសៗ​គ្នា។ បន្ទាប់មក ចូលដល់ឈុតឆាក សម្ដែងទេពកោសល្យ... ទាំងមេប្រយោគបួនរូប រួមនឹងទស្សនិកជន​ទាំងអស់ បាន​បើកមាត់ស្ងើច មិននឹកស្មាននឹងការធ្វើឲ្យភ្ញាក់ផ្អើល របស់បុរសវ័យចំណាស់ទាំងប្រាំ [...]

វាជាការរៀបចំមួយ ដ៏សំខាន់សម្រាប់នាង ប្រ៊ីអាន ក្លាក (Breanne Clark) ស្ត្រីស្នេហ៍ប្រចាំជីវិត របស់លោក ប៊ីល។ ថ្ងៃនោះ លោក ប៊ីល បានសម្រេចចិត្តសុំនាង ប្រ៊ីអាន រៀបការ ដោយមានការចូលរួម ពីក្រុមគ្រួសាររបស់នាង មានម្ដាយ និងប្អូន​ស្រី​របស់នាង ហើយបានជ្រើសរើសធ្វើ នៅមាត់បឹង «Michigen» កន្លែងដែលអ្នកទាំងពីរ បានជួបគ្នាដំបូង។ ប៉ុន្តែ សម្រាប់​នាង ប្រ៊ីអាន ក្លាក វិញ នាងមិនបានដឹងខ្លួនជាមុនទេ។

តើលោក ប៊ីល មានស្នៀតអ្វី ដើម្បីធ្វើឲ្យនារីកំពូលស្នេហ៍របស់លោក រំជួលចិត្តទ្រាំលែងបាន រហូតទទួលជញ្ចៀនពីលោក?

មាន! គឺលោក ប៊ីល បានប្រមូលមនុស្សទាំងអស់ រួមទាំងនាង ប្រ៊ីអាន ផង ឲ្យចូលមកឈរជុំគ្នា ដើម្បីថតរូបជាក្រុម។ ប៉ុន្តែ​រឿងដែលមិននឹកស្មានដល់នោះ គឺខណៈពេលឈុតឆាកពិសេស រៀបចាប់ផ្ដើមនោះ អ្នកស្រី អ៊ីវ៉ា  (Eva) ម្ដាយរបស់នាង ប្រ៊ីអាន ដែលបានរត់ឆ្លេឆ្លាចុះឡើង ស្រាប់តែជំពុបជើងដួល ក្បាលនៅក្នុងខ្សាច់ គូទបះឡើង។

ប៉ុន្តែ ស្នេហាមិនសំខាន់ លើរូបរាងមុខមាត់ ឬសម្ផស្សនោះឡើយ។ ទោះជាមិត្តស្រីរបស់លោកអ្នក បានផ្លាស់ប្ដូរមុខមាត់ ប៉ុន្តែចំណុចសម្រាប់សំគាល់មនុស្ស ដែលលោកអ្នកស្រឡាញ់ មានច្រើនណាស់ រាប់តាំងពីចិត្ត ដែលសំខាន់​ជាងគេ​នោះ​ផង។ គ្រាន់តែថា ការតុបតែងមុខមាត់ របស់ស្ត្រីក្នុងសម័យបច្ចុប្បន្ន អាចធ្វើឲ្យមនុស្សសើច និងយំបាន។

ដូចយ៉ាង នៅក្នុងវីដេអូមួយខាងលើនេះ ដែលបង្ហាញ ពីយុវតីជាតិកូរ៉េម្នាក់ កំពុងធ្វើការជម្រះចេញ នូវការតុបតែងមុខ ហើយបានបង្ក ឲ្យមានការភ្ញាក់ផ្អើលយ៉ាងខ្លាំង នៅលើបណ្ដាញសង្គម។ បើទុកការតុបតែងមុខរបស់នាង យុវតីម្នាក់នេះ មានសម្ផស្ស គួរឲ្យគ្រឺតខ្នាញ់ម្យ៉ាង។ ប៉ុន្តែ នៅពេលដែលនាង ជម្រះចេញនូវការតុបតែង អស់មួយចំហៀងមុខ... ពេល​នោះ​អ្នកនឹងឃើញថា នាងបានដូរទៅជាស្ត្រីម្នាក់ទៀត... ធម្មជាតិសុទ្ធ។

នៅលើបណ្ដាញសង្គម មនុស្សជាច្រើន បានសួរថា តើភ្នែកធំៗរបស់នាង បាត់ទៅណាហើយ? វីដេអូនេះ ទើបនឹង​ត្រូវ​បាន​បង្ហោះ [...]

១០ឆ្នាំក្នុងពន្ធនាគារ ព្រោះបានថតចម្រៀងមួយ ដែលមានលក្ខណៈ អាសអាភាសជ្រុល សម្រាប់ក្រសែភ្នែក នៃប្រព័ន្ធ​យុត្តិធម៌ របស់ប្រទេសអ៊ូហ្គង់ដា។ នេះជាទោស ដែលប្រព័ន្ធយុត្តិធម៌ របស់ប្រទេសអាហ្វ្រិកខាងកើត មួយនេះ អាចនឹង​ដាក់​ប្រឆាំងនឹងតារាចម្រៀងវ័យ២១ឆ្នាំ នាង ចេមីណា កានស៊ីអីម។ នាងត្រូវបានចោទប្រកាន់ ថាបានប្រព្រឹត្តិល្មើស​នឹង​ច្បាប់ ព្រោះធ្វើរឿងអនាចារ បង្ហាញសាច់សុដន់ និងកំប៉េះគូទ ជ្រុលហួសហេតុ នៅក្នុងឃ្លីបចម្រៀង របស់នាង។

ឃ្លីបចម្រៀងរបស់នាង ដូចលោកអ្នក បានទស្សនានៅខាងលើ មានចំណងជើងដើមថា «In ensolo Yange»។ ឃ្លីបនេះ ត្រូវបាន​យក​មកបង្ហោះ កាលពីចុងខែកញ្ញាឆ្នាំមុន ហើយមានមនុស្សចុចចូល ទៅទស្សនាប្រមាណជា ជាង៥សែនដង​ហើយ មកទល់សព្វថ្ងៃ។ សម្ដែង​អម​ជា​មួយនឹងតារាប្រុសម្នាក់ទៀត នាង ចេមីណា បានបង្ហាញរូបរាងរបស់នាង នៅក្នុង​ឃ្លីប​ចម្រៀង នូវឈុតឆាក«ហ៊ានៗ»​មួយ​ចំនួន ដែលមនុស្សមួយចំនួន គិតថា នេះជាការបង្កភាពស្រើបស្រាល។