កម្មវិធី​«សុំ​មិត្ត​ស្រី​រៀបការ» ប្រែ​ជា​រឿង​កំប្លែង​ព្រោះ​ម្ដាយ​ក្មេក (vdo)

បន្ទាប់ពីបានចេញជាមួយគ្នា អស់រយៈពេល៧ឆ្នាំទៅហើយ លោក ប៊ីល បានសម្រេចចិត្ត សុំមិត្តស្រីខ្លួនរៀបការ។ ប៉ុន្តែកម្មវិធី បង្ហាញ​​ចិញ្ចៀន​នេះ បានប្រែក្លាយជារឿងកំប្លែង ដោយសារ... ម្ដាយក្មេករបស់លោក។
ឈុតឆាកបង្ហាញជញ្ចៀន ដើម្បីសុំ«អូនរៀបការ... តែម្ដាយអូនធ្វើឲ្យបែកអារម្មណ៍អស់»!
Loading...
  • ដោយ: ឈូករ័ត្ន អត្ថបទ៖ ឈូករ័ត្ន ([email protected]) - បារីស ថ្ងៃទី ៣១ ឧសភា ២០១៥
  • កែប្រែចុងក្រោយ: May 31, 2015
  • ប្រធានបទ: ស្នេហា
  • អត្ថបទ: មានបញ្ហា?
  • មតិ-យោបល់

វាជាការរៀបចំមួយ ដ៏សំខាន់សម្រាប់នាង ប្រ៊ីអាន ក្លាក (Breanne Clark) ស្ត្រីស្នេហ៍ប្រចាំជីវិត របស់លោក ប៊ីល។ ថ្ងៃនោះ លោក ប៊ីល បានសម្រេចចិត្តសុំនាង ប្រ៊ីអាន រៀបការ ដោយមានការចូលរួម ពីក្រុមគ្រួសាររបស់នាង មានម្ដាយ និងប្អូន​ស្រី​របស់នាង ហើយបានជ្រើសរើសធ្វើ នៅមាត់បឹង «Michigen» កន្លែងដែលអ្នកទាំងពីរ បានជួបគ្នាដំបូង។ ប៉ុន្តែ សម្រាប់​នាង ប្រ៊ីអាន ក្លាក វិញ នាងមិនបានដឹងខ្លួនជាមុនទេ។

តើលោក ប៊ីល មានស្នៀតអ្វី ដើម្បីធ្វើឲ្យនារីកំពូលស្នេហ៍របស់លោក រំជួលចិត្តទ្រាំលែងបាន រហូតទទួលជញ្ចៀនពីលោក?

មាន! គឺលោក ប៊ីល បានប្រមូលមនុស្សទាំងអស់ រួមទាំងនាង ប្រ៊ីអាន ផង ឲ្យចូលមកឈរជុំគ្នា ដើម្បីថតរូបជាក្រុម។ ប៉ុន្តែ​រឿងដែលមិននឹកស្មានដល់នោះ គឺខណៈពេលឈុតឆាកពិសេស រៀបចាប់ផ្ដើមនោះ អ្នកស្រី អ៊ីវ៉ា  (Eva) ម្ដាយរបស់នាង ប្រ៊ីអាន ដែលបានរត់ឆ្លេឆ្លាចុះឡើង ស្រាប់តែជំពុបជើងដួល ក្បាលនៅក្នុងខ្សាច់ គូទបះឡើង។

នៅក្នុងហេតុការណ៍នេះ នរណាមួយក៏ទប់មិនផ្ទុះសំណើច មិនបានដែរ តែមិនអាចឃាត់ មិនឲ្យលោក ប៊ីល ដកជញ្ជៀន​ចេញមក រួចលត់ជង្គង់ នៅចំពោះម្ចាស់បេះដូងលោក ដើម្បីសុំនាងភ្ជាប់ពាក្យរៀបការ។

នាង ប្រ៊ីហ្សីត ក្លាក (Bridgett Clark) ប្អូនស្រីរបស់នាង ប្រ៊ីអាន បានថ្លែងឡើង ទាំងសំណើចក្អាកក្អាយ ប្រាប់អ្នក​សារព័ត៌មាន​ថា៖ «យើងបានរង់ចាំ៧ឆ្នាំ ដើម្បីបានមកដល់ថ្ងៃនេះ តែមិនដឹងជាហេតុអ្វី បានម្ដាយខ្ញុំធ្វើរឿងនេះ ឲ្យទៅជា​រឿង​កំប្លែង​អញ្ចឹងទៅវិញ? (...) ម្ដាយខ្ញុំ គាត់ស្ដាយណាស់ ព្រោះគាត់អត់បានឃើញ ហេតុការណ៍ដ៏ពិសេសនេះដោយផ្ទាល់ ដោយ​សារ​គាត់​បាន​ដួល។ តែសំណាងល្អ យើងបានថតជាវីដេអូទុក ហើយគាត់អាចមើលឡើងវិញបាន។»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...