ជាម យៀប៖ ពេលវេលាជំនួបរវាងមន្ត្រីជាន់ខ្ពស់ អាស្រ័យលើថ្នាក់ដឹកនាំគណបក្ស
ស្របពេលដែលថ្ងៃធ្វើមហាបាតុកម្មអហិង្សា របស់គណបក្សសង្រ្គោះជាតិ កាន់តែខិតជិតមកដល់នោះ មជ្ឈដ្ឋានទូទៅកំពុងតែទន្ទឹងចាំ អំពីលទ្ធភាពជួបចរចាផ្ទាល់ រវាងមន្រ្តីជាន់ខ្ពស់របស់គណបក្សប្រជាជនកម្ពុជា និងគណបក្សសង្រ្គោះជាតិ ដែលពួកគេជឿជាក់ថា នឹងមានប្រសិទ្ធិភាពខ្ពស់ ក្នុងការទន្លុះទម្លាយភាពទាល់ច្រកនយោបាយ ក្រោយការបោះឆ្នោត។
លោក ជាម យៀប មន្ត្រីជាន់ខ្ពស់គណៈបក្សប្រជាជន។ (រូបថត វិទ្យុជាតិកម្ពុជា)។
ដំណឹងនៃជំនួបក្នុង«កម្រិតមន្ត្រីជាន់ខ្ពស់»រវាងរបស់គណបក្សទាំងពីរ ត្រូវបានធ្វើឲ្យលេចលឺ ថានឹងអាចធ្វើក្នុងពេលឆាប់ៗនេះ ឬយ៉ាងហោចណាស់ក៏អាចធ្វើ «នៅមុន»ការប្រកាសលទ្ធផលផ្លូវការរបស់ គ.ជ.ប នោះដែរ។
ថ្លែងប្រាប់ទស្សនាវដ្តីមនោរម្យព័ងអាំងហ្វូនៅថ្ងៃទី៣ ខែកញ្ញា ឆ្នាំ២០១៣នេះ លោក ជាម យៀប [...]