Posts by "កេសរ កូល"

អាកាសធាតុដ៏អាក្រក់ និងភ្លៀងធ្លាក់យ៉ាងជោគជាំ ត្រូវបានព្យាករណ៍ទុកថានឹងមកដល់ក្នុងថ្ងៃអាទិត្យនេះ ខណៈពេល​ដែលតុល្យភាពនៃមហន្តរាយ នៅមិនទាន់បញ្ឈប់តួលេខ ដែលចេះតែកើនឡើងនោះនៅឡើយ។ ក្រុមអ្នកជួយសង្គ្រោះ បានដុតដៃដុតជើងរត់ប្រណាំងជាមួយនឹងពេលវេលា ដែលកាន់តែខើចណាស់ទៅហើយ ដើម្បីព្យាយាមជម្លៀស​​បណ្ដា​ជនប្រមាណជា២២ពាន់នាក់ចេញពីតំបន់ជាប់គាំង ដោយសារតែរាល់ផ្លូវគមនាគមន៍ ត្រូវបានកាត់ផ្ដាច់អស់នោះ។

លំនៅដ្ឋាន និងរថយន្ដក្រុង លិចលង់ក្រោមទឹកជំនន់ នៅក្បែរស្ទឹង Bhagirathi។ (រូបថត Tsering Topgyal/AP)

ជំនួយឧបត្ថម្ភយ៉ាងសន្ធឹកសន្ធាប់ មានដូចជា ចំណីអាហារ ទឹកស្អាត និងថ្នាំសង្កូវជាដើម ត្រូវបានបញ្ជូនទៅ​កាន់ជំរុំ​ជា​ច្រើន នៅក្នុងរដ្ឋ អ៊ុត្រារ៉ាក្លេន (Uttarakhand) ដែលគេបានសាងសង់ឡើង ដើម្បីទទួលជនភៀសខ្លួន។ [...]

ធាតុអាកាសដ៏អាក្រក់ ដែលត្រៀមនឹងមកដល់ក្នុងថ្ងៃអាទិត្យទី២៣ខែមិថុនានេះ បានរន្ថើនការជួយសង្គ្រោះទៅដល់​បណ្ដាជនជាង២២ពាន់នាក់ ដែលនៅជាប់គាំងក្នុងរដ្ឋ អ៊ុតារ៉ាក្លេន (Uttarakhand) តំបន់ភ្នំហិម៉ាល័យផ្នែកខាងជើងនៃ​ប្រទេសឥណ្ឌា។

នៅក្រោយបន្ទាប់ពីការរអិលបាក់ធ្លាក់ដីភ្នំ នៅភូមិមួយនៃជ្រលងហិមាល័យ៉ា។ (រូបថត nytimes.com)

ឧទ្ធម្ភាគចក្រយោធាជាច្រើនគ្រឿងបានស្វះស្វែងធ្វើការសង្គ្រោះ និងដឹកជញ្ជូនបណ្ដាជនឲ្យចេញពីតំបន់គ្រោះថ្នាក់។ តែមិនគ្រប់គ្រាន់ឡើយ ដោយសារតែឧទ្ធម្ភាគចក្រនីមួយៗអាចទទួលមនុស្សបានត្រឹមតែមួយចំនួនតួចប៉ុណ្ណោះ។ ដូច្នេះ កងទ័ពត្រូវបង្ខំចិត្តដើម្បីឈូសឆាយផ្លូវមួយទៀត នៅថ្ងៃសៅរ៍នេះ ដើម្បីធ្វើដំណើរទៅកាន់ភូមិ កេដាណាដ (Kedarnath) ដែលស្ថិតក្នុងតំបន់ដែលរងការប៉ះពាល់ជាងគេ [...]

ប្រទេសចិន និងវៀតណាម បានសម្រេចចិត្តបើកខ្សែ«ទូរស័ព្ទក្រហម»មួយ ដែលនឹងភ្ជាប់ទំនាក់ទំនងផ្ទាល់រវាងទីក្រុង​ប៉េកាំង និងទីក្រុងហាណូយ ក្នុងគោលបំណងដោះស្រាយជម្លោះដែនសមុទ្រចិនខាងត្បូង។ នេះបើតាមការប្រកាស​ឲ្យ​ដឹង កាលពីចុងសប្ដាហ៍កន្លងមក ដោយសារព័ត៌មានផ្លូវការមួយ ក្នុងឱកាសដំណើរទស្សនកិច្ចនៅប្រទេសចិន របស់​ប្រធានាធិបតី​វៀតណាម លោកទ្រឿង តានសាង (Truong Tan Sang)។

លោកប្រធានាធិបតីចិន និងប្រធានាធិបតីវៀតណាម ដើរត្រួតពល។ (រូបថត MARK RALSTON / AFP)

សារព័ត៌មានផ្លូវការរបស់ចិន បានស្រង់សម្ដីរបស់មន្ត្រីជាន់ខ្ពស់នៃក្រសួងកសិកម្មចិន ទទួលបន្ទុកខាងជលផល លោក វ៉ាង យីង មកបញ្ជាក់ថា «ជាមួយនឹងការបើកខ្សែទំនាក់ទំនងផ្ទាល់ នៅលើការនេសាទនេះ ភាគីទាំងសងខាង នឹងត្រូវ​បានជូនដំណឹងក្នុង៤៨ម៉ោង [...]