Posts tagged as "CPP"

ភាពចម្រូងចម្រាស់​ដ៏​អាថ៌កំបាំង​មួយ បាន​កើត​មាន​ឡើង​ក្នុង​កិច្ចការ​«ផ្ទៃក្នុង»នៃ​ស្ថាប័នជាតិរៀបចំការបោះ​ឆ្នោត ​ហៅ​កាត់ថា គ.ជ.ប ដោយសារតែសេចក្តីសម្រេចមួយ បាន​តែងតាំង​មន្រ្តី​«ថ្មី»​ឲ្យ​ធ្វើការ​ជំនួស​មន្រ្តី​ចាស់ ទាំង​មិន​បាន​ដឹង​ខ្លួន​ជា​មុន​។

ក្នុងថ្ងៃទី៣០ ខែកញ្ញានេះ ទស្សនាវដ្តីមនោរម្យ.អាំងហ្វូ បាន​ទទួល​សេចក្តី​សម្រេច​មួយ​សន្លឹក ស្ដីពីការ​តែង​តាំង​មន្រ្តី​ពីរ​រូប ហើយ​មាន​ចុះ​ហត្ថលេខា​ដោយ លោក អ៊ឹម សួស្តី ប្រធាន គ.ជ.ប។ ​មន្រ្តីថ្មី​ទាំង​ពីររូប​នោះ មាន​ថានៈ​ស្មើ នឹង​ប្រធាន​នាយកដ្ឋាន នឹង​ធ្វើការ​ជំនួស​ប្រធាន​នាយកដ្ឋាន ដែល​បច្ចុប្បន្ន​កំពុង​មាន​តួនាទី ក្នុង​មុខ​តំណែង និង​ភារកិច្ច​ប្រចាំថ្ងៃ​នៅ​ឡើយ។

នាយកដ្ឋានទាំងពីរ រួមមាន នាយកដ្ឋានសេវាកម្មច្បាប់ និងវិវាទកម្ម ទទួលបន្ទុកការងារស្រាវជ្រាវច្បាប់ [...]

ក្នុងតៀមកាហ្វេមួយ ក្បែរមន្ទីរពេទ្យព្រះកុសុមៈ (ពេទ្យលោកសង្ឃ) មានក្រុមបុរសចំណាស់ប្រាំពីរនាក់ បាន​ជុំគ្នានៅជុំវិញតុមួយ ហើយបានជជែកគ្នាពីនេះពីនោះ មិនចេះអស់មិនចេះហើយ រហូតដល់ដំណាក់​កាល​មួយ ដែលបានក្លាយជាការឆ្លងឆ្លើយប្រកបដោយការរិះគន់ ទៅលើលោកនាយករដ្ឋមន្រ្តី ហ៊ុន សែន ជុំវិញ​ការ​ប្រើប្រាស់​វេទិកា​សាធារណៈរបស់ជាតិ មកផ្សព្វផ្សាយឲ្យគណបក្សនយោបាយ គ្រួសារ និងក្រុមរបស់ខ្លួន​។

បុរសវ័យចំណាស់ម្នាក់ អាយុខ្ទង់៦០ឆ្នាំប្លាយ បានលើកឡើងថា លោកតែងតែតាមដាននូវរាល់ការនិយាយ របស់លោកនាយករដ្ឋមន្ត្រីស្ទើមិនចន្លោះ តែមិនដែលមានពេលណាមួយ ដែលលោកនាយករដ្ឋមន្រ្តី​មិន​និយាយពី«បក្ស» បក្សពួកនិយម បុគ្គលខ្លួន ឬពីគ្រួសារនោះទេ។ លោកបន្តថា ​ជាពិសេសនៅពេល​លើក​ឡើង ទាក់ទងនឹងរបបប៉ុលពតខ្មែរក្រហម​តែម្តង។

បុរសម្នាក់ទៀតបានបន្ទរឡើងដែរថា លោកនាយករដ្ឋមន្រ្តី ហ៊ុន សែន ដឹងច្បាស់ថានឹងមានការ​ចាក់ផ្សាយ​សម្តីគាត់ តាមកញ្ចក់ទូរទស្សន៍ [...]

ឆ្លើយតបនឹងលិខិតចំហ របស់ក្រុមការងារអង្គការសង្គមស៊ីវិល ជាតិ និងអន្តរជាតិ ប្រមាណ១៦០ ដែលស្នើរ​នូវ​អនុសាសន៍ទាំង១២ចំនុច ទៅគណបក្សប្រជាជនកម្ពុជា និងគណបក្សសង្គ្រោះជាតិ កាលពីថ្ងៃទី១៥ ខែ​កញ្ញា គណបក្សប្រជាជនកម្ពុជា បានបញ្ជាក់នៅក្នុងលិខិតរបស់ខ្លួន យ៉ាងដូច្នេះថា គណបក្សនេះបាន​ពិចារណា​យ៉ាងល្អិតល្អន់ ចំពោះអនុសាសន៍ទាំង១២ ហើយចំណុចមួយចំនួន នៅក្នុងនោះដូចជា ចំណុចទី១ ទី២ ទី៣ ទី៦ និងទី៧ គឺក្រុមការងារចម្រុះរបស់គណបក្សទាំង២ និងស្ថាប័នពាក់ព័ន្ធ បាន​ឯកភាព​គ្នាលើ​ចំណុច​មួយ​ចំនួន និងកំពុងពិភាក្សាបន្ត។

ប៉ុន្តែនៅត្រង់ចំណុចទី៤ ដែលស្នើឱ្យស្ថាប័នបីរួមមាន កងកម្លាំងប្រដាប់អាវុធ អាជ្ញាធរជាតិសវនកម្ម និង​អង្គភាព​ប្រឆាំងអំពើពុករលួយ ឲ្យដាច់ពីគណបក្សនយោបាយ ដើម្បីជៀសវាងឥទ្ធិពលនយោបាយ លើ​ស្ថាប័ន​រដ្ឋទាំងនេះ ត្រូវបានគណបក្សកាន់អំណាចជាង៣០ឆ្នាំមួយនេះ បដិសេធ ដោយលើកឡើងថា ជា​ការ​ហាមឃាត់មន្ត្រីទាំងនោះ មិនឲ្យធ្វើនយោបាយ [...]

ប្រធានគណបក្សសង្គ្រោះជាតិ លោក សម រង្ស៊ី បានថ្លែងធានាអះអាងថា គណបក្សរបស់លោកមាន​លទ្ធភាព​គ្រប់គ្រាន់ ក្នុងការចូលរួម កសាងប្រទេសជាតិ ក្រោយកិច្ចព្រមព្រៀងថ្ងៃទី២២ ខែកក្កដា ឆ្នាំ២០១៤។ កិច្ច​ព្រមព្រៀងដ៏ទាន់ហន់មួយ ដែលគណបក្សសង្គ្រោះជាតិ បានធ្វើជាមួយ​គណបក្សប្រជាជន​កម្ពុជា ក្នុង​ជំនួប​កំពូល ហ៊ុន សែន-សម រង្ស៊ី នៅថ្ងៃនោះ។ លោក សម រង្ស៊ី បានបន្តថា ការចូលរួមនេះ មាន​ការ​គាំទ្រ​ច្រើន​ពី​បណ្តា​ប្រជាពលរដ្ឋខ្មែរ និងបរទេស ពិសេសប្រជាពលរដ្ឋខ្មែរក្រៅប្រទេស ដែលមានជំនឿ​មុតមាំ ទៅ​លើ​ដំណើរការ​ការងារ របស់គណបក្សសង្គ្រោះជាតិ ដែលអាចអនុវត្តទៅបាន ដោយមាន​ប្រសិទ្ធិភាព និង​អាច​ជួយ​ប្រជា​ពលរដ្ឋ​ងាយរងគ្រោះ។

ប្រធានគណបក្សដ៏ល្បីឈ្មោះ បានថ្លែងបញ្ជាក់ដូច្នេះថា «ពីមុនយើងគ្មានលទ្ធភាពជួយ តែឥឡូវ​យើងមាន​លទ្ធភាពជួយ។ ហើយលទ្ធផលឃើញមាន ជាវិជ្ជមានបណ្តើរៗហើយ។»

ការលើកឡើងខាងលើរបស់លោក សម រង្ស៊ី [...]

លោក កែម ឡី អ្នកវិភាគបញ្ហានយោបាយនៅកម្ពុជា បានថ្លែងបង្ហាញក្នុងកិច្ចពិភាក្សា រៀបចំ​ដោយសម្ព័ន្ធ​កំណែទម្រង់ការបោះឆ្នោត កាលពីថ្ងៃទី០១ ខែកញ្ញា ឆ្នាំ២០១៤ កន្លងមកនេះថា តាមរយៈសេចក្តីព្រាងច្បាប់ ស្តីពីការរៀបចំ និងប្រព្រឹត្តទៅនៃ គ.ជ.ប របស់គណបក្សធំៗទាំងពីរ នៅមានចំណុចខ្វះខាត​សំខាន់ៗបី​យ៉ាង​ទៀត ដែលត្រូវបញ្ចូលជាចាំបាច់។ លោកបន្តថា បើមានចំណុចសំខាន់ទាំងបីយ៉ាងនោះថែមទៀត ទើបអាច​ធ្វើឲ្យស្ថាប័នមួយនេះ មានតម្លាភាព យុត្តិធម៌ ពិសេសគឺ ឯករាជ្យ។

អ្នកវិភាគរូបនេះ បានបរិយាយនូវចំណុចទាំងបី ដែលត្រូវបញ្ជូលជាជំពូក បន្ថែមលើជំពូកទាំងប្រាំពីរ​ដែល​មាន​ស្រាប់។ ជំពូកទាំងបីនោះរួមមានដូចជា ជំពូកទីមួយ របៀបប្រកាសលទ្ធផលនៃការបោះឆ្នោតទាំងបថម និង​ទាំងលទ្ធផលចុងក្រោយ ដោយមានគារចូលរួមពីគណបក្សនយោបានយ អ្នកសារព័ត៌មាន និងអ្នក​សង្កេត​ការណ៍​ផ្សេងៗនៅនឹងស្ថានីយ៍ទូរទស្សន៍ ដែលចាក់ផ្សាយនោះ។ ជំពូកទីពីរដើម្បីជៀសវាងក្រោយ​ការ​បោះ​ឆ្នោត​ហើយ [...]