ប៉ា ងូនទៀង៖ ឆ្នាំ២០១៤ ជាឆ្នាំអាក្រក់ សម្រាប់អ្នកសារព័ត៌មាន
ក្នុងកិច្ចសម្ភាស ជាមួយអ្នកសារព័ត៌មាន ក្នុងវេទិកាស្ដីពីប្រព័ន្ធ ផ្សព្វផ្សាយឯករាជ្យ និងប្រកបដោយវិជ្ជាជីវៈ នៅកម្ពុជា នាព្រឹកថ្ងៃទី៣០ ខែមេសានេះ នាយកប្រតិបត្តិ នៃមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ លោក ប៉ា ងួនទៀង បានលើកឡើងថា បរិយាកាស ក្នុងអំឡុងឆ្នាំ២០១៤ បានធ្វើឲ្យអ្នកសារព័ត៌មាន ងាយនឹងរងគ្រោះ ដែលជាហេតុ ធ្វើឲ្យប្រព័ន្ធផ្សព្វផ្សាយ មានការប្រុងប្រយ័ត្ន នៃការចុះផ្សាយ នៃអត្ថបទព័ត៌មានរបស់ខ្លួន។
លោកបានថ្លែងឡើងថា៖ «ចំពោះខ្ញុំ ឆ្នាំ២០១៤ ជាឆ្នាំមួយអាក្រក់ សម្រាប់អ្នកសារព៌ត៌មាន និងជាបរិយាកាសមួយ ដែលរដ្ឋាភិបាល បាននឹងប្រគល់អំណាច ទៅដល់កងកម្លាំងប្រដាប់អាវុធ និងក្រុមសន្តិសុខខ្លួនឯង ហួសប្រមាណ ក្នុងការបង្ក្រាបសកម្មជនសិទ្ធិមនុស្ស បង្ក្រាបអ្នកសារព័ត៌មាន បើទោះជាពាក់កាតសម្គាល់ ជាអ្នកសារព័ត៌មាន ក៏ដោយ។ (...) យើងមើលឃើញថា ជាបរិយាកាសមួយ ដែលធ្ងន់ សម្រាប់២០១៤។ ព្រោះតែការវាយ [...]
