ផ្លាកលេខម៉ូតូចម្លែក «គីគីលូ» អានហើយចង់សើច!
ពាក្យថា «អាប៉ូយ, គីគីលូ, ចេញក៏ដឹង ចូលក៏ដឹង» ទាំងនេះធ្លាប់តែលឺ នៅក្នុងសាច់រឿងកំប្លែង របស់នាយ ពាក់មី ដែលធ្វើឲ្យអ្នកទស្សនាជាច្រើន បានសើចសប្បាយ មិននឹកស្មានថា ទៅជាមានមនុស្សយកវាមកធ្វើជា ផ្លាកលេខម៉ូតូទៅវិញ។ ប៉ុន្តែការលេងសើចនេះ មិនមានផលចំណេញរបស់វាទេ ព្រោះម្ចាស់ម៉ូតូត្រូវបានឃាត់ខ្លួន រួចក្នុងពេលបន្ទាប់មក សម្ថកិច្ចកំពុងតែស្រាវជ្រាវ រកអ្នកផលិតផ្លាកលេខនេះបន្តទៀត។
ស្រង់សម្តីពីស្ថានីយ៍ទូរទស្សន៍ ស៊ីអិនស៊ី (CNC) ដែលបានចេញផ្សាយក្នុងស្រុកបានឲ្យដឹងថា អក្សរដែល សរសេរចេញនៅលើផ្លាកលេខម៉ូតូនោះ មិនមែនដូចម៉ូតូធម្មតាទេ គឺមានលក្ខណៈក្លែងបន្លំ រួមជាមួយនឹងភាពលេងសើច និងជាពិសេសធ្វើឲ្យពលរដ្ឋទូទៅយល់ច្រឡំ។ ទូរទស្សន៍នេះ បានរាយការណ៍ទៀតថា ពីមុនធ្លាប់មានម្តងដែរ ទាក់ទងទៅនឹងបញ្ហានេះ។ [...]