រឺម៉ក​ដឹក​បន្លែ បុក​ឡាន​រដ្ឋ​រលាត់​ប៉ុន​ក្រចក​ដៃ ទារ​សំណង ១០០​ដុល្លារ

រថយន្តពាក់ស្លាកលេខ របស់រដ្ឋមួយគ្រឿង ត្រូវបានរមកម៉ូតូដឹកបន្លែមួយ បុកចំពីក្រោយ បណ្តាល​ឲ្យ​មាន​រលាត់​ថ្នាំ​បន្តិច​បន្តួច ប៉ុន្តែម្ចាសរថយន្ត ទាមទារសំណងហូសពីថ្លៃជួសជុល ធ្វើឲ្យអ្នកដំណើរដទៃទៀតគិតថាមិនសមរម្យ ក៍​នាំ​គ្នា​ព្រួត​មក​ជួយ​ជជែក​ម្ចាស់​ម៉ូតូ​រឺម៉ក​ដឹក​បន្លែ​នោះ បង្ករឲ្យកកស្ទះពេញផ្លូវ។
Loading...
  • ដោយ: ក. វិច្ចនី អត្ថបទ៖ក. វិច្ចនី ([email protected]) - យកការណ៍៖ ហេង វុទ្ធី - ភ្នំពេញ ថ្ងៃទី ២៧ ធ្នូ ២០១៤
  • កែប្រែចុងក្រោយ: December 29, 2014
  • ប្រធានបទ: គ្រោះថ្នាក់
  • អត្ថបទ: មានបញ្ហា?
  • មតិ-យោបល់

ក្រោយ​ពី​ម្ចាស់​ម៉ូតូ​រ៉ឺម៉ក និង​ម្ចាស់​រថយន្ត​បាន​ជជែក​គ្នា យ៉ាង​តឹង​សសៃ​ក​អស់​មួយ​សន្ទុះ​ធំ ដោះ​ស្រាយ​អ្វី​មិន​ចេញ អ្នក​ដំណើរ​ជា​ច្រើន ដែល​បាន​កាត់​តាម​នោះ បាន​ចុះ​មក​ប្រាប់​អ្នក​ទាំង​ពីរ ឲ្យ​សម្រួល​គ្នា​ដើម្បី​បញ្ជប់​ជំលោះ និង​បញ្ឈប់​ការ​ស្ទះ​ចរាចរណ៍។ ប៉ុន្តែ​ម្ចាស់​រថយន្ត បែរ​ជា​ងាក​មក​ឈ្លោះ​ជា​មួយ​អ្នក​ដំណើរ​វិញ និង​ថែម​ទាំង​បាន​ប្រើ​ភាសា​ជេរ​ប្រមាថ​ម៉ាក់​ងាយ​នោះ​ទៀត។

ហេតុការណ៍​បាន​កើត​ឡើង នៅ​លើ​ផ្លូវ ២២៣ សង្កាត់​ផ្សារ​ដើម​គ ខ័ណ្ឌ​ទទួល​គោក រាជធានី​ភ្នំពេញ កាល​ពី​ថ្ងៃ​សៅរ៍ ទី​២៧ ខែ​ធ្នូ នា​វេលា​ម៉ោង ២:៣០ រសៀល។

លោក រិទ្ធ តារា ដែលបានឃើញហេតុការណ៍នេះផ្ទាល់ បាន​ប្រាប់​ទស្សនាវដ្តីមនោរម្យ.អាំងហ្វូថា ដោយ​សារ​តែផ្លូវមានការស្ទះចង្អៀតពេក បុរសដែលបានបើបរ​ម៉ូតូ មាន​រ៉ឺម៉ក​ដឹក​បន្លែនោះ ចាប់ហ្វ្រាំងមិនជាប់ បាន​ជ្រុល​ក្បាលម៉ូតូទៅប៉ះនឹងគូថឡាន ដែលមានពាក់ស្លាក​លេខ​រដ្ឋ 052- 0378។ ការ​ប៉ះ​ទង្គិចនេះ ដូចជាមិនបង្ក​ឲ្យ​រថយន្ដមានការរលាត់អី ខ្លំាងណាស់នោះទេ ប៉ុន្តែ​ម្ចាស់​ឡាន​ធ្វើ​ខ្លួន​ដូច​ជា​ខឹង​ខ្លាំង​ណាស់ ហើយបានបង្គាប់​ទៅម្ចាស់រឺម៉កម៉ូតូនោះឲ្យជួយចេញថ្លៃ​ជួស​ជុល​ឡាន​របស់​គាត់ ១០០ ដុល្លា។

ប៉ុន្តែ អនិច្ចា... ម្ចាស់រ៉ឺម៉កដឹកបន្លែនោះ បានអះអាងថា គាត់គ្រាន់តែជាអ្នកលក់បន្លែ នៅតាមចិញ្ចើមផ្លូវ​បន្តិច​បន្តួចប៉ុណ្ណោះ គាត់មិនមានលុយច្រើនដល់ម្លឹងនោះទេ។ ម្ចាស់រ៉ឺម៉កម៉ូតូ បាននិយាយទៀតថា នៅក្នុងហៅប៉ៅ​របស់គាត់ មានលុយត្រឹមតែមួយម៉ឺនរៀលប៉ុណ្ណោះ។

ដោយសារលោកមានដំណើរប្រញាប់ផង ហើយផ្លូវថ្នល់ក៍ស្ទះ ដោយសាគ្រោះថ្នាក់ចរាចរណ៍ប៉ះ​គ្នាបន្តិច​បន្តួច​នេះផង លោក រិទ្ធ តារា ដែលឃើញពីភាពមិនសមរម្យ អមនុស្សធម៌ បានកើតទៅលើម្ចាស់រ៉ឺម៉កនោះ ក៍សម្រេច​ចិត្តទៅជួយសម្រួលដើម្បីបញ្ចប់ជំលោះ និងចង់ឲ្យអ្នកដំណើរដែលនៅស្ទះនោះ បានធ្វើដំណើទៅមុខទៀត។ លោកបានបញ្ជាក់ទៀតថា ដំបូងឡើយ លោកគ្រាន់តែទៅជួយនិយាយធម្មតាទេ តែស្រាប់តែត្រូវម្ចាស់ឡាន​ប្រមាថម៉ាក់ងាយត្រឡប់មកវិញ យ៉ាងចាស់ដៃ។

ស្ត្រីអាជីវករលក់កាហ្វេនៅជិតទីតំាងកើតហេតុការណ៍នោះ ក៏បានបញ្ជាក់ដែរថា ការរម៉ាក់ងាយទៅលើ​អ្នក​ដឹកបន្លែ និងទារថ្លៃសំណងពីគាត់លើសពីតម្លៃជួសជុលដូច្នេះ វាមិនសមហេតុផលនោះទេ ហើយអ្នកជិះ​ឡាន​នោះសោធ ជាមន្ត្រីរាជកាទៀត មិនគួប្រើពាក្យសម្តីអសុរស ទៅលើបុគ្គលទន់ខ្សោយ ហើយក្រីក្រនោះឡើយ។ អ្នកលក់កាហ្វេ បាននិយាយទៀតថា រីឯរថយន្ដរបស់មន្ត្រីនោះ ក៏មានការខូចខាតតិចតួចដែរ «បើសិនជា​យើង​ទៅប៉ូលៀបន្តិច គឺបាត់ស្នាមបាត់ទៅហើយ»។

ដោយការកកស្ទះចរាចរណ៍កាន់តែខ្លាំង បង្កឲ្យអ្នកដំណើររអូរទាំកាន់តែខ្លាំងទៅៗ មន្ត្រីម្ចាស់ឡានក៍ព្រម​ទទួល​លុយចំនួន ១០០០០រៀល ពីការទទូចសុំពីម្ចាស់រ៉ឺម៉ក រួចបានបើកឡានចេញទៅ ទាំងមួហ្មង៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...