អតីតប្រធានតុលាការរាជធានី ត្រូវបានព្រះរាជាបន្ធូរទោស
ពីចំណោមទណ្ឌិត ទាង៤៥នាក់ ដែលមានឈ្មោះ ក្នុងព្រះរាជក្រឹត្យបន្ធូរបន្ថយទោស របស់ព្រះមហាក្សត្រ មានឈ្មោះលោក អាំង មាលតី អតីតប្រធានសាលាដំបូង រាជធានីភ្នំពេញ មួយរូបដែរ។ លោក មាលតី អាយុ៥៩ឆ្នាំ ត្រូវបានឃាត់ខ្លួន កាលពីពាក់កណ្ដាល ខែសីហា ឆ្នាំ២០១៥ ដោយអង្គភាពប្រឆាំងអំពើពុករលួយ និងត្រូវបានតុលាការផ្តន្ទាទោស ដាក់ពន្ធនាគារ ៣ឆ្នាំ ពាក់ព័ន្ធនឹងការទទួលយកសំណូក ជារថយន្តទំនើប ជាថ្នូរនឹងការដោះលែង ជនជាប់ចោទម្នាក់ ក្នុងសំណុំរឿងគ្រឿងញៀន។ ប៉ុន្តែអតីតប្រធានតុលាការរាជធានី ត្រូវបានតុលាការកំហិត ឲ្យអនុវត្តន៍ទោសជាប់ពន្ធនាគារ ៣ឆ្នាំ មកត្រឹមតែ២ឆ្នាំ ខណៈមួយឆ្នាំទៀត នឹងត្រូវព្យួរ។
ព្រះបាទ នរោត្ដម សីហមុនី បានចុះព្រះហត្ថលេខា លើព្រះរាជក្រិត្យនេះ តាំងពីថ្ងៃ ១៧ ខែវិច្ឆិកា ឆ្នាំ២០១៦កន្លងទៅ ក្នុងឱកាសព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ [...]
