Posts tagged as "Animaux"

ខណៈអ្នកជ្រមុជទឹកមួយរូប កំពុងតែហែលនៅក្នុងទឹកសមុទ្រ ស្រាប់តែត្រីឆ្លាមពីរក្បាល បានផុសខ្លួនឡើង យ៉ាង​តក់ក្រហល់ បង្កភាពភ័យភិតឥតឧបមា។ វីដេអូខាងលើនេះ បង្ហាញថា បុរសអ្នកជ្រមុជទឹក មិនបានត្រៀមបម្រុង ទុកជាមុនថា គ្រោះថ្នាក់ដល់ជីវិតរបៀបនេះ នឹងត្រូវកើតឡើងដូច្នេះឡើយ។

ដូច្នេះ ជម្រើសមានតែមួយទេ គឺត្រូវហែលឡើង ទៅខាងលើទឹកជាបន្ទាន់ ដើម្បីរកមើលកាណូតរបស់ខ្លួន ឲ្យមក​ជួយសង្គ្រោះខ្លួនជាបន្ទាន់។ ជាហេតុការណ៍ ដែលអ្នកជ្រមុជទឹក មិនងាយនឹងបំភ្លេចឡើយ ក្នុងជីវិត... ព្រោះបើ​សូម្បីឡើង លើកាណូតហើយក៏ដោយ ក៏អ្នកជ្រមុជទឹកយើង នៅតែមានអារម្មណ៍«ផ្អើលៗ»ម្ដងម្កាលដែរ៕

នៅនឹងវីដេអូ ដែលទើបនឹងត្រូវបានយកមកបង្ហោះ កាលពីសប្ដាហ៍មុននេះ គេអាចអានចំណងជើងបានថា៖ «ពស់​ថ្លាន់ ដែលមានទទឺងខ្លួន ធំជាងគេបង្អស់ ក្នុងលោក»។ ពស់ថ្លាន់នេះ បានងាប់ហើយ តែវាត្រូវបានគេដឹក​តាម​រថយន្ដ​ដ៏ធំ ចេញពីតំបន់មួយ នៅក្នុងទ្វីបអាមេកខាងត្បូង។

ពស់ថ្លាន់យក្ស ដែលមានអាយុចាស់វស្សា មានបណ្ដោយវែងជាង ១០ម៉ែត្រ និងទទឹង វែងជាង១ម៉ែត្រ។ បើវា​នៅរស់វិញ តើនរណាម្នាក់ហ៊ានទៅក្បែរ?

វីដេអូនេះ ត្រូវបានសារព័ត៌មានធំៗ នៅអ៊ឺរ៉ុបខាងលិចចាប់អារម្មណ៍ នៅក្នុងសប្ដាហ៍ចុងក្រោយនេះ និងបង្ហាញ​ឲ្យឃើញ ពីសត្វពីរក្បាល ពីងពាងពិស និងខ្យាដំរី ដែលត្រូវបានចាប់ ដាក់ចូលក្រឡមួយ ជាមួយគ្នា។ ពីងពាង​ពិសនោះ ជាប្រភេទ «Steatoda grossa» ដែលគេតែងឃើញរស់នៅ ក្នុងទ្វីបអ៊ឺរ៉ុប អាមេរិក និងនៅលើ​កោះ​អូស្ត្រាលី។ ដោយឡែកខ្យាដំរី ជាប្រភេទ «Buthidae» មកពីតំបន់ដែលក្ដៅជាងគេ នៅលើផែនដី ដូចយ៉ាង​សមុទ្រខ្យាច់ជាដើម។ មនុស្សដែលត្រូវបានសត្វទាំងពីរខាំ ឬទិច សុទ្ធតែរង នូវការចុចចាប់ខ្លាំង និងឈាន​ទៅ​មានដំបៅធំ នៅនឹងមុខរបួសនោះផង។

នៅក្នុងភាពជាសត្វតិរច្ឆាន សត្វមានពិសទាំងពីរ ជួបមុខគ្នា ត្រូវតែមានមួយស្លាប់ មួយរស់។ ដូច្នេះ វាចាំបាច់​ណាស់ ក្នុងការប្រយុទ្ធដើម្បីមានអាយុរស់រាន តទៅមុខទៀត។ បើមើលមួយភ្លែត គេច្បាស់ជាគិតថា ខ្យាដំរី មានប្រៀបជាងពីងពាង ដោយសារតែខ្យាដំរី មានដង្កៀបពីរ នៅខាងមុខ និងកន្ទុយពិសរបស់វា អាច​ត្រូវ​បាន​ប្រើ [...]