រៀបការជាមួយ«ឆ្កែអនាថា» ដើម្បីបណ្ដេញព្រលឹងខ្មោចចូលសណ្ឋិត (vdo)
ពិធីនេះ បានចំណាយប្រាក់ និងបានប្រព្រឹត្តិទៅ ដូចអាពាហ៍ពិពារទាំងឡាយ ដែលធ្វើឡើងសម្រាប់បណ្ដាជនដែលរស់នៅ ក្នុងតំបន់នោះអញ្ចឹងដែរ។ តែរឿងដែលនឹកគិតមិនដល់នោះ គឺកញ្ញា ម៉ង់គ្លី អាយុ១៨ឆ្នាំ បានជ្រើសរើសស្វាមីរបស់ខ្លួន ជាសត្វសុនខអនាថា នៅតាមចិញ្ចើមថ្នល់មួយក្បាល មកធ្វើជាស្វាមីសំណព្វចិត្តរបស់នាង។
មូលហេតុសំខាន់ដែលឈានទៅដល់ការសម្រេចចិត្តយកសត្វឆ្កែ ជាកូនកម្លោះនោះ ដោយសារតែក្រុមគ្រួសារដែលរស់នៅក្នុងរដ្ឋចារឃែន (Jharkhand) ភាគខាងកើតប្រទេសឥណ្ឌា ចង់បណ្ដេញ«ព្រលឹងព្រាយបីសាច» ដែលចូលមកសណ្ឋិតក្នុងខ្លួន របស់នាងក្រមុំ ម៉ង់គ្លី។ ហេតុការណ៍នេះ ត្រូវបានអះអាងរកឃើញដោយគ្រូអាចារ្យម្នាក់ ហើយបានជំរុញឲ្យគ្រួសារនេះ រៀបចំអាពាហ៍ពិពាហ៍នេះឡើង។
លោក ស្រ៊ី អាណមនដា (Sri Amnmunda) ឪពុករបស់កូនក្រមុំ បានថ្លែងប្រាប់គេហទំព័រព័ត៌មាន ដេល្លីម៉ែល (Daily Mail) របស់អង់គ្លេសថា៖ «យើងជឿស៊ប់ ទៅលើពិធីបន់ស្រន់នេះ»។ [...]
