Lonely Planet ថាអង្គរវត្ត ជាទីស្អាតជាងគេសម្រាប់ឆ្នាំ២០១៦
មោទនភាពថ្មីទៀត សម្រាប់កម្ពុជា។ មគ្គុទេសទេសចរណ៍អន្តរជាតិ ឈ្មោះ «Lonely Planet» ដែលមានស្នាក់ការកណ្ដាល នៅក្រុង មែលប៊ន ប្រទេសអូស្ត្រាលី ទើបនឹងចេញសម្រាប់ឆ្នាំនេះ នូវចំណាត់ថ្នាក់ នៃទិសដៅទេសចរណ៍ ចំនួន៥០០កន្លែង ដែលស្រស់ស្អាតជាងគេ នៅជុំវិញពិភពលោក។ ពីក្នុងបញ្ជី នៃទិសដៅទេសចរណ៍ទាំង៥០០នោះ ប្រាសាទអង្គរវត្តកម្ពុជា បានជាប់ចំណាត់ថ្នាក់លេខមួយ ថាជាទីកន្លែងដែលស្អាតត្រកាល ជាងគេបំផុត ហើយបណ្ដាអ្នកទេសចរណ៍ ពីគ្រប់ជ្រុងជ្រោយទាំងអស់ នៅលើពិភពលោក គប្បីទៅស្គាល់ប្រាសាទបូរាណនេះ ឲ្យបានយ៉ាងហោចម្ដង ក្នុងមួយជីវិតរបស់ពួកគេ។
ខណៈទិសដៅទេសចរណ៍ទាំង៥០០នោះ ត្រូវបានកត់ត្រាចូលទៅក្នុងសៀវភៅមគ្គុទេសទេសចរណ៍ ដែលចេញលក់ចាប់ពីថ្ងៃទី១៣ ខែតុលានេះ ក្នុងតម្លៃ២៥អ៊ឺរ៉ូ (ប្រមាណជា២៨ដុល្លារអាមេរិក) សម្រាប់មួយក្បាលនោះ ទស្សនាវដ្ដីមនោរម្យ.អាំងហ្វូ សូមលើកយកទិសដៅទេសចរណ៍ចំនួន២០ ដែលល្អជាងគេ [...]
