បេក្ខជនទាំង៤រូប ម្នាក់ណាលើកពាន The voice នៅយប់ថ្ងៃអាទិត្យ?
នៅថ្ងៃអាទិត្យទី១៦ ខែវិច្ឆិកានេះ កម្មវិធីប្រឡងចម្រៀង លំដាប់ថ្នាក់ពិភពលោក The Voice Cambodia បានចូលមកដល់វគ្គផ្តាច់ព្រ័ត្រហើយ បន្ទាប់ពីធ្វើការជម្រុះបេក្ខជនអស់ជាច្រើន ក្នុងរយៈពេលជាច្រើនសប្តាហ៍មក។ នៅវគ្គផ្តាច់ព្រ័ត្រនេះ បេក្ខជនតែបួននាក់ប៉ុណ្ណោះ ដែលនឹងធ្វើការប្រលងប្រជែងគ្នា ដើម្បីដណ្តើមពាន The Voice Cambodia។
បេក្ខជនទាំងបួនរូប ដែលគេមើលឃើញថា សុទ្ធតែមានសម្លេងពិរោះរណ្តំ ឆក់យកដួងចិត្តទស្សនិកជន ឱ្យបោះឆ្នោតគាំទ្រខ្លួន ជារៀងរាល់សប្តាហ៍ នោះរួមមាន បេក្ខជន ប៊ុត សីហា ជាកូនក្រុមរបស់ លោក ឆន សុវណ្ណារាជ មានលេខសម្គាល់១ បេក្ខជន ឃុន វុត្ថា កូនក្រុមរបស់ កញ្ញា ឱក សុគន្ធកញ្ញា លេខសម្គាល់២ បេក្ខជន សយ រតនៈ ជាកូនក្រុមរបស់ កញ្ញា ពេជ្រ សោភា លេខសម្គាល់៣ និងបេក្ខនារី ចំរើន សុភ័ក្ត្រ កូនក្រុមរបស់ លោក ណុប បាយ៉ារិទ្ធ [...]
