បេក្ខជនទាំង៤រូប ម្នាក់ណាលើកពាន The voice នៅយប់ថ្ងៃអាទិត្យ?
- ដោយ: ប្រាថ្នា ដោយ ប្រាថ្នា (ទាក់ទង៖ [email protected] ) - ភ្នំពេញ ថ្ងៃទី១៤ វិច្ឆិកា ២០១៤
- កែប្រែចុងក្រោយ: November 15, 2014
- ប្រធានបទ: The voice
- អត្ថបទ: មានបញ្ហា?
- មតិ-យោបល់
-
នៅថ្ងៃអាទិត្យទី១៦ ខែវិច្ឆិកានេះ កម្មវិធីប្រឡងចម្រៀង លំដាប់ថ្នាក់ពិភពលោក The Voice Cambodia បានចូលមកដល់វគ្គផ្តាច់ព្រ័ត្រហើយ បន្ទាប់ពីធ្វើការជម្រុះបេក្ខជនអស់ជាច្រើន ក្នុងរយៈពេលជាច្រើនសប្តាហ៍មក។ នៅវគ្គផ្តាច់ព្រ័ត្រនេះ បេក្ខជនតែបួននាក់ប៉ុណ្ណោះ ដែលនឹងធ្វើការប្រលងប្រជែងគ្នា ដើម្បីដណ្តើមពាន The Voice Cambodia។
បេក្ខជនទាំងបួនរូប ដែលគេមើលឃើញថា សុទ្ធតែមានសម្លេងពិរោះរណ្តំ ឆក់យកដួងចិត្តទស្សនិកជន ឱ្យបោះឆ្នោតគាំទ្រខ្លួន ជារៀងរាល់សប្តាហ៍ នោះរួមមាន បេក្ខជន ប៊ុត សីហា ជាកូនក្រុមរបស់ លោក ឆន សុវណ្ណារាជ មានលេខសម្គាល់១ បេក្ខជន ឃុន វុត្ថា កូនក្រុមរបស់ កញ្ញា ឱក សុគន្ធកញ្ញា លេខសម្គាល់២ បេក្ខជន សយ រតនៈ ជាកូនក្រុមរបស់ កញ្ញា ពេជ្រ សោភា លេខសម្គាល់៣ និងបេក្ខនារី ចំរើន សុភ័ក្ត្រ កូនក្រុមរបស់ លោក ណុប បាយ៉ារិទ្ធ មានលេខសម្គាល់៤។
ឈានមកដល់ដល់វគ្គផ្តាច់ព្រ័ត្រនេះ បេក្ខជននីមួយៗសុទ្ធតែខិតខំប្រឹងប្រែងអស់ពីសមត្ថភាព ដើម្បីប្រជែងគ្នា យកជ័យជំនះក្នុងរដូវកាលទីមួយនេះ ដើម្បីក្លាយជាអ្នកចម្រៀងអាជីព។ រីឯអ្នកគាំទ្ររបស់បេក្ខជនទាំងនោះវិញ កាន់តែមានអារម្មណ៍ភ័យអរ ថាតើអ្នកដែលខ្លួនគាំទ្រ ទទួលបានជ័យជំនះឬទេ។ ពួកគេខិតខំផ្សព្វផ្សាយ ពីគុណសម្បត្តិរបស់បេក្ខជនដែលខ្លួនស្រលាញ់ ដើម្បីឱ្យអ្នកទស្សនាដ៏ទៃទៀត បោះឆ្នោតឱ្យ។
ចង់ដឹងថា បេក្ខមួយណាជាអ្នកឆក់បានពាន ពីកម្មវិធីប្រលងចម្រៀងកំពុងពេញនិយមមួយនេះ សូមរងចាំទស្សនាទាំងអស់គ្នានៅយប់ថ្ងៃអាទិត្យនេះ៕