កឹម សុខា ថ្លែងពី«ភាពគ្មានជម្រើស»
«យើងគ្មានជម្រើសទេ បងប្អូន» ជាការថ្លែងឡើងជាច្រើនដង របស់លោក កឹម សុខា នៅក្នុងសុន្ទរកថាមួយ ទៅកាន់អ្នកគាំទ្រជាយុវជនជាច្រើននាក់ នៅនឹងទីស្នាក់ការគណបក្ស ក្នុងព្រឹកថ្ងៃអាទិត្យ ទី១១ ខែកញ្ញានេះ ដើម្បីពន្យល់ពីរឿងរ៉ាវក្ដីក្ដាំ និងការរំលោភបំពាន ប្រឆាំងនឹងរូបលោក ក៏ដូចជាបណ្ដាសកម្មជនមួយចំនួនទៀត ពីសំណាក់ប្រព័ន្ធតុលាការ និងអ្នកមានអំណាចនៅកម្ពុជា។
«ខ្ញុំបានសម្រេចចិត្ត ជាស្រេចហើយ (...) ខ្ញុំធ្វើពលិកម្មគ្រប់បែបយ៉ាង ខ្ញុំធ្វើពហិកម្មដើម្បីជាតិ ដើម្បីប្រជាពលរដ្ឋខ្មែរ ដើម្បីលិទ្ធិប្រជាធិបតេយ្យ នៅកម្ពុជា។ គ្មានជម្រើសទេ បងប្អូន។ គ្មានជម្រើស អាចទៅសុំអង្វរឲ្យពួកផ្ដាច់ការ ប្រគល់សិទ្ធិសេរីភាពឲ្យយើងទេ។ គ្មានជម្រើស ដើម្បីសុំឲ្យគេជួយ កសាងលិទ្ធិប្រជាធិបតេយ្យឲ្យយើងទេ (...) យើងត្រូវកសាងលិទ្ធិប្រជាធិបតេយ្យ ដោយខ្លួនយើង យើងត្រូវការពារសិទ្ធិរបស់យើង [...]
