Posts tagged as "Conflits fonciers"

ស្ថិតក្រោម នយោបាយអភិវឌ្ឍន៍ និងគ្រប់គ្រង របស់រដ្ឋាភិបាលកម្ពុជាសព្វថ្ងៃ ដែលបានផ្ដល់ដី ប្រភេទសម្បទាន​សេដ្ឋកិច្ច ទៅឲ្យក្រុមហ៊ុនឯកជនកាន់កាប់ តែបែរជាប៉ះពាល់ ទៅលើដីរបស់ពលរដ្ឋ ដែលបានរស់នៅទីនោះ តាំង​ពី​ច្រើន​ឆ្នាំមកហើយ។ ជម្លោះដីធ្លីជាច្រើន មិនត្រូវបានអាជ្ញាធរថ្នាក់តំបន់ រកដំណោះស្រាយឲ្យបានឡើយ ដោយរុញឲ្យ​ពលរដ្ឋ​រងគ្រោះ ឡើងមកថ្នាក់ជាតិ ដើម្បីធ្វើការតវ៉ា។ ការឡើងមកតវ៉ា ដល់ថ្នាក់ជាតិនៅឯភ្នំពេញ វាគ្រាន់តែជា «ការចុះទឹក ជួប​ក្រពើ និងការឡើងលើ ជួបខ្លា» ប៉ុណ្ណោះ ព្រោះរដ្ឋាភិបាល បានរុញករណីវិវាទ​ដីធ្លី​ទាំងនោះ ត្រឡប់ទៅថ្នាក់មូលដ្ឋាន ឲ្យ​ធ្វើការ​ដោះស្រាយវិញដដែល។

នេះជាករណីវិវាទដីធ្លីមួយ ក្នុងខេត្តពោធិសាត់ ដែលបានកើតឡើង តាំងពីឆ្នាំ២០១០មកនោះ តែក្ដីសង្ឃឹមថា នឹង​មាន​ដំណោះស្រាយសមស្រប សម្រាប់ពលរដ្ឋ ហាក់នៅឆ្ងាយសន្លឹម។ ដីវិវាទនោះ ស្ថិតក្នុងភូមិសង្គមថ្មី ឃុំថ្មដា ស្រុកវាលវែង រីឯ​ក្រុមហ៊ុន [...]

ខណៈពេលដែលបណ្ដឹង របស់ពលរដ្ឋ ត្រូវបានលោក ប៊ូ ឡាំ តំណាងរាស្ត្រ មកពីគណបក្សប្រជាជនកម្ពុជា បន្តប្ដឹងមក​រដ្ឋសភា ឲ្យធ្វើអន្តរាគមន៍ទៅក្រសួងមហាផ្ទៃ ឲ្យដកលោក អ៊ុក សំអុល អភិបាលក្រុងឲ្យចេញពីតំណែងនោះ នៅថ្ងៃទី២៦ ខែឧសភានេះ ទស្សនាវដ្ដីមនោរម្យ.អាំងហ្វូ បានទទួលការឆ្លើយតប ពីលោកអភិបាលក្រុង បានលុង មកវិញ ដោយ​លោក​បានអះអាងថា ករណីនេះកើតឡើង ដោយសារមានបុគ្គល ដើរអុចអាលញុះញ៉ង់ប្រជាពលរដ្ឋ។

លោក អ៊ុក សំអុល បានបញ្ជាក់ ក្នុងកិច្ចសម្ភាស ជាមួយទស្សនាវដ្តីថា ក្រោមកិច្ចវិនិយោគ ផ្សារបានលុងនេះ ក្រុមហ៊ុន ហេង ដារ៉ា ដែលមានឈ្មោះ សា លាង ជានាយកក្រុមហ៊ុន មិនបានអនុវត្តអោយបានត្រឹមត្រូវ តាមសៀវភៅបន្ទុក និង​កិច្ច​សន្យាឡើយ។ លោកបន្តថា ជាងនេះទៅទៀត ក្រុមហ៊ុននេះ បានរំលោភបំពាន យកដីរដ្ឋខាងមុខ និងជុំវិញផ្សារបានលុង ធ្វើអាជីវកម្មដោយខុសច្បាប់ កេងប្រវ័ញ្ចថវិកាចំណូល ពីទីតាំងនេះ រាប់សិបលានរៀល ក្នុងមួយឆ្នាំៗចាប់តាំពីឆ្នាំ២០០៨ [...]

ក្រុមប្រឹក្សាវិន័យ នៃឧត្តមក្រុមប្រឹក្សា នៃអង្គចៅក្រម អគ្គព្រះរាជអាជ្ញា នៃមហាអយ្យការ អមតុលាការឧទ្ធណ៍ ប្រធាន​តុលាការ​តុលាការកំពូល និងរដ្ឋមន្រ្តីក្រសួងយុត្តិធម៌ សុទ្ធតែបានទទួលបណ្តឹង របស់សមាគមអាដហុក តំណាងផ្តឹត​មេដៃ​ដោយលោក នី ចរិយា ប្រធានផ្នែកស៊ើបអង្កេត នៃសមាគមការពារសិទ្ធិមនុស្ស អាដហុក កាលពីថ្ងៃទី២០ ខែឧសភានេះ។ មកទល់ពេលនេះ ស្ថាប័នធំៗចំនួនបួន ដែលបានទទួលពាក្យបណ្តឹង របស់សមាគមអាហុក នៅមិនទាន់មានប្រតិកម្មអ្វី ឆ្លើយ​តបនៅឡើយទេ ពាក់ព័ន្ធនឹងបណ្តឹង ពីបុគ្គលពីររូប នៃស្ថាប័នយុត្តិធម៌ របស់ខេត្តសៀមរាប។

ប្រធានផ្នែកស៊ើបអង្កេត នៃសមាគមការពារសិទ្ធិមនុស្ស អាដហុក លោក នី ចរិយា បានថ្លែងឡើង ប្រាប់ទស្សនាវដ្ដី​មនោរម្យ.អាំងហ្វូ​ថា បុគ្គលពីរនាក់ ដែល​សមាគមលោក​បានធ្វើការចោទប្រកាន់នោះ រួមមានលោក សុក កែវបណ្ឌិត ជា​ព្រះ​រាជ​អាជ្ញា​រង និង​លោក គី ឫទ្ធី ជា​ចៅក្រម​ស៊ើបសួរ នៃសាលាដំបូងខេត្តសៀមរាប។

លោក នី [...]

ប្រធានផ្នែកស៊ើបអង្កេត នៃសមាគមការពារសិទ្ធិមនុស្ស អាដហុក លោក នី ចរិយា បានលើកមកបង្ហាញ នូចំណុច​មួយ​ចំនួន ដែលសមាគមលោក បានធ្វើការស៊ើបអង្កេត និងរកឃើញថា បុគ្គលចៅក្រម និងព្រះរាជអាជ្ញារង បានអនុវត្តការងារ និងតួនាទីរបស់ខ្លួន មានភាពមិនប្រក្រតី ពាក់ព័ន្ធនឹង សហគមន៍តាខ្មៅអភិវឌ្ឍន៍កសិកម្ម និងឧស្សាហកម្ម(TCIDA) របស់​វៀតណាម។

ថ្លែងក្នុងសន្និសីទសារព័ត៌មានមួយ លោក នី ចរិយា បានរៀបរាប់ថា ក្រោយទទួលពាក្យបណ្តឹង របស់សហគមន៍វៀតណាម ព្រះរាជអាជ្ញារង បានដឹកនាំកម្លាំង ចុះចាប់ប្រជាពលរដ្ឋ ក្រោមហេតុផលថា ឈរលើគោលការណ៍ ស្នើរបស់អាជ្ញាធរខេត្ត ខ្លាចកើតមានអំពើហិង្សា និងឃើញប្រជាពលរដ្ឋ កំពុងឈូសឆាយដី និងគាស់ដំឡូង លើដីរបស់ខ្លួន ដែលធ្វើឲ្យលោក​ព្រះ​រាជអាជ្ញាម្នាក់នោះ ចាត់ទុកថា នោះជាបទល្មើសជាក់ស្តែង ដែលត្រូវចាប់ខ្លួន។ ប្រជាពលរដ្ឋចំនួនពីរនាក់ ត្រូវបានចាប់ខ្លួន និងបន្ទាប់មក យកទៅឃុំខ្លួន ក្នុងពន្ធនាគារតែម្តង។

បន្ទាប់ពីបានដាកលិខិត របស់លោក ទៅកាន់រដ្ឋសភា និងព្រឹទ្ធិសភា ក្នុងករណីសុំផ្លាស់ប្តូរតំណែងលោក អ៊ុក សំអុល អភិបាលក្រុងបានលុងខេត្តរនគីរីនោះ នៅមិនមានចម្លើយ ឆ្លើយតបយ៉ាងណា ពីរដ្ឋសភានៅឡើយ។ នេះជាការអះអាង របស់លោកប៊ូ ឡាំ តំណាងរាស្រ្តគណបក្សប្រជាជនកម្ពុជា កាលពីព្រឹក ថ្ងៃទី១៥ ខែឧសភា កន្លងមកនេះ។

ករណីនៃបណ្តឹង របស់ប្រជាពលរដ្ឋ ក្រុងបានលុង ចំនួន២១១នាក់ ដែលបានប្តឹងសុំផ្លាស់ប្តូរ លោក អ៊ុក សំអុល ចេញ​ពី​អភិបាលក្រុងបានលុងនេះ ត្រូវបានដាក់ចូលដល់រដ្ឋសភា និងព្រឹទ្ធិសភា តាំងពីថ្ងៃទី២៧ ខែមេសា ឆ្នាំ២០១៥។ ក្នុង​រយៈ​ពេលជិតមួយខែមកនេះ តាមការបញ្ជាក់ របស់លោក ប៊ូ ឡាំ ហាក់បង្ហាញថា ស្ថាប័នទាំងពីរ មិនធ្វើការដោះស្រាយ ចំពោះ​ពាក្យបណ្តឹង របស់ប្រជាពលរដ្ឋទាំងនោះឡើយ។

នៅក្នុងកិច្ចសម្ភាសជាមួយទស្សនាវដ្តីមនោរម្យ.អាំងហ្វូ លោក ប៊ូ ឡាំ បានថ្លែងដោយភាពចំអក យ៉ាងដូច្នេះថា៖ «នៅទេៗ មិនមានការឆ្លើយតបទេ។ ខ្ញុំបានតែត្រឹម [...]