Posts tagged as "Presidentielle"

អំណោយ​របស់ មេឡានី ត្រាំ បង្ក​ភាព​ទើស​ទាល់​ដល់ មីឆែល អូបាម៉ា

អំណោយ​របស់ មេឡានី ត្រាំ បង្ក​ភាព​ទើស​ទាល់​ដល់ មីឆែល អូបាម៉ា

រឿងតូចមួយ នៅក្នុងចំណោមរឿងរ៉ាវធំៗ ជាច្រើន ដែលរាប់ចាប់តាំង ពីពេលមានយុទ្ធនាការ ស្វែងរក​សម្លេង​ឆ្នោត សម្រាប់ការ​បោះ​ឆ្នោត ប្រធានាធិបតី​អាមេរិក កាលពីឆ្នាំ២០១៦កន្លងមក។ ប៉ុន្តែរឿងតូចនេះ បាន​បង្ក​ចំណាប់​អារម្មណ៍ និងរហូតអាច​ធ្វើ​ឲ្យ​ផ្ទុះ​សំណើច សម្រាប់បណ្ដាអ្នកតាមដាន ព្រឹត្តិការណ៍​ស្បថចូល​កាន់​តំណែង របស់​លោក ដូណាល់ ត្រាំ (Donald Trump) ឲ្យក្លាយជា​ប្រធានាធិបតី​អាមេរិក ពេញសិទ្ធិ នៅថ្ងៃ​ទី២០ ខែ​មករានេះ។

តាមរបៀបរបបពិធីការ ដែលតម្រូវធ្វើ ក្នុងពិធីស្បថចូលកាន់តំណែងនេះ គឺត្រូវចាប់ផ្ដើមដំបូង ដោយការរង់ចាំ ពីសំណាក់​គូស្វាមី​ភរិយា នៃប្រធានាធិបតី​ផុតតំណែង ដើម្បីទទួលស្វាគមន៍​គូស្វាមីភរិយា នៃ​ប្រធានាធិបតី​ថ្មី។ ប៉ុន្តែចំណុចមួយ ដែលមានកើតឡើង នៅក្រៅគម្រោង របស់ពិធីការនោះ គឺ​«អំណោយ»​របស់​អនាគត​ស្ត្រីទី​មួយ​អាមេរិក អ្នកស្រី ម៉េឡានី ត្រាំ (Mélania Trump - ភរិយា​លោក ដូណាល់ ត្រាំ) ដែលប្រគល់​ទៅឲ្យ​អ្នកស្រី [...]

តើ បារ៉ាក់ អូបាម៉ា បាន​បន្សល់​ទុក​អ្វី​ខ្លះ?

តើ បារ៉ាក់ អូបាម៉ា បាន​បន្សល់​ទុក​អ្វី​ខ្លះ?

ការឈ្នះឆ្នោតជាប្រវត្តិសាស្ត្រ ក្លាយជាប្រធានាធិបតី ដែលពោរពេញដោយមោទនភាព...

១៤៣ឆ្នាំ ក្រោយការទម្លាក់ចោល នូវរបបទាសភាព លោក បារ៉ាក់ ហ៊ូសេន អូបាម៉ា (Barack Hussein Obama) អតីត​សមាជិកព្រឹទ្ធសភាវ័យ ៤៧ឆ្នាំ មកពីរដ្ឋអ៊ីលីណ័រ (Illinois) បានក្លាយជាប្រធាធានាធិបតី ដែល​មានសម្បុរ​ខ្មៅ​មុន​គេ​បង្អស់ នៃសហរដ្ឋអាមេរិក។ ជាមួយនឹងបុគ្គលិកលក្ខណៈ ការនិយាយស្ដី និង​រូបរាង​សង្ហារបស់​លោក លោក បារ៉ាក់ អូបាម៉ា ត្រូវបានមនុស្សរាល់គ្នា រាប់ទាំងគូប្រជែងរបស់លោកផង ទទួល​ស្គាល់​ថា បាន​ដឹកនាំ​សហរដ្ឋអាមេរិក ដោយគ្មាន​ភាព​រកាំ​រកូស ឬរឿង​អាស្រូវ​អ្វីធំដុំ ដូចដែល​ប្រធានាធិបតី​មុនៗ ធ្លាប់បាន​ធ្វើ​នោះ​ទេ។

ភាពល្អូកល្អឺន ដែលលោក អូបាម៉ា មានជាមួយនឹងភរិយា រួមនឹងកូនស្រីទាំងពីរ បានផ្ដល់​រូបភាព​ដ៏ល្អបន្ថែម​ទៀត សម្រាប់​គ្រួសារ​​ប្រធានាធិបតី​មួយ ដែលអ្នកផង​ទាំងឡាយ​​នៅក្នុងលោក តែងសុបិន្ដចង់បាន។

[...]
បុរស​«Designated Survivor»​ដ៏​អាថ៌កំបាំង ​អាច​ជំនួស​តំណែង ត្រាំ

បុរស​«Designated Survivor»​ដ៏​អាថ៌កំបាំង ​អាច​ជំនួស​តំណែង ត្រាំ

វរជន«ជ្រើសតាំងដែលមិនស្លាប់» ដែលហៅ​ជាភាសាអង់គ្លេស «Designated Survivor»​ ភាសាបារាំង «Survivant Désigné» ជា​មនុស្ស​​អាថ៌កំបាំងមួយរូប ស្ថិតនៅពីក្រោយ ពិធីស្បថចូលតំណែង ជា​ប្រធានាធិបតី​អាមេរិក របស់លោក ដូណាល់ ត្រាំ (Donald Trump)។ ជននេះនឹងក្លាយជាប្រធានាធិបតីថ្មី របស់​សហរដ្ឋ​អាមេរិក ប្រសិន​ជា​លោក ដូណាល់ ត្រាំ និងសមាជិករដ្ឋាភិបាលថ្មី បាន​ទទួល​គ្រោះ​«ស្លាប់»​ទាំងអស់ នៅ​ក្នុង​អំពើ​ភេរវកម្ម ឬ​នៅ​ក្នុង​គ្រោះ​ធម្មជាតិ​ណា​មួយ ដែលកើតឡើងជាយថាហេតុ។

ជននេះ មិនត្រូវបានគេ​បង្ហាញ​​អត្តសញ្ញាណទេ រហូតលុះត្រាដល់ដំណាក់កាលចុងក្រោយ បើសូម្បីតែ​ខ្លួន​ឯង​ក៏​ដោយ។ នៅនាទី​ចុង​ក្រោយ​នោះ វរជន​«ជ្រើសតាំង​ដែល​មិនស្លាប់»ម្នាក់នេះ នឹងត្រូវដឹកយ៉ាងសម្ងាត់ តាម​ឧទ្ធម្ភាគចក្រ ទៅកាន់ទីកន្លែង ដ៏អាថ៌កំបាំងមួយ​ ដែលជាទូទៅ​អាចជាមូលដ្ឋានយោធា។

លោក «François Durpaire» អ្នកស្រាវជ្រាវជាតិបារាំងមួយរូប បានថ្លែងឡើងថា៖ [...]

អតីត​នាយក​រដ្ឋមន្ត្រី​បារាំង រង​មួយ​កំផ្លៀង​ពី​យុវជន​ម្នាក់

អតីត​នាយក​រដ្ឋមន្ត្រី​បារាំង រង​មួយ​កំផ្លៀង​ពី​យុវជន​ម្នាក់

បន្ទាប់ពីឈុតឆាក «បាចម្សៅ» កាលពីខែធ្នូកន្លងទៅ នៅរសៀលម្សិលម៉ិញនេះ ជាឈុតឆាក «ទះ​កំផ្លៀង» ដែល​អតីតនាយករដ្ឋមន្ត្រី លោក ម៉ានុយអែល វ៉ាល្ស៍ (Manuel Valls) បានទទួល ពីសំណាក់​ពលរដ្ឋ​បារាំង​មួយរូប ដែល​ទំនង​ជា​ខឹងសម្បារ ចំពោះនយោបាយរបស់លោក ក្នុងពេលកន្លងមក។

ក្នុងដំណើរទស្សនកិច្ច ទៅកាន់ក្រុង «Lamballe» (ខណ្ឌ/ស្រុក «Côtes-d'Armor» ស្ថិតក្នុងតំបន់ «Bretagne») ដើម្បីស្វែង​រកការគាំទ្រ ក្នុងយុទ្ធនាការបោះឆ្នោតដំបូង នៃការជ្រើសតាំងបេក្ខជន​ជាផ្លូវការ របស់​គណបក្ស​ឆ្វេង​និយម សម្រាប់ការបោះឆ្នោត​ប្រធានាធិបតី​បារាំង​នោះ អតីតនាយករដ្ឋមន្ត្រី ត្រូវបាន​យុវជន​ម្នាក់ ទះកំផ្លៀង​មួយដៃ នៅបន្ទាប់​ពីយុវជនរូបនោះ បានឈរ​រង់ចាំ​ស្វាគមន៍ ការមកដល់​របស់​លោក ជាមួយ​នឹង​អ្នក​មាន​សមានចិត្ត ជាច្រើននាក់​ផ្សេងទៀត។

ជាមួយនឹងសកម្មភាពរបស់ខ្លួន យុវជននោះ បានស្រែកឡើងថា៖ «ទីនេះ ជាតំបន់ "Bretagne"» មុន​នឹង​ត្រូវភ្នាក់ងារ​សន្តិសុខ [...]

នាយក​ចារកម្ម​អាមេរិក​ប្រាប់ ត្រាំ ឲ្យ​មាន​«វិន័យ»​ក្នុង​ការ​ប្រើ​សំដី

នាយក​ចារកម្ម​អាមេរិក​ប្រាប់ ត្រាំ ឲ្យ​មាន​«វិន័យ»​ក្នុង​ការ​ប្រើ​សំដី

នាយកបណ្ដាញចារកម្មអាមេរិក ហៅកាត់ថា «CIA» លោក ចន ប្រែនណន (John Brennan) បាន​ផ្ដល់​យោបល់​ ទៅ​លោក ដូណាល់ ត្រាំ (Donald Trump) អនាគតប្រធានាធិបតីអាមេរិក ដែលនឹងចូលស្បថ កាន់​តំណែង ​នៅ​ថ្ងៃ​ទី២០ ខែ​មករា​ខាង​មុខ​នេះ ឲ្យធ្វើការ«ប្រុងប្រយ័ត្ន» នូវរាល់ពាក្យសំដី ដែលមហាសេដ្ឋី​​អចលនវត្ថុ​មួយ​នេះ បាន​លើក​ឡើង ជាពិសេស​ជុំវិញអ្វីៗ ដែលទាក់ទង​នឹង​ប្រទេសរ៉ូស្ស៊ី។ លោក ចន ប្រែនណន បាន​សម្ដែង​​ការ​ព្រួយ​បារម្ភ​​របស់​​លោក​​យ៉ាង​​ដូច្នេះ នៅចំពោះប្រតិកម្ម​​ជាញឹកញាប់ របស់លោក ត្រាំ ដែល​បាន​ធ្វើ​ឡើង នៅ​តាម​បណ្ដាញ​សង្គម ទ្វីសធើរ (Twitter)។

ក្នុងកិច្ចសម្ភាស ផ្ដល់ទៅឲ្យទូរទស្សន៍ «Fox News» លោក ប្រែនណន​ បានលើកឡើងថា៖ «អត្តនោម័តិ មិន​មែនជា​រឿង​មួយ ដែល​ជួយ​ការពារ ផលប្រយោជន៍ នៃសន្តិសុខជាតិនោះទេ។ ដូច្នេះ នៅពេល​គាត់​ថ្លែង​ជា​មតិ ឬ​ជាប្រតិកម្ម​ម្ដងៗ ចាំបាច់​ត្រូវឲ្យប្រាកដ ថាគាត់​យល់​ច្បាស់ ពីការចូល​ពាក់ព័ន្ធ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...