Posts tagged as "Antoine Griezmann"

ក្រុមជម្រើសជាតិបារាំង ដែលជាម្ចាស់ផ្ទះ នៃព្រឹត្តិការណ៍«អ៊ឺរ៉ូ២០១៦» ឈប់ទន់ភ្លន់លេងសើច ជាមួយក្រុម​ភ្ញៀវ​​​មកពីចំងាយទៀតហើយ។ នៅកីឡាដ្ឋាន «Stade de France» ខាងជើងជាប់រដ្ឋធានីបារីស នាយប់ថ្ងៃ​អាទិត្យ​​ទី៣ ខែកក្កដា ឆ្នាំ២០១៦នេះ ក្រុមមាន់គកបារាំង បានបង្ក្រាបយ៉ាងជូរចត់ ទម្លាក់ក្រុមអ៊ីស្លង់ (ឬ​អាយឡេន) ពីការប្រកួត​ដណ្ដើមជើងឯកអ៊ឺរ៉ុបឆ្នាំនេះ ឲ្យហាលអាវត្រឹមវគ្គ១ភាគ៤ផ្ដាច់ព្រ័ត្រ និង​ត្រូវវិល​ត្រឡប់​ទៅ​ផ្ទះ​វិញ​​ជា​ស្ថាពរ។ «ជូរចត់» ព្រោះក្រុមអ៊ីស្លង់ ដែលពោរពេញដោយក្ដីសុបិន្ត និងបានបណ្ដេញក្រុម​អង់គ្លេស​ឲ្យ​ទៅ​ផ្ទះ​មុន​ខ្លួន កាល​ពី​ប៉ុន្មាន​ថ្ងៃ​​កន្លងមកនោះ បានចាញ់ក្រុមបារាំងដល់ទៅ៥គ្រាប់ ក្នុងនោះ៤គ្រាប់ ត្រូវ​បាន​ក្រុម​​ពាក់​​អាវ​ខៀវ​បារាំង រក​បាន​នៅ​ពាក់​កណ្ដាល​ម៉ោង​ដំបូង។

ការប្រកួតទើបនឹងចាប់ផ្ដើម បានជាង១០នាទី កីឡាករខ្សែប្រយុទ្ធបារាំង «Olivier Giroud» បាន​ទទួល​គ្រាប់​បាល់ [...]

៥នាទីធ្វើឲ្យប្រជាជាតិមួយយំ និងមួយទៀតសើច។ នេះហើយ ដែលគេហៅថា បាល់ទាត់!!!

នៅក្នុងរយៈពេល ត្រឹមតែ៥នាទីប៉ុណ្ណោះ កីឡាករ អង់ទ័ន គ្រីស្មាន់ (Antoine Griezmann) បានរក​គ្រាប់​បាល់​ឲ្យ ក្រុមជម្រើស​ជាតិរបស់ខ្លួន បានដល់ទៅពីរគ្រាប់។ គ្រាប់ទីមួយ ដោយប្រើក្បាលបុកបញ្ចូលទី (នាទី​ទី​៥៧) បន្ទាប់ពីទទួលបាល់បាន ពីស្លាបបម្រើខាងស្ដាំ និងគ្រាប់ទីពីរ ដោយទាន់បញ្ឆិតជើង (នាទីទី៦១) បន្ទាប់​ពី​ទទួល​បាល់​បាន ពីខ្សែប្រយុទ្ធដូចគ្នា។

ការប្រកួតរ​វាងប្រទេសបារាំង និងប្រទេសអៀរឡង់ បានប្រព្រឹត្តិទៅ កាលពីរសៀលថ្ងៃអាទិត្យនេះ នៅក្នុង​កីឡាដ្ឋាន​ដ៏ធំ នៃទីក្រុងលីយ៉ុង ប្រទេសបារាំង។ នៅពាក់កណ្ដាលម៉ោងដំបូង ប្រទេសបារាំងទាំងមូល​ភ័យ បុក​ពោះ​មិនស្ទើរឡើយ ដោយសារក្រុមអៀរឡង់ បាននាំមុខមួយគ្រាប់មុន តាំងពីនាទីទី២ ដោយ​សារ​កីឡាករ​ខ្សែ​បម្រើ​បារាំង «Paul Pogba» បានប្រព្រឹត្តិកំហុស នៅមុខទីខ្លួនឯង។

យប់ថ្ងៃពុធទី១៥ ខែមិថុនានេះ ជារាត្រីដ៏សប្បាយរីករាយ សម្រាប់បណ្ដាជនអ្នកគាំទ្រ ក្រុមជម្រើសជាតិបារាំង បន្ទាប់ពីក្រុមនេះបានឈ្នះក្រុមអាល់បានី ពីរទល់នឹងសូន្យ ហើយទទួលបាន៦ពិន្ទុ ឡើងទៅឈរនៅលើគេ នៃតារាងពូល A។ ការប្រកួតនេះ បានប្រព្រឹត្តិទៅនៅកីឡាដ្ឋាន «Velodrome» នៃក្រុងម៉ារសីយ៍ (Marseille) ភាគ​ខាង​ត្បូង​ប្រទេសបារាំង។

បើនិយាយពីការប្រកួត តាំងពីនាទីទីមួយ រហូតដល់ចុងបញ្ចប់ ក្រុមបារាំងរកមិនឃើញចន្លោះច្រើនប៉ុន្មាន សម្រាប់​ផ្ដួលក្រុមអាល់បានីឡើយ បើទោះជាខ្លួនមានឱកាស រួម​ជា​មួយ​នឹងកីឡាករល្បីៗ ចំណានៗច្រើន​នាក់​ក៏​ដោយ។ បណ្ដាជនបារាំងត្រូវរង់ចាំរហូតដល់ចុងបញ្ចប់ នៃ​ការ​ប្រកួត ទើបកីឡាករ «Griezmann» បាន​ប្រើ​ក្បាល ទទួលបាល់ពីកីឡាករ «Payet» បុកបញ្ជូន​បញ្ចូលទី​របស់​ក្រុម​អាល់បានី នៅនាទីទី៩០។

នៅ៦នាទីក្រោយ គឺនៅនាទីទី៩៦ (ក្នុងម៉ោងបន្ថែម) កីឡាករ «Payet» បានបណ្ដើរបាល់បញ្ឆោត​ខ្សែការពារ​អាល់បានី [...]

នៅក្នុងការប្រកួតលើកទីមួយ (ឬហៅតាមពាក្យបច្ចេកទេស៖ ការប្រកួតទៅ) កាលពីសប្ដាហ៍មុន នៅក្នុង​រាជធានី ម៉ាឌ្រីត ក្រុមអាត្លង់ទីកូ (Atlético Madrid) បានយកជ័យជំនះលើក្រុមបាយ៉ឺន (Bayern Munich) ក្នុង​ពិន្ទុ ១-០។ នៅក្នុងយប់ថ្ងៃអង្គារទី៣ ខែឧសភានេះ ក្រុម បាយ៉ឺន បានឈ្នះវិញក្នុងពិន្ទុ ២-១ នៅ​ក្នុង​ការ​ប្រកួត​លើក​ទី២ (ឬហៅតាមពាក្យបច្ចេកទេស៖ ការប្រកួតត្រឡប់វិញ) ក្នុងក្រុង មូនិឆ របស់ខ្លួន។

កីឡាករដែលរកគ្រាប់បាល់ នៅក្នុងការប្រកួតលើកទី២នេះ មានកីឡាករ សាប៊ី អាឡុងសូ (Xabi Alonso) ដែល​បានទាត់បាល់ពិន័យមិនផ្ទាល់ នៅនាទីទី៣១ និងរកបានគ្រាប់បាល់ដំបូង ឲ្យក្រុមបាយ៉ឹន របស់ខ្លួន។ ប៉ុន្តែ​ក្រុម អាត្លង់ទីកូ បានរកគ្រាប់បាល់ស្មើមកវិញ នៅនាទីទី៥៤ ដោយសារកីឡាករអន្តរជាតិបារាំង ឈ្មោះ អង់ត័ន គ្រីស្មាន់ (Antoine Griezmann)។ និងគ្រាប់បាល់ទីបី របស់ក្រុម បាយ៉ឺន រកបានដោយសារ​កីឡាករ​អន្តរជាតិ​ប៉ូឡូញ ឈ្មោះ រ៉ូប៊ែរ ឡេវ៉ានដូវស្គី [...]

ប៉ុន្តែការ«ដួលបះជើង» របស់ក្រុមបាសឺឡូន (Barcelone) នៅចំពោះក្រុម អាត្លង់ទីកូម៉ាឌ្រីត (Atletico Madrid) មិនមែនជាលើកទីមួយទេ។ កាលពីឆ្នាំ២០១៤ ក្រុមអាត្លង់ទីកូ ធ្លាប់បំបាក់ក្រុមបាសឺឡូនម្ដងហើយ នៅ​ក្នុងវគ្គ១ភាគ៤ផ្ដាច់ព្រ័ត្រ នៃក្របខណ្ឌប្រកួតតែមួយ (Champions League 2014) មុន​នឹងទៅ​ជួប​ជា​មួយ​ក្រុម ឆែលស៊ី (Chelsea) នៅវគ្គ១ភាគ២ផ្ដាច់ព្រ័ត្រ និងបន្ទាប់មកឡើងទៅជួប ជាមួយក្រុម រៀលម៉ាឌ្រីត (Real Madrid) នៅវគ្គផ្ដាច់ព្រ័ត្រ។

គេត្រូវនិយាយថា នៅពេលជួបជាមួយក្រុមបាសឺឡូនម្ដងៗ ក្រុមអាត្លង់ទីកូ បានរៀបចំខ្សែការពារយ៉ាងរឹងមាំ ហើយ​កីឡាករម្នាក់ៗ របស់ក្រុមនេះ បើទោះជាកីឡាករខ្សែប្រយុទ្ធមួយចំនួន ដែលឈរ​នៅខាងលើ​ក៏ដោយ បាន​ស្ម័គ្រ​ប្ដូរ«ស្លាប់» ប្រមូលគ្នាចុះមកការពារភ្លាមៗ នៅពេលបាល់ធ្លាក់ ទៅនៅក្រោមជើង របស់​ក្រុម​បាសឺឡូន។ ជាពិសេស នៅពេលដណ្ដើមបាល់បាន ក្រុមកីឡាកររបស់ អាត្លង់ទីកូ ដែលមានគ្រូបង្វឹកលោក «Diego Simeone» [...]