បាល់ទាត់ពិភពលោក៖ អាល្លឺម៉ង់ បន្តជីវិតបន្ទាប់ពីយកឈ្នះ ស៊ុយអែដ
អាល្លឺម៉ង់ ម្ចាស់ពានពិភពលោក ឆ្នាំ២០១៤ នៅបន្តជីវិតនៅក្នុងបាល់ទាត់ពិភពលោក ឆ្នាំ២០១៨នេះ បន្ទាប់ពីបានយកជ័យជំនះ ២-១ នៅនាទីចុងក្រោយបំផុត នៃការប្រកួតជុំទី២ ជាមួយនឹងក្រុម ស៊ុយអែដ។ ប៉ុន្តែនៅពាក់កណ្ដាលម៉ោងដំបូង ក្រុមអាល្លឺម៉ង់ និងអ្នកគាំទ្ររបស់ខ្លួន បានរងការភ័យភិតមិនស្ទើទេ ដោយសារគ្រាប់បាល់មួយគ្រាប់ របស់ក្រុម ស៊ុយអែដ នៅនាទីទី ៣២ ដោយកីឡាករ «Ola TOIVONEN» និងជាពិសេស ក្រុម អាល្លឺម៉ង់ ត្រូវឆ្លងកាត់ខ្សែការពារ ដ៏ខ្លាំងក្លារបស់ក្រុម ស៊ុយអែដ។
នៅពេលត្រឡប់ មកក្នុងពាក់កណ្ដាលទីពីរ ក្រុម អាល្លឺម៉ង់ បានផ្លាស់ប្ដូរកីឡាករ និងក្រឡាទាត់ ដែលបានបង្ហាញ ពីកម្លាំងបាល់ខ្លាំងជាងមុន និងរកគ្រាប់បាល់ស្មើបានភ្លាម នៅនាទីទី៤៨ ពោលគឺបន្ទាប់ ពីចាប់ផ្ដើមប្រកួតឡើងវិញ ទើបតែបាន៣នាទីប៉ុណ្ណោះ។ គ្រាប់បាល់នេះ រកបានដោយកីឡាករ «Ola TOIVONEN»។ ការវាយសម្រុកអាល្លឺម៉ង់ នៅតែបន្តធ្វើទៅមុខ ខណៈក្រុម ស៊ុយអែដ [...]
