តើគេគួរអបអរ ការទាត់បញ្ចូលទី ដោយវិធីបែបណា? កីឡាករខ្លះ បានយកដៃធ្វើជាសញ្ញាបេះដូង ខ្លះទៀតបានលើកអាវរបស់ខ្លួន ដែលមានរូបសញ្ញារបស់ក្រុម មកថើបជាដើម។ តែសម្រាប់ក្រុម «FC Starnan» របស់ប្រទេសអៀឡង់នេះវិញ បានធ្វើការអបអរ គ្រាប់បាល់របស់ពួកគេ យ៉ាងពិសេសៗ ហើយមានលក្ខណៈ ដូចជាការសម្ដែងរួមគ្នាមួយ។
តើកីឡាករ ឬក្រុមណាមួយ ចង់ធ្វើតាមដូច្នេះឬទេ?
មុននឹងចូល ក្នុងទីលានប្រកួតបាល់ទាត់ គ្រប់កីឡាករទាំងអស់ សុទ្ធតែត្រូវបានអាជ្ញាកណ្ដាល ត្រួតពិនិត្យជាមុន ថាមិនមានរបស់របរណាមួយ ដែលអាចបង្កគ្រោះថ្នាក់ ដល់កីឡាករផ្សេង និងរំខានដល់ការប្រកួតឡើយ។ តែសំនួរត្រូវសួរថា បើអាជ្ញាកណ្ដាល ជាអ្នកត្រួតពិនិត្យកីឡាករ ចុះនរណាជាអ្នកត្រួតពិនិត្យ អាជ្ញាកណ្ដាល? តើស្ថានការណ៍ឈានដល់កម្រិតណា រហូតធ្វើឲ្យអាជ្ញាកណ្ដាលមួយរូប ចាំបាច់ត្រូវរកវិធីការពារខ្លួន ដល់ថ្នាក់ដកអាវុធ ចេញមកគម្រាមនោះ?
ហេតុការណ៍បានកើតឡើង មិននឹកស្មានដល់ កាលពីចុងសប្ដាហ៍នេះ រវាងការប្រកួត របស់ក្រុម «Brumadinho » និង «Amantes da Bola» នៅក្នុងប្រទេសប្រេស៊ីល។ បន្ទាប់ពីបានបណ្ដេញកីឡាករមួយរូប ចេញពីការប្រកួត អាជ្ញាកណ្ដាលនៃការប្រកួតនេះ ត្រូវបានច្រានឲ្យដួល និងរងនូវការវាយដំ លើរាងកាយ ពីសំណាក់កីឡាករមួយចំនួន។ ព្រឹត្តិការណ៍នេះ បានបង្ខំឲ្យអាជ្ញាកណ្ដាល បាត់បង់ឈាមត្រជាក់»របស់ខ្លួន [...]
បើសិនជាវីដេអូនេះ ធ្វើឡើងដើម្បីជាការផ្សព្វផ្សាយ ពាណិជ្ជកម្ម ឲ្យផលិតផលកីឡាមួយនោះ ក៏ពិតមែន តែវីដេអូក៏បានបង្រៀនមនុស្ស មិនឲ្យមើលស្រាលអ្នកសុំទាន ដែលរស់នៅតាមដងផ្លូវ និងមើលស្រាលមនុស្ស ដោយសារតែគ្នាមានរូបរាង ឬស្លៀកពាក់មិនសមរម្យនោះដែរ។ យ៉ាងណាក៏ដោយ ក៏មានមនុស្សមួយចំនួន មិនបានគិតពីសម្បកក្រៅនោះទេ ជាពិសេសអ្នកដែលមានជំនក់ចិត្ត ទៅលើតែជំនាញ ឬទេពកោសល្យ របស់អ្នកសុំទាន។
កំពូលកីឡាករបាល់ទាត់អន្តរជាតិ គ្រីស្ទៀណូ រ៉ូណាល់ដូ បានស្លៀកពាក់ ជាអ្នកសុំទាន ហើយបានទៅបោះទីតាំងរបស់ខ្លួន នៅលើផ្លូវមួយ កណ្ដាលរាជធានី ម៉ាដ្រីឌ នៃប្រទេសអេស្ប៉ាញ ដើម្បីបង្ហាញ ពីទេពកោសល្យរបស់ខ្លួន ក្នុងការទាត់ និងត្រេះបាល់ ទៅកាន់អ្នកដំណើរនានា នៅតាមដងផ្លូវ។ បើមានមនុស្សមួយចំនួន បានលេងបាល់ជាមួយតារានោះ តែមួយចំនួនធំផ្សេងទៀត បានដើរជៀសពី អ្នកសុំទានរូបនេះ។ យុវតីម្នាក់ ថែមទាំងបានបដិសេធ យ៉ាងដាច់អហង្កា មិនឲ្យលេខទូរស័ព្ទ [...]
ការប្រកួតផ្ដាច់ព្រ័ត្រ នៃការប្រកួតបាល់ទាត់ ដណ្ដើមពានរង្វាន់ពិភពលោក ផ្នែកនារីឆ្នាំ២០១៥ កាលពីថ្ងៃអាទិត្យ គឺជាការសងសឹកមួយ ដែលក្រុមកីឡាការិនីអាមេរិក បានយកជ័យជំនះ ទៅលើក្រុមបាល់ទាត់ មកពីប្រទេសជប៉ុន ក្នុងពិន្ទុ៥ ទល់នឹង ២។ ក្នុងរយៈពេលដែល១៦នាទីដំបូង នៃការប្រកួតប៉ុណ្ណោះ ក្រុមអាមេរិកបានសម្លាប់ក្រុមជប៉ុន មិនឲ្យងើបមុខរួច ជាមួយនឹងគ្រាប់បាល់ ដល់ទៅ៤គ្រាប់ ក្នុងនោះ៣គ្រាប់ ជារបស់កីឡាការិនី ខ្សែរបម្រើ នាង ការលី ឡយ។
គ្រាប់បាល់របស់នាង ការលី សុទ្ធតែជាគ្រាប់បាល់ល្អៗ មានកម្លាំង និងប្រកបដោយទេពកោសល្យ ដែលកីឡាករជាបុរស ល្បីៗក្នុងលោកត្រូវតែសុំខ្មាស។ ជាពិសេស គ្រាប់បាល់ទីបួន របស់ក្រុមអាមេរិកត្រូវបាននាងទាត់បញ្ចូល ទីរបស់ក្រុមជប៉ុន តាំងពីពាក់កណ្ដាលទីលាន ពោលគឺមានចំងាយប្រមាណជា ៥០ម៉ែត្រ។ ប៉ុន្តែមិនខុសទេ ព្រោះកីឡាការិនីរូបនេះ ត្រូវបានជ្រើសរើស ឲ្យក្លាយជាកីឡាការិនីបាល់ទាត់ ដ៏ល្អជាងគេ នៅក្នុងការជួបប្រកួត [...]
តាមពិតទៅ ជាវិធីសាស្ត្រយកឈ្នះមួយ ដ៏ឆ្លាតវាងវៃ របស់កីឡាករ រីឈី មីល័រ (Richie Myler) ដើម្បីទម្លុះខ្សែការពារ របស់ក្រុមគូប្រកួតរបស់ខ្លួន។ គ្រាន់តែថាវិធីសាស្ត្រនេះ ច្រើនតែត្រូវបានប្រើ ដោយកីឡាករបាល់ទាត់ នៅក្នុងការប្រកួតបាល់ទាត់ទៅវិញ។
នេះជាការប្រកួត រវាងក្រុម «Warrington Wolves» និងក្រុម «Wigan Warriors» ដែលបានធ្វើឡើង នៅក្នុងវគ្គទី២០ នៃការប្រកួតជុំកីឡាបាល់អោប របស់«Super Leagues»។ ជាមួយនឹងសន្ទុះជើង ទាត់បាល់ដែលមានលក្ខណៈ ដូចជាបណ្ដើរបាល់ទាត់នោះ កីឡាករ រីឈី មីល័រ បានធ្វើឲ្យក្រុមខ្សែការពារ របស់ក្រុម «Wigan Warriors» វង្វេង មិនដឹងថាតើត្រូវដេញតាមចាប់បាល់ ឬចាប់មនុស្ស។
ប៉ុន្តែមិនពិបាកយល់ទេ។ ដោយសារតែមានកីឡាករចំណានៗ ដូចយ៉ាងកីឡាករ រីឈូ មីល័រ នេះហើយ ដែលធ្វើឲ្យក្រុម «Warrington Wolves» បានឈ្នះក្នុងពិន្ទុដ៏ខ្លាំងក្លា ១៧ ទល់នឹង ៦៕