នៅ​ពេល​ដែល គ្រីស្ទៀណូ រ៉ូណាល់ដូ ធ្លាក់​ខ្លួន​ជា​អ្នក​សុំ​ទាន...

ប្រសិនជាកំពូលតារា បាល់ទាត់មួយរូប ដូចយ៉ាង គ្រីស្ទៀណូ រ៉ូណាល់ដូ (Cristiano Ronaldo) ធ្លាក់​ខ្លួន​ជា​អ្នក​សុំ​ទាន នៅ​តាម​ដង​ផ្លូវ តើលោកអ្នកមើលឃើញ ពីតារានោះ ក្នុងក្រសែភ្នែកបែបណា? សូមទស្សនវីដេអូ​មួយ​នេះ ដូច​ខាង​ក្រោម។
សកម្មភាពរបស់កំពូលកីឡាករ គ្រីស្ទៀណូ រ៉ូណាល់ដូ នៅពេលកីឡាករ បានតុបតែងជាអ្នកសុំទាន។
Loading...
  • ដោយ: ជ័យវិបុល អត្ថបទ ៖ ជ័យវិបុល ([email protected]) - ប៉ារីស ថ្ងៃទី០៤ សីហា ២០១៥
  • កែប្រែចុងក្រោយ: August 05, 2015
  • ប្រធានបទ: កីឡា
  • អត្ថបទ: មានបញ្ហា?
  • មតិ-យោបល់

បើសិនជាវីដេអូនេះ ធ្វើឡើងដើម្បីជាការផ្សព្វផ្សាយ ពាណិជ្ជកម្ម ឲ្យផលិតផលកីឡាមួយនោះ ក៏ពិតមែន តែ​វីដេអូក៏បានបង្រៀនមនុស្ស មិនឲ្យមើលស្រាលអ្នកសុំទាន ដែលរស់នៅតាមដងផ្លូវ និងមើលស្រាលមនុស្ស ដោយសារតែគ្នាមានរូបរាង ឬស្លៀកពាក់មិនសមរម្យនោះដែរ។ យ៉ាងណាក៏ដោយ ក៏មានមនុស្សមួយចំនួន មិន​បានគិតពីសម្បកក្រៅនោះទេ ជាពិសេសអ្នកដែលមានជំនក់ចិត្ត ទៅលើតែជំនាញ ឬទេពកោសល្យ របស់​​អ្នក​សុំទាន។

កំពូលកីឡាករបាល់ទាត់អន្តរជាតិ គ្រីស្ទៀណូ រ៉ូណាល់ដូ បានស្លៀកពាក់ ជាអ្នកសុំទាន ហើយបានទៅបោះ​ទីតាំង​របស់ខ្លួន នៅលើផ្លូវមួយ កណ្ដាលរាជធានី ម៉ាដ្រីឌ នៃប្រទេសអេស្ប៉ាញ ដើម្បីបង្ហាញ ពីទេពកោសល្យ​របស់ខ្លួន ក្នុងការទាត់ និងត្រេះបាល់ ទៅកាន់អ្នកដំណើរនានា នៅតាមដងផ្លូវ។ បើមានមនុស្សមួយចំនួន បាន​លេងបាល់ជាមួយតារានោះ តែមួយចំនួនធំផ្សេងទៀត បានដើរជៀសពី អ្នកសុំទានរូបនេះ។ យុវតីម្នាក់ ថែម​ទាំងបានបដិសេធ យ៉ាងដាច់អហង្កា មិនឲ្យលេខទូរស័ព្ទ មកកីឡាករល្បីឈ្មោះទៀតផង។

នៅចុងបញ្ចប់ កីឡាករមុខស្រស់ បានដោះពុកមាត់ ពុកចង្ការបស់ខ្លួនចេញ ធ្វើឲ្យអ្នកផងទាំងឡាយ នៅទី​នោះ បើកភ្នែកធំៗ រហូតដល់កុមារម្នាក់ បានបង្ហូរទឹកភ្នែករបស់ខ្លួន ចេញមក ជាច្រើនតំណក់។ ខាងលើនេះ ជា​យុទ្ធនាការ​ដ៏ជោគជ័យមួយ នៃផលិតផល កាសស្ដាប់ត្រជៀក ដែលកីឡាករ បានផ្សាយពាណិជ្ជកម្មឲ្យ។ ជោគជ័យ ព្រោះតែវីដេអូមួយនេះ ត្រូវបានមនុស្ស និងបណ្ដាញផ្សព្វផ្សាយ ពេញពិភពលោក ចាប់អារម្មណ៍ និង​យកមកនិយាយ សឹងតែគ្រប់ម៉ាត់៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...