Posts tagged as "Football"

គ្រាប់បាល់ដែលកីឡាកររកបាន វាសុទ្ធតែល្អទាំងអស់ សម្រាប់អ្នកគាំទ្ររបស់ពួកគេ។ ប៉ុន្តែបើបន្ទាប់ពី​រក​គ្រាប់​បាល់​បាន​ហើ​យ មានបន្ថែមដោយកាយវិការ នៃការអបអរគ្រាប់បាល់នោះ ដោយកីឡាករ​ខ្លួនឯង​ផង​ទៀត នោះទើបគេហៅថា អស្ចារ្យនិងមហាអស្ចារ្យ!

ដូច្នេះ កីឡាករជម្រើសជាតិបារាំងជាច្រើននាក់ បានបញ្ចេញកាយវិការរបស់ពួកគេប្លែកៗ និងប្រកប​ដោយ​សិល្បៈ​កំប្លែង​ខ្លះៗ មកជាមួយផង។ យ៉ាងណា បើទោះជាប្លែក ឬជាសិល្បៈក៏ដោយ ក៏បណ្ដាអ្នកគាំទ្របាន​ចាត់​ទុកថា កាយវិការនៃការអបអរគ្រាប់បាល់ របស់ពួកគេទាំងនោះ មានលក្ខណៈគួរឲ្យស្រឡាញ់ទាំងអស់។

ខាងក្រោមនេះ ជារូបភាពមួយចំនួន នៃការអបអរគ្រាប់បាល់ របស់ពួកគេទាំងនោះ៖

ក្រុមជម្រើសជាតិបារាំង ដែលជាម្ចាស់ផ្ទះ នៃព្រឹត្តិការណ៍«អ៊ឺរ៉ូ២០១៦» ឈប់ទន់ភ្លន់លេងសើច ជាមួយក្រុម​ភ្ញៀវ​​​មកពីចំងាយទៀតហើយ។ នៅកីឡាដ្ឋាន «Stade de France» ខាងជើងជាប់រដ្ឋធានីបារីស នាយប់ថ្ងៃ​អាទិត្យ​​ទី៣ ខែកក្កដា ឆ្នាំ២០១៦នេះ ក្រុមមាន់គកបារាំង បានបង្ក្រាបយ៉ាងជូរចត់ ទម្លាក់ក្រុមអ៊ីស្លង់ (ឬ​អាយឡេន) ពីការប្រកួត​ដណ្ដើមជើងឯកអ៊ឺរ៉ុបឆ្នាំនេះ ឲ្យហាលអាវត្រឹមវគ្គ១ភាគ៤ផ្ដាច់ព្រ័ត្រ និង​ត្រូវវិល​ត្រឡប់​ទៅ​ផ្ទះ​វិញ​​ជា​ស្ថាពរ។ «ជូរចត់» ព្រោះក្រុមអ៊ីស្លង់ ដែលពោរពេញដោយក្ដីសុបិន្ត និងបានបណ្ដេញក្រុម​អង់គ្លេស​ឲ្យ​ទៅ​ផ្ទះ​មុន​ខ្លួន កាល​ពី​ប៉ុន្មាន​ថ្ងៃ​​កន្លងមកនោះ បានចាញ់ក្រុមបារាំងដល់ទៅ៥គ្រាប់ ក្នុងនោះ៤គ្រាប់ ត្រូវ​បាន​ក្រុម​​ពាក់​​អាវ​ខៀវ​បារាំង រក​បាន​នៅ​ពាក់​កណ្ដាល​ម៉ោង​ដំបូង។

ការប្រកួតទើបនឹងចាប់ផ្ដើម បានជាង១០នាទី កីឡាករខ្សែប្រយុទ្ធបារាំង «Olivier Giroud» បាន​ទទួល​គ្រាប់​បាល់ [...]

និយាយឲ្យមែនទែនទៅ ក្រុមទាំងពីរ​ ក្នុងការប្រកួតនៃវគ្គ១ភាគ៤ផ្ដាច់ព្រ័ត្រ នាយប់នេះ សុទ្ធតែជាក្រុមយក្ស ខាង​បាល់ទាត់។ ប៉ុន្តែ នៅទីបំផុត ក្រុមបាល់ទាត់ជម្រើសជាតិអាល្លឺម៉ង់ ដែលកំពុងកាន់ពាន​ជាម្ចាស់ជើងឯក​ពិភពលោក ឆ្នាំ២០១៤ នៅក្នុងដៃនៅឡើយនោះ នៅតែបន្តបង្ហាញគេឯង ពីកម្លាំងដ៏ខ្លាំងក្លារបស់ខ្លួន ឆ្ពោះ​ទៅ​ដណ្ដើម​ពាន​ជើងឯកអ៊ឺរ៉ុប ក្នុងឆ្នាំ២០១៦នេះទៀត បន្ទាប់ពីបានផ្ដួល ជាមួយក្រុមអ៊ីតាលី ដែលធ្លាប់ឈ្នះ ជាម្ចាស់​ជើង​ឯក​​ពិភពលោកច្រើនដង ដូចខ្លួនដែរ (ជាពិសេសកាលពីឆ្នាំ២០០៦)។

ប៉ុន្តែការឈ្នះ របស់ក្រុមអាល្លឺម៉ង់ ដោយទាត់គ្រាប់បាល់កាត់សេចក្ដី នៅចុងម៉ោងបន្ថែម ៩គ្រាប់ម្ខាង (ដំបូង៥​គ្រាប់​ម្ខាង តែនៅតែស្មើ ក៏បន្ត៤គ្រាប់ម្ខាងទៀត) មិនបានធ្វើឲ្យក្រុមអ៊ីតាលី បាក់មុខឡើយ ដោយសារ​តែ​ក្រុម​អ៊ីតាលី បានបង្ហាញពីការប្រយុទ្ធ និងការការពាររបស់ខ្លួនយ៉ាងល្អ សឹងតែពេញមួយម៉ោងប្រកួត (៤៥នាទី​+៤៥នាទី​+១៥នាទី​+១៥នាទី)។ [...]

ក្រុមបាល់ទាត់ជម្រើសជាតិមួយ ដែលគេចាត់ទុកថា ជាក្រុមតូចតាច ព្រោះខានចូលមកប្រកួត ក្នុងជំនួប​ជា​លក្ខណៈ​អន្តរជាតិដូច្នេះ តាំងពី៤៨ឆ្នាំមកហើយនោះ បែរជាបង្កើតនូវការភ្ញាក់ផ្អើល មិនអាចស្មានដល់ ដល់​ពិភព​បាល់​ទាត់ទាំងមូល ជាពិសេសសម្រាប់គូប្រកួតរបស់ខ្លួន នៅវគ្គ១ភាគ៤ផ្ដាច់ព្រ័ត្រ។ ក្រុមវៀល្ស៍ (Wales - ប្រជាជាតិមួយ​ស្ថិតនៅភាគខាងលិច ក្នុងចក្រភពអង់គ្លេស) ដែលឈរនៅចំណាត់ថ្នាក់ ទី២៦ នៃតារាង​ចំណាត់​ថ្នាក់ពិភពលោក របស់សហព័ន្ធបាល់ទាត់អន្តរជាតិ (FIFA) នោះ មិនត្រូវបានអ្នកផង ជាពិសេស​ក្រុម​អ្នក​តាម​ដាន​បាល់ទាត់ គិតថានឹងអាចយកឈ្នះ លើក្រុមប៊ែលហ្សិក ឬក្រុមបីសាចក្រហម (ដែលឈរនៅ​លេខ​រៀង ទី២) នោះឡើយ។

តែទីបំផុតក្រុម វៀល្ស៍ បានបំបាក់ក្រុមបីសាចក្រហម ឲ្យ«ហាវអាវ»មុនការព្រាងទុក​យ៉ាងអាម៉ាស់ ជាមួយ​នឹង​ពិន្ទុ ៣ទល់នឹង១ ក្នុងយប់ថ្ងៃទី១ ខែកក្កដា ឆ្នាំ២០១៦នេះ នាកីឡាដ្ឋានក្រុម លីល៍ (Lille) ភាគខាងជើង​ប្រទេស​បារាំង។ [...]

រងការរិះគន់ ព្រោះក្រុមជម្រើសជាតិ ព័រទុយហ្គាល់ ដែលមានប្រធានក្រុមកីឡាករ ជាកីឡាករល្បីឈ្មោះ​លំដាប់​ពិភពលោក ឈ្មោះ គ្រីស្ទៀណូ រ៉ូណាល់ដូ (Cristiano Ronaldo) មិនសូវទទួល​បានជោគជ័យ​ប៉ុន្មាន​ឡើយ។ ជាពិសេសដូចនៅក្នុងការប្រកួត ចាញ់ចេញ នៃវគ្គ​១ភាគ៤ផ្ដាច់ព្រ័ត្រ ទល់នឹងក្រុមប៉ូឡូញ នៅ​យប់​ថ្ងៃទី៣០ ខែមិថុនា ឆ្នាំ២០១៦នេះ ក្រុមព័រទុយហ្គាល់បានបណ្ដោយ​ឲ្យ ក្រុម ប៉ូឡូញ រក​គ្រាប់​បាល់​នាំមុខបាន តាំង​ពីនាទីទី២។

ហើយកីឡាករដែលបានជួយសង្គ្រោះក្រុម ព័រទុយហ្គាល់ ឲ្យរកពិន្ទុបានស្មើរមកវិញ​នៅនាទីទី៣៣នោះ មិន​មែន​ជាកីឡាករល្បីឈ្មោះ គ្រីស្ទៀណូ រ៉ូណាល់ដូ នោះឡើយ តែជាកីឡាករវ័យទើប១៨ឆ្នាំម្នាក់ ឈ្មោះ រ៉ឺណាតូ សិនឆេស (Renato Sanches) ទៅវិញ។ កីឡាករ​រូប​នេះ ទើបនឹងទទួលបានកិច្ចសន្យា ទាត់នៅក្នុងក្លិប​បាល់​ទាត់​អាជីព «Bayern Munich (ក្នុងប្រទេសអាល្លឺម៉ង់)» កាលពីខែ​តុលា​ឆ្នាំ​មុន​ប៉ុណ្ណោះ។

ផ្ទុយទៅវិញ កីឡាករ រ៉ូណាល់ដូ [...]