Posts tagged as "Architecture"

ទស្សនាវដ្ដី និង​សារព័ត៌មាន​ជា​ច្រើន នៅ​ទ្វីប​អ៊ឺរ៉ុប បាន​បង្កើន​ការ​ចាប់​អារម្មណ៍​ទៅ​លើ​នាវា​នេះ បន្ទាប់​ពី​វា​ត្រូវ​បាន​យក​មក​ដាក់​តាំង​បង្ហាញ នៅ​ក្នុង​«ពិពណ៌​នាវា​នៅ​ម៉ូណាកូ (Monaco yacht show)»។ នាវា​ដ៏​ប្រណិត​មាន​បណ្ដោយ​ប្រមាណ​ជា៦០ម៉ែត្រ។

តាម​ពិត​ទៅ ក្នុង​ពេល​កន្លង​មក នាវា​កំសាន្ដ​ឯកជន​ជា​ច្រើន ត្រូវ​បាន​រចនា​រូបរាង និង​ផលិត​ចេញ​មាន​ទំហំ​ប្រហាក់​ប្រហែល​គ្នា​ តែ​នាវា​ទាំង​នោះ មាន​យ៉ាង​ច្រើន​ណាស់ រោង​ចំណត​សម្រាប់​ចត​រថយន្ដ​តែ​ប៉ុណ្ណោះ។ ប៉ុន្តែ​នាវា ចាដ ជា​ប្រភេទ​នាវា​ឯកជន​ដំបូង​គេ ដែល​អាច​ទទួល​ឲ្យ​ចត​បណ្ដែត​ទឹក នូវ​កាណូត​មាន​ម៉ាស៊ីន​មួយ។

ចំណតបណ្ដែតទឹកនេះ ត្រូវបានរចនាជាមួយនឹងផ្លូវដើរ និងបន្ទប់ទទួលភ្ញៀវមួយនៅក្បែរនោះ។ ស្ថាបត្យកម្ម​នៃតួនាវាទាំងមូល ក្រៅពីកន្លែងនេះ ក៏មានលក្ខណៈប្រិតប្រៀងខ្លាំងណាស់ដែរ ដោយដាក់បញ្ចូលគ្នា​នូវភាព​បូរាណ និងទំនើប នៃជម្រើសសម្ភារៈបំពាក់ [...]

ថ្មីៗនេះ នៅលើបណ្តាញសង្គមហ្វេសប៊ុក មានព័ត៌មានព្រោងព្រាត បានរិះគន់ទៅអាជ្ញាធរអប្សរា ដែល​មិន​យក​ចិត្តទុកដាក់ចំពោះភ្ញៀវបរទេស ដែលបានឆ្លាក់អក្សរ ជប៉ុន ថៃ ចិន និងវៀតណាមជាដើម នៅលើផ្ទាំង​ចំលាក់​នៃជញ្ជាំងប្រាសាទអង្គរវត្ត។ ក្រុមអ្នករិះគន់ ដែលថតទាំងរូបភាព បង្ហោះនៅបណ្តាញ​ហ្វេសប៊ុក​ផង​នោះ បាន​លើកឡើងថា ភាសារបរទេសដែលសរសេរ និងចារនៅលើប្រសាទអង្គរវត្ត បានធ្វើឱ្យខូច​សោភ័ណភាព ជាពិសេសរូបចំលាក់ដែលនៅជញ្ជាំងប្រសាទមួយនេះ។

ឆ្លើយនឹងការរិះគន់នេះ អាជ្ញាធរអប្សរា បានចេញលិខិតបំភ្លឺមួយនៅថ្ងៃទី១៧ ខែកញ្ញា ដោយបកស្រាយថា អក្សរបរទេស ដែលមានចារនៅលើជញ្ជាំង នៃប្រាសាទអង្គវត្តនោះ ត្រូវបានក្រុមអ្នកសិក្សាស្រាវជ្រាវ នៃ​អាជ្ញាធរអប្សរាបានចុះបញ្ជី និងសិក្សាតាំងពីឆ្នាំ២០០២មកម្លេះ ហើយអក្សរប្រភេទនេះ ត្រូវបានអ្នក​ស្រាវជ្រាវ​ចាត់ទុកថា Graffiti តាមនិយាមអន្តរជាតិ ដែលមិនមែនជាប្រភេទសិលាចរិក គំនូរឬចម្លាក់​នោះទេ។

«ភ្នំពេញ មានកាលមួយនោះ.....» គឺជាប្រធានបទ នៃការតាំងពិពណ៌មួយ ដែលរៀបចំឡើងដោយ វិទ្យាស្ថាន​បារាំងប្រចាំនៅកម្ពុជា ដោយមានកិច្ចសហការ ពីក្រសួងវប្បធម៌ និងវិចិត្យសិល្បៈ។ ពិព័រណ៍នេះ នឹងបង្ហាញ​ពីការវិវត្តរបស់រាជធានីភ្នំពេញ តាមរយៈឯកសារកម្រជាច្រើន ដែលមិនទាន់បោះពុម្ព។

ពីព័រណ៍នេះ មានគោលបំណងផ្សព្វផ្សាយប្រវត្តិសាស្រ្ត ដ៏ពិសេសរបស់រាជធានីភ្នំពេញ ដែលពុំសូវមានគេ​ស្គាល់នៅឡើយ មកដល់ពេលនេះ។ ពិព័រណ៍នេះដែរ កើតឡើងពីការចងក្រងស្រាវជ្រាវ ស្តីពីប្រវត្តិ​នគរោបនីយកម្ម និងបេតិកភណ្ឌសំណង នៅរាជធានីភ្នំពេញដែលធ្វើឡើង រយៈពេលជិតដប់ឆ្នាំមកហើយ ដោយអគ្គនាយកដ្ឋានបេតិកភណ្ឌ នៃក្រសួងវប្បធម៌ និងវិចិត្រសិល្បៈកម្ពុជា។

ស្ថាបត្យករខ្មែរដែលជាអ្នកចូលរួមរៀបចំពិពណ៌ អ្នកម្នាង ម៉ែន ច័ន្ទទេវី ថ្លែងនៅក្នុងសន្និកាសែត នាព្រឹក​ថ្ងៃ​ទី​១៧ ខែកញ្ញា ឆ្នាំ២០១៤នៅ វិទ្យាស្ថានបារាំងថា គោលបំណងសំខាន់ នៃការតាំងពិព័រណ៍ [...]