សម្ភាសព្រាប កុល៖ ក្រុមសន្តិសុខវាយតប់ ព្រោះពាក្យ«ឆ្កែយួន»?
សិទ្ធិនិងអំណាច - ជាមួយនឹងសកម្មភាព«វាយតប់» ដោយហិង្សារបស់ក្រុមសន្តិសុខបិទមុខ បានបង្កឲ្យមានប្រតិកម្មខ្លាំងក្លា ពីបណ្ដាអ្នកឃ្លាំមើល និងអ្នកច្បាប់ឯករាជ្យជាទូទៅ។ ជាមួយនឹងកិច្ចសម្ភាសជាមួយទស្សនាវដ្ដីមនោរម្យ.អាំងហ្វូ លោក ព្រាប កុល នាយកប្រត្តិបត្តិនៃអង្គការតម្លាភាពកម្ពុជា បានធ្វើការឧបមាថា នៅពេលបាតុករមិនពេញចិត្តអ្វីមួយ ហើយបានស្រែកធ្វើការទាមទារ។ លោកបន្តថា បាតុករគិតមិនបានដិតដល់ ឬមានកំហឹង ឬជ្រុលមាត់បានជាជេរ តែក្នុងនាមយើងជាប៉ូលីស ជាសន្តិសុខ យើងត្រូវធ្វើការអត់ធ្មត់។ «អារឿងជេរ រឿងអីហ្នឹង ក្នុងសង្គមខ្មែរយើងតែងតែមាន។ មិនតែអ្នកការសែតទេ អាចជាប្រជាពលរដ្ឋ អ្នកតវ៉ា គាត់ខឹង គាត់ជេរ។»
«យើងត្រូវតែអត់ធ្មត់» ក្នុងនាមខ្លួនជាមន្រ្តីអនុវត្តន៍ច្បាប់ [...]
