សម្ភាសព្រាប កុល៖ មូលហេតុទាំង៤ ជំរុញអោយប្រព្រឹត្តអំពើពុករលួយ
អំពើពុករលួយ - លោកព្រាប កុល ប្រធានអង្គការតម្លាភាពកម្ពុជាបានថ្លែងថា បញ្ហាអំពើពុករលួយនៅកម្ពុជាឥលូវនេះ មានការយល់ដឹង ការយកចិត្តទុកដាក់ ការតវ៉ា និងកើនឡើងនៃការត្រួតពិនិត្យតាមដានច្រើនពីប្រជាពលរដ្ឋ។ តាមរយៈការសង្កេតរបស់លោកឃើញថា សន្ទុះនៃការចូលរួម អ្នកដែលសកម្មភាពជាងនោះ គឺយុវជន ហើយបើតាមការស្រាវជ្រាវចុងក្រោយ របស់វិទ្យាស្ថានសាធារណៈរដ្ឋ ក៏បញ្ជាក់ផងដែរថា យុវជនហ៊ាននិយាយច្រើនពីអំពើពុករលួយ ។
ក្នុងកិច្ចសម្ភាសន៍ជាមួយទស្សនាវដ្ដីមនោរម្យ.អាំងហ្វូ កាលពីថ្ងៃទី១៤ ខែកុម្ភះ ឆ្នាំ២០១៤ ប្រធានអង្គការតម្លាភាពកម្ពុជាដ៏ល្បីឈ្មោះរូបនេះ បានបញ្ជាក់ថា «ដោយសារមានការយកចិត្តទុកដាក់ និងការកើនឡើងនៃការត្រួតពិនិត្យតាមដាន ជាលទ្ធិផលឃើញថាមានការផ្លាស់ប្តូរ ដែលពីមុនអ្នកប្រព្រឹត្តអំពើពុករលួយ បើកចំហរដោយមិនខ្លាចញញើត តែឥលូវនេះគាត់ក៏ខ្លាចដែរ ហើយគាត់លាក់លៀម [...]