Cambodia's Got Talent៖ បេក្ខជនប្រលងក្បាច់រាំមនុស្សយន្ត ធ្វើឱ្យនាយកុយយំ
ក្រោយពីចុចប៊ូតុងមាស ឱ្យបេក្ខជនម្នាក់ជាប់ដោយស្វ័យប្រវត្តិ ទៅវគ្គ Live Show ដោយមិនចាំបាច់ឆ្លងកាត់ការជម្រុះ នាយកុយ បានបង្ហូរទឹកភ្នែកនៅចំពោះមុខទស្សនិកជនដ៏កុះករ។ នាយកុយ ឬលោក ជួន ជី ជាគណកម្មាការមួយរូប ពីក្នុងចំណោមគណៈកម្មាការទាំងបី របស់កម្មវិធីប្រលងសមត្ថភាព Cambodia's Got Talent រួមមានរូបលោក ជួន ជី - លោក ព្រាប សុវត្តិ និងអ្នកនាង ខាត់ សុឃីម។
ការដែលតារាកំប្លែងជើងចាស់រូបនេះ សម្រក់ទឹកភ្នែកនៅមុខទស្សនិកជនជាច្រើនរយនាក់ ដោយសារតែលោកឃើញក្បាច់រាំរបស់បេក្ខជន ព្រហ្ម សុខរីណា ធ្វើឱ្យលោកនឹកដល់កូនប្រុសរបស់លោក ជាអ្នករាំដូចគ្នា ដែលបានលាចាកលោក ក្នុងឧប្បទ្ទវហេតុគ្រោះថ្នាក់ចរាចរណ៍នៅខេត្តព្រះសីហនុ កាលពីប៉ុន្មានឆ្នាំមុន ដែលកាលនោះមានវត្តមានលោក ខេមរៈ សេរីមន្ត តារាចម្រៀងប្រចាំផលិតកម្ម សាន់ដេ នៅជាមួយដែរ។
[...]
