វីរៈជននានាអបអរវីរៈនារី ស៊ន សៀវម៉ី តាមបណ្ដាញសង្គម
«សប្បាយចិត្ត ដែលយើងមានកីឡាការិនីម្នាក់ដ៏ឆ្នើម ដែលបានទទួលជ័យលាភី ពានរង្វាន់មេដាយមាសជូនជាតិ។ នេះជាមោទនភាពមួយ សំរាប់យើងជាខ្មែរ នៅក្នុងឆាកអន្តរជាតិ។» នេះជាឃ្លាប្រយោគ ផ្ទុះចេញពីបេះដូងរបស់លោក ព្រាប សុវត្ថិ តារាចម្រៀងឈរលំដាប់កំពូល នៅក្នុងព្រះរាជាណាចក្រកម្ពុជា ដែលបានសរសេរនៅលើជញ្ជាំង ទំព័រហ្វេសបុករបស់លោក។ តារាចម្រៀង បានសរសេរទៀតថា៖ «ពួកគាត់ (ក្រុមកីឡាករ) បានបង្កើតស្នាដៃជាប្រវត្តិសាស្ត្រ សំរាប់ប្រទេសជាតិកម្ពុជា ក្នុងការប្រកួតកីឡា Asian Game។ ពួកយើងមានមោទនភាព ចំពោះរូបគាត់ខ្លាំងមែនទែន។»
ជាការពិតហើយ តាំងពីកញ្ញា ស៊ុន សៀវម៉ី បានប្រកួតឈ្នះ កីឡាការិនី ហ្វាតេម៉េដ រូហានី (Fatemeh Rouhani) មកពីប្រទេសអ៊ីរ៉ង់ នៅក្នុងការប្រកួតជុំផ្តាច់ព្រ័ត្រ ជាមួយនឹងពិន្ទុ ៧-៤ កាលពីថ្ងៃសុក្រ ទី៣ ខែតុលា នោះមក [...]
