Posts tagged as "Tep Nitha"

បរាជ័យ​នៃ​កិច្ចចរចារ​ទី​បី ស្រមោល​​មហា​បាតុកម្ម​ ត្រៀម​ពន្លេច​ខ្លួន​?

បរាជ័យ​នៃ​កិច្ចចរចារ​ទី​បី ស្រមោល​​មហា​បាតុកម្ម​ ត្រៀម​ពន្លេច​ខ្លួន​?

យោងលើសេចក្តីប្រកាសរួមរបស់គណបក្សទាំងពីរចុះថ្ងៃទី២០ ខែសីហា ឆ្នាំ២០១៣ គេអាចយល់បានថា គណបក្សទាំងពីរ នៅតែមិនទាន់សម្រេចបាននូវកិច្ចព្រមព្រៀងណាមួយ ដើម្បីឈានទៅបង្កើត គណៈកម្មការ​ចម្រុះ ខណៈដែលគណបក្ស​សង្រ្គោះជាតិ បានព្រមានថាជម្រើសចុងក្រោយ នឹងធ្វើមហាបាតុកម្មប្រឆាំង​លទ្ធផលបោះឆ្នោត ប្រសិនបើ​គណៈកម្មការ​នេះ​មិនអាចបង្កើតបាន ស្របពេលដែលរដ្ឋាភិបាលចាំផ្ទះ របស់​គណបក្សប្រជាជនកម្ពុជា បានពង្រាយកម្លាំង​ប្រដាប់​អាវុធ​រួចជាស្រេច ក្នុងបំណងទប់ទល់ស្ថានការណ៍​ណា​មួយ ដែលជ្រុលទៅដល់ការបង្កអស្ថិរភាពសង្គម។

តាមរយៈការសន្ទនាតាមទូរស័ព្ទ ជាមួយទស្សនាវដ្តីមនោរម្យព័ងអាំងហ្វូ​នៅថ្ងៃទី២១ ខែសីហា ឆ្នាំ២០១៣នេះ លោក យឹម សុវណ្ណ មន្រ្តីអ្នកនាំពាក្យគណបក្សសង្រ្គោះជាតិ បានទទួលស្គាល់ថា ការជួបប្រជុំរវាង​គណបក្ស​ទាំងពីរ​ជាលើកទី៣នៅថ្ងៃ​ទី២០ ខែសីហា ឆ្នាំ២០១៣ មិនទាន់មានការឯកភាពគ្នា ឈានទៅបង្កើត​គណៈកម្មការ​ចម្រុះនៅឡើយទេ។

[...]
សង្គម​ស៊ីវិល​ជាង​៤០​អង្គការ ប្រតិកម្ម​នឹង​ការ​ប្រកាស​លទ្ធផល​ឆ្នោត​ របស់​គ.ជ.ប

សង្គម​ស៊ីវិល​ជាង​៤០​អង្គការ ប្រតិកម្ម​នឹង​ការ​ប្រកាស​លទ្ធផល​ឆ្នោត​ របស់​គ.ជ.ប

ភ្នំពេញ៖ បន្ទប់ស្ថានការណ៍ថ្ងៃបោះឆ្នោតឆ្នាំ២០១៣ ដែលមានអង្គការជាង៤០ចូលរួម បានចេញសេចក្តីថ្លែងការណ៍មួយ កាលពីព្រឹកថ្ងៃទី១២ ខែសីហា ដោយសម្តែងការខកចិត្តទៅលើ ការសម្រេចចិត្ត របស់គណៈកម្មាធិការជាតិ​រៀបចំការ​បោះ​ឆ្នោត ក្នុងការប្រកាសលទ្ធផលនៃការបោះឆ្នោត នៅព្រឹកថ្ងៃចន្ទនេះ ដោយហេតុផលថា បញ្ហាភាពមិនប្រក្រតី មិនទាន់ត្រូវ​បានដោះស្រាយនៅឡើយ។


សន្និសិតកាសែតរបស់អង្គការសង្គមស៊ីវិល ដែលធ្វើការខាងបោះឆ្នោត នៅទីស្នាក់ការខុមហ្រែល ថ្ងៃទី២៧ខែកក្កដា។ (រូបថត MONOROOM.info/ O. Vary)

សេចក្តីប្រកាសព័ត៌មានរបស់អង្គការជាង ៤០ ចេញផ្សាយនៅថ្ងៃទី១២ខែសីហា ឲ្យដឹងថា ការស៊ើបអង្កេតឲ្យមានតម្លាភាព និងឯករាជ្យ ទៅលើភាពមិនប្រក្រតី និងការបញ្ជាក់ពីភាពមិនស្របគ្នា រវាងលទ្ធផលបោះឆ្នោត ដែលអះអាងដោយ​គណបក្សប្រជាជនកម្ពុជា [...]

គ.ជ.ប ហៅ​គណបក្ស​មក​ជជែក​គ្នា​ទៀត ក្រោម​ការ​រិះគន់​របស់​សង្គម​ស៊ីវិល

គ.ជ.ប ហៅ​គណបក្ស​មក​ជជែក​គ្នា​ទៀត ក្រោម​ការ​រិះគន់​របស់​សង្គម​ស៊ីវិល

ភ្នំពេញ៖ គណៈកម្មាធិការជាតិរៀបចំការបោះឆ្នោត គ.ជ.ប បានចេញសេចក្តីប្រកាសអញ្ជើញជាថ្មីម្តងទៀតទៅ ដល់​គណបក្សប្រជាជនកម្ពុជា និងគណបក្សសង្គ្រោះជាតិ ឲ្យចូលរួមដើម្បីសម្រេចបង្កើតគណៈកម្មការពិសេសមួយ សម្រាប់​ត្រួតពិនិត្យ ផ្ទៀងផ្ទាត់របាយការណ៍​អំពីភាពមិនប្រក្រតីទាំងឡាយក្នុងថ្ងៃបោះឆ្នោត។ សេចក្ដីអញ្ជើញនេះ ធ្វើឡើងក្នុង​ពេលដែលក្រុមសង្គមស៊ីវិល ប្រមាណជា៤០អង្គការ បានចេញសេចក្ដីថ្លែងការណ៍សម្ដែងការខកចិត្តនឹងស្ថាប័ននេះ ថា​គ្មាន«តម្លាភាព»។


រូបចម្លងពីអេក្រង់របស់គេហទំព័រគ.ជ.ប.។

តាមសេចក្តីប្រកាសរបស់គ.ជ. ចុះថ្ងៃទី៩ ខែសីហា ឆ្នាំ២០១៣ បានលើកឡើងថា កន្លងមក យោងតាមសំណើរបស់​គណបក្សប្រជាជនកម្ពុជា និងគណបក្សសង្គ្រោះជាតិ គណៈកម្មាធិការជាតិរៀបចំការបោះឆ្នោត បានអញ្ជើញ​គណបក្ស​ទាំងពីរ មកជួបប្រជុំ នៅថ្ងៃទី៣ ខែសីហា [...]

មាន​ការ​បង្គាប់​បញ្ជា​ឲ្យ​គ.ជ.ប ផ្លាស់ប្ដូរ​លទ្ធផល​ឆ្នោត​២០១៣?

មាន​ការ​បង្គាប់​បញ្ជា​ឲ្យ​គ.ជ.ប ផ្លាស់ប្ដូរ​លទ្ធផល​ឆ្នោត​២០១៣?

នៅយប់ថ្ងៃទី២៨ខែកក្កដា ដែលជាថ្ងៃបោះឆ្នោត «មានការបង្គាប់បញ្ជាឲ្យគ.ជ.ប ផ្លាស់ប្ដូរតួលេខនិងលទ្ធផល ដើម្បី​យក​ជ័យជំនះទៅឲ្យគណបក្សប្រជាជន?» ទោះពិតឬមិនពិត នេះជាការថ្លែងជាសាធារណៈរបស់លោក កឹម សុខា អនុប្រធាន​គណបក្សសង្រ្គោះជាតិ នៅចំពោះមុខអ្នកគាំទ្ររាប់ពាន់នាក់ នាល្ងាចថ្ងៃទី៦ ខែសីហា នៅទីលានប្រជាធិបតេយ្យ។


លោកកឹម សុខា (ឆ្វេង) ចាប់ដៃលោក សម រង្ស៊ី នៅចំពោះមុខអ្នកគាំទ្ររាប់ពាន់នាក់ថ្ងៃទី០៦ខែសីហា នៅទីលាន​ប្រជាធិបតេយ្យ។ (រូបថត គណបក្ស)

អនុប្រធានគណបក្សប្រឆាំង លោក កឹម សុខា បានថ្លែងទៅកាន់អ្នកគាំទ្រថា៖ «គិតត្រឹមល្ងាចថ្ងៃទី២៨ ខែកក្កដា ឆ្នាំ២០១៣ គណបក្សសង្រ្គោះជាតិ ទទួលបានជ័យជំនះ៧០ភាគរយ»។ លោកបន្តអះអាងយ៉ាងប្រាកដប្រជាថា នៅយប់ថ្ងៃទី២៨​ខែ​កក្កដា នៅក្រោយបន្តិច ពីការបោះឆ្នោតបានបញ្ចប់ [...]

គណៈកម្មាធិការ​ចម្រុះ​ឯករាជ្យ​នឹង​ត្រូវ​បង្កើត តែ​បក្ស​ប្រឆាំង​សុំ​ពង្រីក​សមាសភាព

គណៈកម្មាធិការ​ចម្រុះ​ឯករាជ្យ​នឹង​ត្រូវ​បង្កើត តែ​បក្ស​ប្រឆាំង​សុំ​ពង្រីក​សមាសភាព

ភ្នំពេញ៖ គណៈកម្មាធិការចម្រុះឯករាជ្យមួយ ទំនងជានឹងអាចចេញជារូបរាង ក្រោយពីមានជំនួបរវាង គណៈកម្មាធិការ​ជាតិរៀបចំការបោះឆ្នោត (គ.ជ.ប) តំណាងមកពីគណបក្សប្រជាជនកម្ពុជា និងមកពីគណបក្សសង្គ្រោះជាតិ កាលពី​ព្រឹក​ថ្ងៃសៅរ៍ទី៣ ខែសីហានេះ នៅទីស្តីការគ.ជ.ប។ ប៉ុន្តែសម្រាប់គណបក្សសង្គ្រោះជាតិ សមាសភាពដែល​ត្រូវបាន​កំណត់​ឡើង មិនសមប្រកបនឹងអាចធានាបាន នូវយុត្តិធម៌មិនលំអៀងនោះឡើយ។

ពីឆ្វេងទៅស្ដាំ លោក គួយ ប៊ុនរឿន លោក យឹម សុវណ្ណ លោក ហូ វ៉ាន់ មន្ត្រីរបស់គណបក្សសង្គ្រោះជាតិ នាព្រឹកថ្ងៃទី៣ខែសីហានេះ។ (រូបថត MONOROOM.info/ O. Vary)

ក្នុងជំនួបត្រីភាគីលើកទីមួយ ដែលមានគណៈកម្មាធិការជាតិរៀបចំការបោះឆ្នោត គណបក្សប្រជាជនកម្ពុជាដែលមាន លោក ព្រុំ សុខា ជាតំណាង និងគណបក្សសង្គ្រោះជាតិ មានលោក គួយ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...