បាល់ទាត់អេស្ប៉ាញ៖ អាប៊ីដាល់ និយាយលាក្រុមបាសេឡូណា ទាំងទឹកភ្នែក
អតីតខ្សែការពារឆ្វេងជម្រើសជាតិបារាំង អេរិក អាប៊ីដាល់ (Eric Abidal) បាននិយាយទាំងទឹកភ្នែក ខណៈដែលគាត់បានប្រកាសថា គាត់នឹងចាកចេញពីកីឡាដ្ឋាននូខេម (Nou Camp) នៅរដូវក្តៅនេះ បន្ទាប់ពីចំណាយពេលអស់៦ឆ្នាំ ជាមួយនឹងក្រុមបាសេឡូណា (Barcelona)។
កីឡាករអេរិក អាប៊ីដាល់ ប្រកាសចាកចេញពីក្រុមទាំងក្រៀមក្រំ។
កីឡាករដ៏មានប្រជាប្រិយភាពវ័យ៣៣ឆ្នាំរូបនេះ បានត្រឡប់មកជួយក្រុមវិញ បន្ទាប់ពីធ្វើការវះកាត់ថ្លើមទទួលបានជោគជ័យកាលពីឆ្នាំមុន។ ប៉ុន្តែពេលនេះ គាត់បានសម្រេចចិត្តចាកចេញ ដោយសារតែគាត់ ពុំមែនជាកីឡាករជម្រើសដំបូងសម្រាប់ក្រុមទៀតទេ។
គាត់បានមកចូលរួមជាមួយក្លឹប ដោយសារតែលោកម្ចាស់ក្លឹបសាន់ដ្រូ រ៉ូស្សែល (Sandro Rosell) និងនាយកកីឡាលោកអេដូនី ស្ស៊ូប៊ីស្សារ៉េតា (Andoni Zubizarreta) [...]
