Posts tagged as "Chheang Vun"

គណៈកម្មាធិការអចិន្ត្រៃយ៍ នៃរដ្ឋសភា មកពីគណបក្សប្រជាជនកម្ពុជា ដែលដឹកនាំដោយលោក ហេង សំរិន ប្រធានរដ្ឋសភា បានចុះហត្ថលេខាលើសេចក្ដីប្រកាសមួយ យ៉ាងប្រញ៉ាប់ប្រញ៉ាល ក្នុងព្រឹកថ្ងៃទី១៦ ខែ​វិច្ឆិកា​កន្លងមក​នេះ ដកនូវសិទ្ធិ បុព្វសិទ្ធិ និងសមាជិកភាពជាសមាជិករដ្ឋសភា មណ្ឌលកំពង់ចាម នីតិកាល​ទី៥នេះ ពីប្រធានគណបក្សសង្គ្រោះជាតិលោក សម រង្ស៊ី។ កិច្ចប្រជុំ របស់គណៈកម្មាធិការអចិន្ត្រៃយ៍ រដ្ឋសភា​ដដែល​នេះ បានធ្វើការបដិសេធចោល ​នូវសំណើររបស់សមាជិកសភា មកពីគណបក្សប្រឆាំង ដែលស្នើឲ្យទម្លាក់​ចោល នូវ​ដីកាចាប់ខ្លួនលោក សម រង្ស៊ី នោះ។

ការសម្រេចរបស់ប្រធានរដ្ឋសភា និងគណៈកម្មាធិការអចិន្ត្រៃយ៍នេះ ត្រូវបាន លោក រស់ សួ មន្រ្តីបច្ចេកទេស​ច្បាប់ មកពីគណបក្សសង្គ្រោះជាតិ ចាត់ទុកថាជាការសម្រេច ដោយរំលោភទៅលើរដ្ឋធម្មនុញ្ញ។ ក្នុងកិច្ច​សម្ភាស ជាមួយទស្សនាវដ្តីមនោរម្យ.អាំងហ្វូ លោក រស់ សួ បានបញ្ជាក់ថា គណៈកម្មាធិការអចិន្រ្តៃយ៍រដ្ឋសភា [...]

សន្និសីទសារព័ត៌មានមួយ របស់អ្នកនាំពាក្យរដ្ឋសភា ត្រូវបានធ្វើឡើងភ្លាមៗ បន្ទាប់រដ្ឋសភា បានបញ្ចប់​តំណែង លោក កឹម សុខា ពីអនុប្រធានទី១នៃរដ្ឋសភា។ លោក ឈាង វុន អ្នកនាំពាក្យរដ្ឋសភា មកពី​គណបក្ស​ប្រជាជនកម្ពុជា បានថ្លែងប្រាប់អ្នកសារព័ត៌មានថា ដើម្បីការពារនូវវប្បធម៌សន្ទនានេះ រដ្ឋសភា​ត្រូវ​តែ​ដក​លោក កឹម សុខា ចេញពីអនុប្រធានទីមួយ នៃរដ្ឋសភា។

លោកបានថ្លែងឡើងថា៖ «ជាការចាំបាច់ ដើម្បីធានាវប្បធម៌សន្ទនា ធានាកិច្ចព្រមព្រៀង​នយោបាយ​ជាមួយ​គ្នា រវាងគណបក្សទាំងពីរ។ (...) ការដកនេះ យោងទៅលើកិច្ចព្រមព្រៀង ថ្ងៃទី២២ (ខែ) កក្កដា យោងទៅលើ​ការពង្រឹងវប្បធម៌សន្ទនា យោងលើញត្តិ អ្នកតំណាងរាស្រ្ត។»

អ្នកនាំពាក្យរូបនេះ បានបន្តទៀតថា ការដកតំណែងនេះ ត្រូវបានធ្វើឡើង ដោយយោងលើច្បាប់បី ជាសំខាន់ មានច្បាប់រដ្ឋធម្មនុញ្ញ បទបញ្ជាផ្ទៃក្នុង នៃរដ្ឋសភា និងលក្ខន្តិកៈ នៃអ្នកតំណាងរាស្រ្ត។ លោកបន្តថា ការដក​តំណែងនេះ មិនមែនយោងលើ [...]

ខណៈពេល ដែលតំណាងរាស្ត្រទាំង៦៨រូប មកពីគណបក្សប្រជាជនកម្ពុជា កំពុងប្រជុំសម្រេចបោះឆ្នោត​ទម្លាក់​តំណែងលោក កឹម សុខា ពីអនុប្រធានទីមួយ នៃរដ្ឋសភា គណបក្សសង្គ្រោះជាតិឯណេះវិញ បាន​ចេញសេចក្ដីថ្លែងការណ៍របស់ខ្លួន ដោយបានហៅការប្រជុំសម្រេច របស់រដ្ឋសភាកម្ពុជា ដោយខុស​របៀប​វារៈនេះ ថាបានប្រាសចាក និងរំលោភយ៉ាងធ្ងន់ធ្ងរ នូវរដ្ឋធម្មនុញ្ញរបស់ប្រទេសកម្ពុជា។

ជុំវិញភាពលំអិត នៃសេចក្ដីថ្លែងការណ៍ខាងលើ ក្រោយការលោក កឹម សុខា ពីតំណែងជាអនុប្រធានទីមួយ នៃរដ្ឋសភានេះ ទស្សនាដ្តីមនោរម្យ.អាំងហ្វូ មិនអាចសុំការបញ្ជាក់ ពីលោក ម៉ុត ចាន់ថា នាយក​ខុទ្ធកាល័យ​លោក កឹម សុខា បានទេ ដោយលោកបានរុញទស្សនាវដ្ដី ឲ្យសួរទៅមន្រ្តីគណបក្សវិញ។ ជាមួយគ្នានេះ លោក ហូ វ៉ាន់ និងលោក ជា ប៉ូច ដែលជាតំណាងរាស្ត្រ មកពីគណបក្សសង្គ្រោះជាតិ ក៏មិនបានធ្វើការ​ឆ្លើយ​តបដែរ ដោយលោកបានប្រាប់ យ៉ាងខ្លីប្រហែលគ្នាដូច្នេះថា ខាងគណបក្សមិនឲ្យនិយាយ ពាក់ព័ន្ធនឹង​រឿង​ដកលោក កឹម សុខា [...]

ក្នុងសន្និសីទសារព័ត៌មាន រសៀលថ្ងៃទី១៣ ខែសីហា ឆ្នាំ២០១៥ នាវិមានរដ្ឋសភាជាតិ លោក ឈាង វុន អ្នក​នាំពាក្យ និងជាប្រធានគណៈកម្មការទី៥ នៃរដ្ឋសភា មិនបានឆ្លើយតប ទាក់ទងនឹងសំនួរអ្នកសារព័ត៌មាន ទាក់​ទងនឹងប្រធានបទ នៃសន្និសីទរបស់លោក ពិសេសទាក់ទង នឹងសមាជិកព្រឹទ្ធសភា មកពិគណបក្សសម រង្ស៊ី ដែលលោក ឈាង វុន បានគ្រោងនិយាយនោះឡើយ។

នៅមុនសន្និសីទសារព័ត៌មានចាប់ផ្តើម ភ្នាក់ងារអ្នកយកព័ត៌មាន របស់ទស្សនាវដ្តីមនោរម្យ.អាំងហ្វូ បាន​ឃើញ​លោក ឈាង វុន កំពុងនិយាយទូរស័ព្ទ តែមិនដឹងពិភាក្សា ពីរឿងអ្វី និងជាមួយនរណាឡើយ ដោយគ្រាន់តែ​បាន​លឺលោក ឈាង វុន និយាយត្រឹមពាក្យថា៖ «បាទសម្តេចៗ»។

បន្ទាប់មក អ្នកសារព័ត៌មាន បានឮសូរប្រសាសន៍លោក ឈាង វុន ដែលជាតំណាងរាស្រ្តមួយរូប (មណ្ឌល​បាត់ដំបង មកពីគណបក្សប្រជាជនកម្ពុជា) ផងនេះ បានថ្លែងបដិសេធថា លោកមិនមានសមត្ថកិច្ច ធ្វើការបក​ស្រាយ ក្នុងរឿងពាក់ព័ន្ធ នឹងសមាជិកព្រឹទ្ធិសភានោះឡើយ [...]

ការវាយប្រហារ ដោយពាក្យសំដី នៃអ្នកតំណាងរាស្រ្តពីរនាក់ មកពីគណបក្សផ្សេងគ្នា បានធ្វើឲ្យល្បីរន្ទឺរ កក្រើក​ពេញពិភពកម្ពុជា ព្រោះម្ខាង ចង់ការពារប្រធានរដ្ឋសភា និងម្ខាងទៀត ចោទប្រកាន់ប្រធានរដ្ឋសភា ថា​បាន​រំលោភរដ្ឋធម្មនុញ្ញ។

នៅក្នុងសន្និសីទសារព័ត៌មាន កាលពីថ្ងៃទី១៧ ខែកក្កដានេះ លោក ឈាង វុន តំណាងរាស្ត្រ មកពីគណបក្ស​ប្រជាជនកម្ពុជា អ្នកនាំពាក្យ និងជាប្រធានគណៈកម្មការ កិច្ចការបរទេស សហប្រតិបត្តិការអន្តរជាតិ ឃោសនាការ និង​ព័ត៌មាន​នៃរដ្ឋសភា បានចោទប្រកាន់តំណាងរាស្រ្តមួយរូប មកពីគណបក្សសង្គ្រោះជាតិ ពីករណី«ថ្លើមធំ» ប៉ុនប៉ងប្តឹងប្រធានរដ្ឋសភា លោក ហេង សំរិន ទៅក្រុមប្រឹក្សាធម្មនុញ្ញ។ លោកថា បើតំណាង​រាស្រ្ត អ៊ុំ សំអាន ដែលល្បីខាងបញ្ហាព្រំដែននោះ មិនដកចិត្ត មិនដកបណ្តឹង ប្តឹងប្រធានរដ្ឋសភានោះទេ គណៈ​កម្មាធិការអចិន្ត្រៃយ៍រដ្ឋសភា នឹងធ្វើការជំនួសសភាពេញអង្គ ដើម្បីឈានទៅដកអភ័យឯកសិទ្ធិសភា ពីលោក អ៊ុំ សំអាន មុននឹងប្រគល់លោក [...]