កីឡាករខ្សែប្រយុទ្ធ សឺជីអូ អាក្វេរ៉ូ (Sergio Aguero) យល់ឃើញថា ការគ្រងដំណែងម្ចាស់ពានរង្វាន់ព្រីមែលីក (Premier League) ប្រហែលជាត្រូវបញ្ចប់ហើយ សំរាប់ក្រុមម៉ែនឆេស្ទើ ស៊ីធី (Manchester City) បន្ទាប់ពី​មាន​បញ្ហា​ក្នុង​រដូវកាលនេះ។

កីឡាករខ្សែប្រយុទ្ធ សឺជីអូ អាក្វេរ៉ូ របស់ក្រុមម៉ែនឆេស្ទើ ស៊ីធី។

ខ្សែប្រយុទ្ធអន្តរជាតិ អាហ្សង់ទីនរូបនេះ បានលើកឡើងថា វាពិតជាពិបាកណាស់ ដែលត្រូវ តាមពីក្រោយ ក្រុមម៉ែនឆេស្ទើ យូណៃធីត (Manchester United) ១២ពិន្ទុ។

ប៉ុន្តែ អាក្វេរ៉ូ ជឿថាសំរាប់ពានរង្វាន់ អេហ្វអេខាប់ (FA Cup) ក្រុមរបស់គាត់មានសង្ឃឹមច្រើន ដើម្បីទទួល​បាន​ជើងឯក។ ក្នុងពានរង្វាន់អេហ្វអេខាប់ ក្រុមម៉ែនឆេស្ទើ ស៊ីធី នឹងត្រូវប្រកួត ជាមួយក្រុម បាណស្លេ (Barnsley) ក្រុមដែល​នៅ​ក្របខ័ណ្ឌឆែមពានហ្សិប (Championship) នៅថ្ងៃសៅរ៏សប្តាហ៏ក្រោយ។

ហើយអតីតខ្សែប្រយុទ្ធរបស់ក្រុម អាទិលិកទីកូ (Atletico) ដែលបានលើកពានរង្វាន់ កាលពីខែ ឧសភារដូវ​កាលមុន​រូបនេះ បាននិយាយថា «គួរតែធ្វើវា មួយជំហ៊ានម្តងៗ»។

គាត់បន្តថា «ក្នុងការប្រកួតអេហ្វអេខាប់ ពេលបានទទួលជ័យជំនះនីមួយៗ មានន័យថា យើង កាន់តែខិត​ជិតទៅរក ការឈ្នះ​ពានរង្វាន់។ យើងត្រូវតែផ្តោតអារម្មណ៏ និងជឿជាក់ក្នុងការ ប្រកួតរបស់យើង»។

កីឡាកររូបនេះដដែលបានបន្ថែមថា «អ្វីទាំងនេះ យើងត្រូវតែធ្វើឲ្យបានល្អ ក្នុងក្របខ័ណ្ឌព្រីមែ លីក ដូចគ្នា។ តើយើង​នៅតែអាច ឈ្នះពានរង្វាន់ឬ? ខ្ញុំចង់គិតអញ្ចឹងដែរ តែការពិតវាប្រហែល ជាមិនអាច។ ប៉ុន្តែយើងមិន​បោះបង់ទេ ទោះ​បីជាវាគ្មានសង្ឃឹម និងលំបាកយ៉ាងក៏ដោយ»៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី២៨ ខែកុម្ភះ ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ