ភ្ញៀវ​ញ៉ាំ​គុយទាវ​រត់​ជាន់​គ្នា ព្រោះ​ដាច់​ទុយោ​ធុង​ហ្គាស​ក្នុងហាង

ហាងគុយទាវមួយ បានផ្ទុះហុយផ្សែងទ្រលោម បង្កការភ្ញាក់ផ្អើលឲ្យរត់ជាន់គ្នា រហូតមានរបួសម្នាក់ នៅក្នុងសង្កាត់ផ្សាចាស់ ខណ្ឌដូនពេញ នៅព្រឹកថ្ងៃទី០៧ ខែវិច្ឆិកានេះ។ គ្រោះថ្នាក់នេះ បណ្តាលមកពីទុយោធុងហ្គាស់ ចំអិនគុយទាវ នៅក្នុងហាងផ្ទុះដាច់។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី ០៧វិច្ឆិកា ២០១៥
  • កែប្រែចុងក្រោយ: November 10, 2015
  • ប្រធានបទ: គ្រោះថ្នាក់
  • អត្ថបទ: មានបញ្ហា?
  • មតិ-យោបល់

រត់ជាន់គ្នា រហូតរបួសម្នាក់ ព្រោះហាងគុយទាវ បានផ្ទុះទុយោធុងហ្គាស់។ ហាងនេះ មានយីហោ «KMK ព្រុយ​ត្រីឆ្លាម» ផ្ទះលេខ៦០ Eo សង្កាត់ផ្សារចាស់ ខណ្ឌដូនពេញ រាជធានីភ្នំពេញ។ ករណីនេះបានកើតឡើង ខណៈ​ក្នុង​ហាងមានភ្ញៀវជាច្រើន កំពុងទទួលទានគុយទាវ ពេលព្រឹក។  ហេតុការណ៍ភ្ញាក់ផ្អើល បាន​កើត​ឡើង នៅ​វេលា​ម៉ោង០៧ ព្រឹក ថ្ងៃទី០៧ ខែវិច្ឆិកា ឆ្នាំ២០១៥​ ជាពេលដែលអតិថិជន ចូលញ៉ាំគុយទាវច្រើន។

ប្រភពព័ត៌មាន ពីអ្នកចូលញ៉ាំគុយទាវ ក្នុងហាងខាងលើម្នាក់ បានឲ្យដឹងថា នៅព្រឹកកើតហេតុ ក្នុងហាង​មាន​មនុស្សច្រើន ដូចសព្វមួយដង។ នៅវេលាលោក កំពុងទទួលទានគុយទាវ ដូចភ្ញៀវដ៏ទៃទៀត ស្រាប់​តែ​បាន​លឺ​សម្លេង ចេញពីកន្លែងចំអិនអាហារ។ ភ្លាមៗនោះ ស្រាប់តែមានផ្សែងហ៊ុយទ្រលោម ពេញហាង។ ភ្ញៀវ​ជា​ច្រើន បានរត់ប្រសាចចេញពីហាង ព្រោះខ្លាចមានគ្រោះថ្នាក់។ លោកបានបញ្ជាក់ថា ​មានបុរសម្នាក់ ត្រូវ​គេ​រត់​ជាន់ ដួល​បាក់ជើង។

ក្រោយពីកើតហេតុការណ៍ ធ្វើឲ្យមនុស្សមួយហាង ភ័យរត់ជាន់គ្នានេះ នៅក្នុងហាងបានរសាត់ផ្សែង ស្ងប់​ទៅ​វិញជាបន្តិចម្ដងៗ។ អ្នកនៅក្នុងហាងបានឲ្យដឹងដែរថា សម្ភារៈក្នុងហាង និងរថយន្ត​អ្នកចូលញ៉ាំអាហារ​ទាំង​អស់ មិនមានបញ្ហាខូចខាតអ្វីនោះទេ​។ ដោយឡែក ផ្សែងដែលហ៊ុយខ្លាំងនោះ ​បណ្តាលមកពីដាច់​ទុយោ​ធុង​ហ្គាស នៅ​ក្នុង​ផ្ទះ​បាយ​របស់ហាង៕


Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...