ក្រុង​ញ៉ូយក​ចង់​ហាម​ការ​ស្រាត​បង្ហាញ​សុដន់ នៅ​តាម​ផ្លូវ!

សាលាក្រុង ញ៉ូយក ចង់ហាមឃាត់ មិនឲ្យមានសកម្មភាព ស្រាតដោះអាវ បង្ហាញសុដន់ នៅតាមដងផ្លូវ ជាពិសេសនៅលើទីលាន ថែមស្កែរ (Times Square) ដូច្នេះទៀត តែត្រូវប្រឈម នឹង«អធម្មនុញ្ញាភាព» នៃប្រទេសអាមេរិក។
Loading...
  • ដោយ: សុបិន្ដ អត្ថបទ៖ សុបិន្ត ([email protected]) - ម៉ុងរ៉េអាល់ ថ្ងៃទី២៤ សីហា ២០១៥
  • កែប្រែចុងក្រោយ: August 25, 2015
  • ប្រធានបទ: ពីនេះពីនោះ
  • អត្ថបទ: មានបញ្ហា?
  • មតិ-យោបល់

ស្ត្រីទាំងអស់នេះ បានដើរពាសពេញផ្លូវថ្នល់ នៅក្នុងសង្កាត់ «Times Square» ដ៏ល្បីនៃទីក្រុងញ៉ូយក។ បញ្ហា​នៅត្រង់ថា ពួកនាងមិនមានពាក់អាវ នៅល្វែងលើទេ ដោយទុកដងខ្លួន ត្រូវបានបិតបាំងដោយខោស្លីប​ខ្លី​មួយ និងគំនូរជាប់សាច់ នៅលើដងខ្លួន។ ពួកនាងបានថតរូប ជាមួយក្រុមអ្នកទេសចរណ៍ ជាថ្នូរនឹងប្រាក់​ទ្រនាប់​ដៃ​បន្តិចបន្តួច។

ប៉ុន្តែទង្វើនេះ មិនបានធ្វើសាលាក្រុង ញ៉ូយក សប្បាយចិត្តនោះទេ ជាពិសេសនៅ ចំពោះការជំរិតទាមទារប្រាក់ ពីអ្នកទេសចរណ៍។ អាជ្ញាធរចង់ធ្វើការហាមប្រាម មិនឲ្យប្រព្រឹត្តិទង្វើ ព្រលែងខ្លួន បង្ហាញដើមទ្រូងដូច្នេះ នៅ​តាមដងផ្លូវ តែការហាមឃាត់នេះ មិនអាចទៅរួច ដោយសារតែមាន«អធម្មនុញ្ញភាព» ជាមួយច្បាប់កំពូល​របស់​អាមេរិក។

លោក Robert John Burck ដែលជាបុរសម្នាក់ តែងលេងហ្គីតា ច្រៀង និងស្លៀកតែខោស្លីបមួយនឹងខ្លួន នៅ​លើ​ទីលាន«Times Square»នោះ បាននិយាយថា៖ «ឥឡូវនេះ សម្បូរស្ត្រីព្រលែងដោះ នៅកណ្ដាលវាល​ច្រើន​ណាស់ រហូតធ្វើឲ្យយើងលែងដឹងថា មានចំនួនប៉ុន្មាននាក់ហើយ»។

បើទោះបីជាពួកនាងៗទាំងនេះ បានគូររូបទង់ជាតិអាមេរិក បង្ហញពីទឹកចិត្តស្នេហាជាតិ និងមួយផ្នែកទៀត អះ​អាងពីសិទ្ធិស្ត្រី ក្នុងការដោះអាវ ដូចបុរសដែរនោះ ប៉ុន្តែពួកនាងបានធ្វើ ឲ្យបណ្ដាជនអាមេរិក ក្ដៅក្រហាយ​ទៅ​វិញ។ ជាពិសេសស្ត្រីអាមេរិកាំង ជាម្ដាយផ្សេងទៀត បានហៅកូនៗតូចៗរបស់ពួកនាង មិនឲ្យដើរលេង នៅក្នុង​តំបន់នោះទៀតទេ បន្ទាប់ពីស្ត្រីដោះអាវ មានចំនួនកាន់តែច្រើនឡើង ក្នុងរដូវក្ដៅឆ្នាំនេះ។

វាមិនជាស្រួលប៉ុន្មានទេ ក្នុងការបណ្ដេញពួកនាងចេញ ព្រោះច្បាប់អាមេរិក ជាពិសេសច្បាប់ នៅក្នុងរដ្ឋញ៉ូយក​នេះ​តែម្ដង បានអនុញ្ញាតឲ្យស្ត្រី មានសិទ្ធិដើរព្រលែងដើមទ្រូង នៅកណ្ដាលវាលបាន រាប់ចាប់តាំងពីឆ្នាំ១៩៩២​មក។

តំណាងរាស្ត្រមួយរូប មកពីគណបក្សប្រជាធិបតេយ្យ លោក Daniel Garodnick បានថ្លែងប្រាប់​សារព័ត៌មាន «New York Daily News» ថា៖ «យើងត្រូវបានត្រិះរិះ ធ្វើយ៉ាងណាដើម្បីរៀបចំ ទីលាន Times Square នៅជានិមិត្តរូបនៃសិទ្ធិសេរីភាព ដោយទុកឲ្យក្រុមអ្នកទេសចរណ៍ អាចមកកាន់ទីនេះ ដោយ​គ្មាន​ការ​រំខាន»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...